Jeremia 9:8 - ŊWÀʼ NYÙY

⁸ Kiliímé kév kí dzə̀ ji mvən ye naáné, kinyo kidzə̀m ke kí fəə́ fo fo ki dzə̀ kimboʼtì. Wìr lo, wù wàa suŋnín e fər və, kí wàa bòŋ, a wù kér a dzə̀ kwaʼtì ye bií é shiliv kùm wun.

Jeremia 9:8 Referans Kwoze

Nsùyrì Nyùy 28:3

Lá à yòʼ tàtí mo, e sə̀ŋ ji m kpú vèr à wír ve á méŋ wòo. Áwune dzə̀ aŋgàa yiì ye bií. Á kér kiláyláy ke juŋ ki, bin, kér kwaʼtì ye bií é meliv.

Jeremia 9:3

Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

Nsùyrì Nyùy 120:3

Ven vé kimboʼtìi, ŋgeʼ yen yíi a dzə e le féyì? A dzə̀ Nyùy màʼ a dzə̀ kfə́ə ŋgeʼ rəné e věn kitu?

Nsùyrì Nyùy 57:4

M dzə́ bèn, aàŋgàa vibàné gìŋ ne mo, e tàr, aá dzə̀ moo abvərə̀ʼ ve jìŋ yárí, aá taʼ jav wìr. Sóŋ sév sí njím moo njàʼ se kòŋ, njím moo kitú ke mvə̀n. Kiliímé kév kí dzə̀ moo shwàʼ wo á baàyìn.

Nsùyrì Nyùy 55:21

Kisúŋnìn kfə́ kí nyom moo vilu, yii bèy, a wù dzə̀ ŋgaà lǎm baà. Jí se sí fəə́ fo wun shuù si rəsìn moo meŋgvə́r, yii bèy, a sí njím moo shwàʼ wo á baàyìn.

Nsùyrì Nyùy 12:2

Wìr dzə̀m kù sì ŋgaà lam baà, bóʼti a dzə̀ kimboʼtì e fər və, leerì wun e shúu.

2 Samuel 3:27

Abner nəə́ é Hebron, Joav kwàr wun, wùn wun dù e shùu kày moo ji wùn wun kér a visúŋnìn vee wír abaà bey, wù nèn sòv wun fo bvə̀m, e yùyrí. A wù sov bèy ji wun siir á ŋkfə́tír wo Abner‑iì yuyrin Asahel woo fə́r və.

Jeremia 9:5

Wìr dzə̀m kfə̀n ne ji ŋgaà kimboʼtì e fər və́ bàm, a bó wìr yòʼ kfə̀n suuy suuyrú. Á mèrìr ne kiliímé kév a dzə̀ e kimboʼtì ki. Áwune yòʼ kfə̀n yú fóo bìnkìr, e màʼtì liì kisaŋ.

Jeremia 5:26

«Wír kisaŋe sì e wír vémé mvəm, aá laay moo wír ve á koó menə́n. Á kóʼor kév vitám, koó a dzə̀ wíri.

Nsùyrì Nyùy 64:8

Nyùy kù wíy laàr áwune bìʼ shuu wóv. Wíri yén áwune, aá wáa dzə̀v kiwuú ji ajwèkòʼ.

Nsùyrì Nyùy 35:20

Kisúŋnìn kév kí yòʼ din nyaáŋ. Á kù cì kwán e wír ve á dzə́ ji nyaáŋé bàm. Áwune kù kwaʼtì a dzə̀ jí se kimboʼtì.

Ŋgàn 25:18

Wìr wo wù tiim vinjen ve kisaŋ vi e ŋgaà shweèsí və́ bàm dzə̀ kpú, réŋréŋ moo kibur, kìn nyùy rə̀r, à mvən ndzəʼə.

Jeremia 9:4

«Wìr wáa kiíy kfə́ə ŋkar ye wù koó. Lá wìr yòʼ a way shilív e fər və́ wùn. Fər wìr kù sì ŋgaà kimboʼtì e wìr bàm moo Jakov, a ŋkar wìr kù sì ji ŋgaà kinsuʼ.

Mayka 6:12

Aŋgàa mbàm vén veé Jerusaleme bóʼ aŋgàa kitàn, a wìr dzə̀m woo fó kù sí bóʼti a dzə̀ kimboʼtì, a shuu wóví kù ŋeʼ ji á bóʼtí wír.

Nsùyrì Nyùy 12:3

Éè Nyùy Tàr, ku laàr nsùyrì woo fó shuù, à lám kinsùmrìwùné.

Nsùyrì Nyùy 62:5

Mo‑óò kfə́mén, a yuurí a dzə̀ Nyùy. Vifií vém ví kù tíy a dzə̀ e wun wùn cáʼ.

Jeremia 5:9

A dzə̀ la m yòʼ màʼ ŋgeʼ aáwuné kitu bìʼ vinyo vìn à? Suuy mo woo Nyùy Tàr. A dzə̀ la m yòʼ siìr ŋkfə́tír e kfə́ə kitum kee ben ki a?