Jeremia 9:5 - ŊWÀʼ NYÙY

⁵ Wìr dzə̀m kfə̀n ne ji ŋgaà kimboʼtì e fər və́ bàm, a bó wìr yòʼ kfə̀n suuy suuyrú. Á mèrìr ne kiliímé kév a dzə̀ e kimboʼtì ki. Áwune yòʼ kfə̀n yú fóo bìnkìr, e màʼtì liì kisaŋ.

Jeremia 9:5 Referans Kwoze

Habakuk 2:13

Rúrú, kéŋ ye vitúm vi kéŋée wíy kfən ji vidaànè ve və̀y, a ndzəʼnìn sév sí kù wíy lày kisáŋ, á ke Nyùy Tàr woo Taà Mànjòŋ wayin.

Mayka 6:12

Aŋgàa mbàm vén veé Jerusaleme bóʼ aŋgàa kitàn, a wìr dzə̀m woo fó kù sí bóʼti a dzə̀ kimboʼtì, a shuu wóví kù ŋeʼ ji á bóʼtí wír.

Aysaya 57:10

Vèn‑eè ghàn ntàmda, e dòrkír, a làv làvìn, yii bèy, bó vèn yòʼ‑oò ló a suúy ji vèn dzə́n a dzə̀ á kintóʼ ke nshùm. Vèn‑eè lò kén, e kòóy a dzə̀ vitaáví, a fiyír vitú vén, e làa yòʼ dor fo kinyò.»

Ŋwàʼ Jov 15:5

Kisúŋnìn ké ki kù dìn ne vinyo vé ve bi ví. Á nsàv ye à li lám kinshwìv, leerì wíri shó.

1 Timoti 4:2

A kù wíy lì wír ve melív mev mè lùrìn ne kinyo kee shooy, a wooné sho ji ké Nyùy, a boʼtí wíri.

Efesor 4:25

Kí nén a dzə jii, lá wìr yòʼ dzəə bòʼtí a fə́r və. Wìr wáa suúy a dzə̀ kinyo ke ru kí e fər və, a kuumé ji mo wùn wun tatin e Kristu kinyò, á sì á ji kitú kimòʼón.

Mayka 6:3

Éè wìr vem, m jày ka e vèn? M kfə̀n ji kibeʼèy fo vèn a dzə̀ é dzəə yeé le? Vèn fó mo binèr.

Esiker 24:12

M yèn ne ŋgeʼ, sí láy kisáŋ, nyàŋ kùʼnìn ne e kìŋ, e ghàʼ. Bèr ji á maʼ é və̀y.›

Jeremia 9:8

Kiliímé kév kí dzə̀ ji mvən ye naáné, kinyo kidzə̀m ke kí fəə́ fo fo ki dzə̀ kimboʼtì. Wìr lo, wù wàa suŋnín e fər və, kí wàa bòŋ, a wù kér a dzə̀ kwaʼtì ye bií é shiliv kùm wun.

Jeremia 9:3

Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

Aysaya 5:18

Lòné dzə̀ wó wìr ve á bóʼti vitú vév, lór vinyo ve bi ví é wùn mo á kùr áwune shó kurín áàkfə̀ə́. Áwune kù səŋ vinyo ve bi ví é wùn, kù moo ji á səŋ a dzə̀ e kfəə̀ nàʼ.

Ŋgàn 4:16

Bó yòʼ dzə̀ áwune yù fóo cuʼ kinyè é nsay, a bó á búʼ rə́mrə́m kinyò. Á neemè, mbuùné sí kù a kaŋ fo si ji á ku wày wír e kinyò.

Nsùyrì Nyùy 140:3

Jí se sí fəə́ fo áwuné kilayláy sí dzə̀ ji ndzəʼ, ndzəʼ, wo dzə̀ wù yùyrí wír mo tè búv.

Nsùyrì Nyùy 64:3

Áwune sáy viliímé vév moo shwàʼ rə̀r. Á maʼ lám wo bií mo wìr màʼ mvən.

Nsùyrì Nyùy 50:19

Kiláyláy kén kí caʼcàʼ e kinyò ke bi kí. Vèn kù bóm a dzə̀ kimboʼtì e shúu.

