Joel 1:10 - ŊWÀʼ NYÙY

¹⁰ Súm sí sìkìr kisáŋ, a nsay diyì, bìʼ fo ŋguùmé sí laàrìn ne vifá fo fo. Sí ndzə̀ə́y ne vitiír vé vayin, e sòóy vicí vé *oliv ví máy.

Joel 1:10 Referans Kwoze

Hosea 4:3

Bìʼ bey, nsay yùm ne, a dzə e nsòv, a kifá kidzə̀m ke kí dzəə̀n shó ki wèʼ ne wéʼen. Nyám sidzə̀m wùn à menə́n mè, à sə́ si ló kpukír.»

Hosea 9:2

Ké lèn ki, vèn yíi a kav vifá, é ví wáa dor dorín, é vèn wáa yi, e làa yòʼ a yu fo ví du. Vitiír vé melùʼ ve vèn káv vi yòʼ yíi a fəə́r meluʼ me vèn wáa rəə̀r kilòŋ shó.

Jeremia 12:11

Áwune bìnèr ne nsay yem ji wóʼ. Yì sí néŋ e mǒ si ŋgeʼ ŋgeʼ. Fóo kfə̀n ne ji nsay kinjúm e dzə̀m, a bó wìr wo wù cí yòʼ dzə̀.

Joel 1:5

Éè amfoòkìnó, vèn yimen, a dìy. Ven vee anomèlùʼ, vèn wáa toŋ, a jeetí. Tútúʼ wo á fer meluʼ sho yòʼ kfə̀n dzə̀ə́. Meluʼ me fíy me vèn koŋ a no mè bùú ne.

Hagay 1:11

M yiì ne, wuú táv é yuv, nsay wáa yum yumén, aàgwane shó, e yiì, kifá ke nsay fəər kidzə̀m ki ku yùm yúmén. Súm saŋé yúm, vitiír vé melùʼ vi yúm, à vicí vé meŋgvə̀r me *oliv vi sá. Vèn à nyám sén sí yúmkír sá, lim ye vèn rə́si gísin, limèe láy kisáŋ.»

Joel 1:12

Vitiír vé vayin vi yùm ne vidzə̀m. Vicí vé fig vi soóy, à vé *grenadin vi. Vicí vé mbàŋ wùn à vé apər vi sòóy ne, e mày. Vicí ve á yii koy vi yúm fó sum vidzə̀m, vijuŋ ve wíri kì yíi a yu vi búŋ.

Jeremia 48:33

Vijuŋ vi yòʼ dzə̀ə́ e Moav, kishéʼrì ki mày ne fo wòŋ, a wú kér nsay ye borín. M yiì ne tútúʼ wo á fer meluʼ sho búŋ fó wòŋ. Á yòʼ dzəə́ nyeŋ, a ŋkěŋ kisheʼrìi kóʼó. Leŋ wo wú kóʼ fo foo yòʼ dzə̀ wó kisheʼrì.

Jeremia 12:4

Nsay wíy yum, e dù, e meé e le? Jíyí wíy kpu, e dù, e meé e le? Nyám si wùn à menə́n mè kpùkír ne, e mày, a dzə̀ bìʼ liì kisaŋ wìr ve á dzə́ e nsay fèn, suuy jii, «Nyùy yòʼ yén vinyo ve vèr yii.»

Aysaya 24:11

Wíri kù sí jaŋ e mentàrnín jii, «Vèr yòʼ dzəə́ kér meluʼ.» Vijuŋ ve wìr ve vé‑eè savnìn vi ŋeèmé ne, e lày, ndzə́ʼ ye wíri‑iì yú vijuŋ, ndzə́ʼə́ə máy fó kitu ke nsay.

Cù 26:20

Vèn wíy a bvəʼtí wún é lìm kisáŋ, bìʼ fo nsay yen yòʼ wíy a fəə́r kifá ke yi feyì, a bó vicí ví yòʼ wíy a koóm báŋ si gheéy.

Kèʼlo 4:12

À wíy a lìm kifá, é la kí yòʼ a bòŋ. À wíy a ghan ghanén é yuv ji làŋgày e kitu ke nsay, là meemè.»

Aysaya 15:6

Ndzə́v seé Nimrim si yùmkír ne, viŋgà ví yóvrí, vifá veé sum ví sə́ʼsí, a bó kifá ke kí teʼ ki yòʼ kfə̀n dzə̀ə́.

Aysaya 24:7

Vitiír vé *vayin vi yùm ne, meluʼ mè kéʼ a juukír. Wìr dzə̀m wo wù‑uù nó meluʼ, yú vijuŋ, sì a dzə̀ e shwémé shuù lèn.

Joel 2:19

Nyùy Tàr wáa bìnèr kinyo ke wìr və́, a suúy aáwune jii, «Ké lèn ki, m lo, e tsənsí vifá ve yi, à meluʼ mè, à meŋgvə́r mè nyanyày mo a dzə̀ ví ghèén ven. Vèn yòʼ dzəə́ yiì a dzə kifá ke nshéʼmé ki fo vitúm ve ví kaarin ven ví.

Habakuk 3:17

A fə̀m dzə̀ ji bó kicí ké *fig ki yòʼ koomè, a baŋ yòʼ fə̀m kár e kitiír ké *vayin, a bó vicí vé *oliv vi yòʼ koomè, a bó nsay yòʼ fó vifá ve yi, a nyám si fə̀m kpù sidzə̀m, vibìn ví wáa dzə kisáŋ,

Malakay 2:3

Vèn yuúrí, ké lèn ki, m lo, e màʼ ŋgeʼ e rám yéné kitu. M yíi sam jáŋ nyàm se vèn wiy, yii cu sho e věn si. Sámé, aá tátí vèn à jáŋ yee shooyi, e kùúy, e dù màʼày.