Jeremia 9:6 - ŊWÀʼ NYÙY

⁶ Á kù sí waʼrì, yúy wíri e séʼ wo á sə́, kuvrì a dzə̀ kiŋkùvrì. Áwune tèn ne fóo binsí mo ji Nyùy.» Suuy Nyùy Tàr.

Jeremia 9:6 Referans Kwoze

Jeremia 13:10

Wír liì kisaŋ vìn, á tèn ne fó a yu kinyo kém, a tav a dzə̀ kitú, a yiì kinyo a dzə̀ ke melív mev mè tíy sho, jumrì anyùy vitum, ghvə́mé, kfə̀n cu. Áwune kù wíy lày sa kisáŋ moo bàtàrí və̀n.

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Jeremia 20:10

M yú, aá ghvəvrì mo mbìv sidzə̀m, virə́ʼ vidzə̀m vi sí beéme beèmén. Ŋkar sém sé tim sidzə̀m si sí suuy jii, «Á sómér wun, vèsən wáy wun e vé saʼá wo.» Á sí leey ji m bayrin, yoŋ jii, á lévtí wun, e kòóy kinyo kée màʼ wun sho, e nen siìr ŋkfə́tír.

Jeremia 11:19

a mò‑oò dzə́ kém nyaáŋ nyaáŋ moo wan njiì wo á liìn ji á du, e see, a bó wù yòʼ gwarìrì. M yòʼ‑oò ló a kiíy ji á kàr á ne menàŋ e mǒ bàm, e yòŋ jii, «Á laar á kicí wùn à báŋ sə́ sí. Á tsəʼ á ŋwèrín fó wòŋ wìr ve tine, é la wìr yòʼ dzəə wìy a kuumé yír rə́.»

Jeremia 8:5

Yií ka lèn, é bo wír veé Jerusalem vìne bin ndzə̀m e mò bínen ŋkuuŋkùŋ. Áwune kù ghvə́m a dzə̀ mebvə̀m, a dzə̀ kifá kisáŋ, e tèn fó kfən e bàm, e yen mo.

Jeremia 5:27

Mo menə́n mè rùn é ŋkém, dzə̀ mo vifá ve kiŋkùvrì vi runen lav sév, áwune nén a ker mbàm, e kùʼkìr.

Ŋgàn 1:29

Áwune tèn ne fó a yeʼéy, e kiíy, á tèn ne fó a yunín Nyùy Tàr.

Ŋgàn 1:24

Mo m rə́si tír ven, a vèn tén fóo yu, kwar ven, a bó wìr yòʼ kér ghán,

1 Korin 15:34

Vèn maʼti kiyúŋsì ki, e lèʼ fó bǎm vinyò ve bi ví. M yén ji wír vén ámóʼó yòʼ kì á Nyùy gheéy. A m suuy bèn, é vèn fíʼ a woomé.

Jeremia 18:18

Wíri nèn lò yòŋ jii, «Vèsən báʼtí, e yèn ó ji á sà‑áà yée e Jeremia a? Bó atàá cù ve á yéʼey vèsəné yòʼ wíy buŋ, a bó akiíy vé a naàrì vèsəné yòʼ wíy a buŋ, a bó aŋgàa ntum Nyùy vé a tiisí ntum rəə́ yòʼ wíy buŋ sa. Vèsən bá menàŋ, e bìvír wun sho, e làa yòʼ dzə́ə a yuurí kinyo kfə́.»

1 Samuel 2:12

A wón wun woo Elií‑iì dzə̀ wír kisaŋe, a bó á yòʼ‑oò kér shií fo Nyùy Tàr.

Aysaya 1:3

Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»

Jeremia 11:10

Áwune kfə̀n ne, a yiì vinyo ve kisaŋ vi ve atàr véví‑iì yii. Atàr véví‑iì tèn fó a yu kinyo kém. Áwune‑eè lò, a leʼnín a dzə̀ áànyùy kisaŋé bàm, a cù. Wír veé mbìv Isray wùn à veé mbìv Judàa tàtí ne adzə̀m, e bìvír mensaŋ me mò‑oò gwàrìn vèr aàtàr véví.

Aysaya 1:25

M yíi nàn kiwó kém, e màʼ ŋgeʼ e věn kitu, e fíʼ yiì, é vèn maʼti vinyo ve bi ví. M yíi shèŋrì ven moo kisha ke á liìn ghán, e tòn, é liì won kisaŋ may e dzə̀m.

Aysaya 4:4

Á wíy a yen bèy, a Nyùy Tàr sú ne lóm se wìr veé Jerusalem, e *kfə̀mrí áwune fó kinjuyrì, e sù mensə́ fo áwuné wo. Wù wíy yiì kin, e shaà fo ŋgeʼlàʼ ye wù maʼ e wírí kitu, bìʼ yii yév, e màʼ, kù mo və́yí laàr kifá.

Hosea 11:8

«Éè Isray, a dzə̀ m shwèy ven fó wo e le? A dzə̀ m ghàn é le, e bóo màʼtì ven? A dzə̀ m ghàn é le, e bóo laàr ven, mo mò‑oò laàrìn Admaa? A dzə̀ m ghàn é le, e bó a lovtí e vèn, mo mò‑oò lovtin e Tsəboyiim? Bó yòʼ dzə̀ shilív shém shí biìmé. Koŋ ye m kòŋèn ven é ŋàŋé shàʼnín.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »