Jeremia 9:7 - ŊWÀʼ NYÙY

⁷ Á bèy, wun woo Nyùy Tàr woo Taà Mànjòŋ nén a suúy jii: «Vèn yú, m yíi mùmrì áwune lèn e və́yí, e yen mo á dzəə̀n. Wír vémé kù sí yii a dzə̀ liì kisaŋ, bo a siì dzə̀ m kfə̀n yèe le lèn?

Jeremia 9:7 Referans Kwoze

Aysaya 1:25

M yíi nàn kiwó kém, e màʼ ŋgeʼ e věn kitu, e fíʼ yiì, é vèn maʼti vinyo ve bi ví. M yíi shèŋrì ven moo kisha ke á liìn ghán, e tòn, é liì won kisaŋ may e dzə̀m.

Malakay 3:3

Wù wíy wìy, e shèŋrì rám Levi mo taà kilàm shèŋrì kisha ke fəvír kí e və́yí. Rúrú, wù wíy a shèŋrì áwune mo á shèŋrì *kisha ke mbàm ke baar wùn à ke fəvír kí, e dù meé mo áwune wíy yiì cu yee réŋé e mò woo Nyùy Tàr.

Jeremia 6:27

Nyùy Tàr yòŋ mo jii: «Jeremia, m lèm ne wò e wír vémé mvəm ji à mumri áwune mo taà kilàm mùmrì kisha. À mumè, áà kiíy mo yii yéví dzəə̀n.

Aysaya 48:10

Vèn leéy, e yèn, mò‑oò sí sheŋrì ven, yii bèy, a bó m yòʼ‑oò sheŋrì a dzə̀ e və́yí, mo wìr shèŋrì kisha ke mbàm ke fəvír kí. Mò‑oò lì a dzə̀ ŋgeʼ, a shèŋrì ven shó mo á shèŋrì kisha e kǐŋ kilàm.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

1 Pita 4:12

Ŋkàr sem, lá vèn yòʼ a ker gháʼ fo ŋgeʼ se sí kooy ven, a vèn shwí sho moo və́y, mo dzə̀ kinyo ke fíy kímóʼ kí. Sí mum ven múmen, é vèn fíʼ màysì, a tiy a dzə̀ e Nyùy wùn.

1 Pita 1:7

a kiíy jii, sí kooy bèy, aá fíʼ yen ji vèn wày rú shilív e Kristu wùn. Mo á kù yii mum kisha ke á fer mbàm sho e və̀y, e bó a shèŋrì, a dzə̀ kifá ke kí wíy mày, bo dzə̀ á kù mùm sa ven, é vèn fíʼ màysì, e wày shilív e Kristu wùn, wíy lóo dzə e kishiíy ke wù wíy kfən, aá wáa burí ven, a meér yír yén.

Jeremia 31:20

Nyùy Tàr suuy jii: «Bó rám Efrayime yòʼ dzə̀ ji wán wo m kòŋèn a? Kí m tìír vifií é wùn wó feyì? Fə̀m mo m lo, m wàa suŋnín e wùn wó, m kù dzəə́ kér shíi və. M lo, m kù a yar jíŋ rə, a m kù wíy sham mendzən mvə.

2 Wòŋ 36:15

Nyùy Tàr woo Nyùy atàr vév kù‑uù rə́si tsə́nsi aŋgàa ntum və́ fo áwuné wùn ji á wáa kàntì a áwune fó vinyò ve bi ví, bìʼ fo wù‑uù rə́r mendzən me wìr və́, kfə̀n rə́r me lav cù ye dzəə̀n kirə́ʼ kfə́ ké dzə.

2 Samuel 13:26

Absalom bùn fon jii, «Nyàr, a dzə̀, a fòn yòʼ du, fòn kù màʼtì a rì fə́r wom Amnon, é vèr áwune du.» Fòn bìnèr jii, «M yoʼ yèn shií wo Amnon du vèn wun.»

Nsùyrì Nyùy 55:22

Éè mǒ vèné, ku wày akíghàʼ vée a dzə̀ e Nyùy kiwo. Ku wày bey, é wù wáa kìŋsìn wò. Bó yòʼ dzə̀ wù wìy màʼtì, kifá ki sə̀ʼ wír ve á yúnin wun.

Nsùyrì Nyùy 62:5

Mo‑óò kfə́mén, a yuurí a dzə̀ Nyùy. Vifií vém ví kù tíy a dzə̀ e wun wùn cáʼ.

Nsùyrì Nyùy 120:4

A dzə̀ wù tèrí ven e mvən se rər se sí njím si, e tòn ven e káy se və̀y se sí gheʼè si.

Aysaya 59:3

Vèn lì ne njò kinjuyrìwìr, a lǒn vinyò ve vèn buʼtìi kù ló a dzə e věn kitu. Vèn mvəʼ shuu, kù fəər a dzə̀ kimboʼtì, a kiliímé kén kí kù tíy a dzə̀ é kinyò ke kisaŋ ki.

Jeremia 5:1

Nyùy Tàr suuy jii: «Vèn ghánén é dzəə seé Jerusalem, e bùʼrì virə́ʼ ví, e lèéy o. Vèn tar mentàrnín mvə mè, e tàr ji á sà‑áà yén wír, fə̀m e mòʼón, wír wo wù yii réŋ, kfə̀n kér suuyrú á. Yéné, é m fiʼ làysìn ajay wìr veé Jerusalem.

Hosea 4:1

Éè wìr veé Isray, vèn yuúrí kinyo ke Nyùy Tàr yoŋ e vèn kí. Kí dzə̀ jii, Nyùy Tàr kér nsaʼ wùn à wír veé wòŋàne, suuy jii, «Suuyrú wùn à kikoŋnìn ki mày ne fo nsay fèn, a bó wìr yòʼ kfə̀n gwarìr kinyo kee kùm Nyùy.