Jeremia 9:9 - ŊWÀʼ NYÙY

⁹ A dzə̀ rú la m yòʼ màʼ ŋgeʼ aáwuné kitu, bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a?» Suuy Nyùy Tàr.

Jeremia 9:9 Referans Kwoze

Jeremia 5:29

A dzə̀ rú la m yòʼ màʼ ŋgeʼ aáwuné kitu bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a? Suuy mo woo Nyùy Tàr.

Jeremia 5:9

A dzə̀ la m yòʼ màʼ ŋgeʼ aáwuné kitu bìʼ vinyo vìn à? Suuy mo woo Nyùy Tàr. A dzə̀ la m yòʼ siìr ŋkfə́tír e kfə́ə kitum kee ben ki a?

Aysaya 1:24

Bìʼ vinyo vìn, Nyùy Tàr, wun woo Taà Mànjòŋ nén a suŋnín, wun woo Nyùy woó Isray wo wù kér vitaáví yoŋ jii, «Mo vèn kfənen ji aŋgaà vém vibàn, m yíi lovtí e vèn, e meé mo dòʼshwíiy wom yíi rə̀sìn. Mo vèn sə́ kóy vèsən, m yíi siìr ŋkfə́tir nyar ye vèn yiìn, m wáa yu.

Aysaya 10:3

Ven vee vé saʼa, Nyùy wíy lòo màʼ ŋgeʼlàʼ e wòŋ, é vèn yée le? Wù wíy yiì, kitúm ki sasìn, ghíʼ ven e rə́r sí, kù mo shaa kinsəm, lóo laàr wíri, lóo bivír kifá kidzə̀m, é vèn léʼ, e beè a dzə̀ la? Vèn wíy lìtì bùʼ won, a dzə̀ feé?

Aysaya 57:6

Vèn lì ne ji vèn wáa cù tíy se lerìsìn seé sar se koŋ ji anyùy vén. Vèn sər meluʼ e nsay ji vèn cu anyùy vìn sho, li vifá ve yi, cu áwune shó. Vèn kwaʼ ji m shéʼri kinyo ke vèn mumè à?

Jeremia 4:25

M lóo leéy, e làa yòʼ kfə̀n yen wír, e yèn sá, a menə́n meé yuv medzə̀m mè féŋkír ne.

Jeremia 12:4

Nsay wíy yum, e dù, e meé e le? Jíyí wíy kpu, e dù, e meé e le? Nyám si wùn à menə́n mè kpùkír ne, e mày, a dzə̀ bìʼ liì kisaŋ wìr ve á dzə́ e nsay fèn, suuy jii, «Nyùy yòʼ yén vinyo ve vèr yii.»

Jeremia 12:11

Áwune bìnèr ne nsay yem ji wóʼ. Yì sí néŋ e mǒ si ŋgeʼ ŋgeʼ. Fóo kfə̀n ne ji nsay kinjúm e dzə̀m, a bó wìr wo wù cí yòʼ dzə̀.

Hosea 4:3

Bìʼ bey, nsay yùm ne, a dzə e nsòv, a kifá kidzə̀m ke kí dzəə̀n shó ki wèʼ ne wéʼen. Nyám sidzə̀m wùn à menə́n mè, à sə́ si ló kpukír.»

Joel 1:19

Éè Nyùy Tàr, m tóŋ a dzə̀ e wò. Və́yí laàr ne kwáʼ nyàm, e tòn vicí ve ví dzəə̀n é kwaʼ vidzə̀m.

Amos 5:1

Wír veé Isray, éè mò, vèn yuúrí yòv dìy wo m yov, sheŋ kitú bìʼ ven.

Amos 5:2

Isray gbù ne. Óò mboò, jìn Nyùy Tàr gbù ne. Á tòn ne wun, a bó wù yòʼ dzəə́ wìy ŋaʼáy. Wù sí bér berín e wun nsay, a bó ŋgaà sə yòʼ dzə̀. Wù sèsín ne e kibvə̀r, a bó ŋgaà nàn yòʼ dzə̀.