Nsùyrì Nyùy 7:14

Rúrú, wìr wo wù méŋ Nyùy kwaʼtì a dzə̀ kinyo ke bi kí, rùn kighèʼ e wun bvə̀m, a kù fəə́ kimboʼtì fo wun shuù.

Ŋwàʼ Jov 11:3

A dzə̀ kiyor ké keé ŋàŋ, kí sə̀tí shúu wíri a Jov? Jov, à kwaʼtì ji a dzə̀ à toònè Nyùy e lámé, la wíri yòʼ a saʼ wò à?

Kèʼlo 19:11

Mo á siìrìn Lot e lav, e nèn tsə̀m wír ve á kì tíy e shùu lav e vimfìr vi. Sí wìr dzə̀me səə́né, à ŋgàywìr, à wánlè, la á yòʼ dzəə́ a yen shúu lav gheéy.

Nsùyrì Nyùy 52:3

À koŋ kinyo ke bi kí, e shaà ke juŋ ki, koŋ kimboʼtì, e shaà suuyrú.

Jeremia 7:28

Á bèy, áà nèn yòŋ aáwune jii, ‹Vèn dzə̀ kitúm ke kí yòʼ yúnin Nyùy Tàr woo Nyùy won, a kí yòʼ sə́ ntir. Suuyrú lày ne fo věn mvəm, a kinyo ke ru kí yòʼ dzəə́ fəə́ fo věn shuù.

Jeremia 12:6

Fə̀m afə́r vé, à kfə́ə yée, áwune màʼ ne wò. Wùn à vé menàŋé suùsín ne, a dzə̀ wuú yé. Á lóo bètì wò e shuu wo juŋe bey, à wàa yen.»

Jeremia 12:13

Áwune lìm ne sáŋ, aá yíi kav a dzə̀ vikwiíy. Á nə̀ʼsì wún, wú láy kisáŋ. Áwune yíi a siy vifá a woomé, a yií dòʼshwiiy Nyùy Tàr.»

Jeremia 13:23

A dzə̀ wìr woó Etiopia kùvsín nshòm rə á? A dzə̀ baá kùvsín vishom və́ á? Bo yòʼ dzə̀ sá ven ve á merìsìn ne a dzə̀ yíi kisaŋe, vèn kfə̀n yiì kinyo kee réŋ kí.

Jeremia 51:58

Á wíy bvəʼə́y kikum ke kày yeé ŋkàlaʼ Babilon, e tòn shuu se kày see fó mo sí fə̀m dàrkìn. Wíri lò vitúm vinín, e yèn ŋgeʼ, e bóo bàʼrì fó, a ŋgeʼ yev wíy lày kisáŋ. Lim yéví kù wíy shwi a dzə̀ é və̀y. Suuy mo woo Nyùy Tàr woo Taà Mànjòŋ.»

Jeremia 51:64

À rəŋ bèy, à saàrí jii, ‹Á mo Babilon wíy lày bèn, e làa yòʼ dzə́ə wìy ŋaʼáy, a dzə̀ bìʼ ŋgeʼ ye m wíy màʼ aáwuné kitu, é wír vee fóo reŋ adzə̀m.› » Ntum Jeremia mày ne fèn.

Malakay 2:10

Vèsən dzə́ bèn, a bó tàr wòsən yòʼ dzə̀ e mòʼón a dzə̀ Nyùy à? Bó yòʼ‑oò bòm wun woo Nyùy vèsən a? Yiì ka, la vèsən yòʼ a suúy suuyrú e wír ámóʼó? Kòóy ka, é bo vèsən tén fó a ghvəm *mensaŋ me wù‑uù gwàrìn wùn aàtàr vesəné?

Atǎr Nsaʼ 2:10

Ŋgwàʼ yee shooy‑iì kpù, e mày, yìmòʼ yee ŋgwàʼ siíy, e kòʼ, e nèn a meŋ Nyùy Tàr, a bó á yòʼ kiiy lim se wù‑uù lìmèn e wír veé Israyi.

Ŋgàn 12:5

Wíri yúnin Nyùy, á gwàrìr vinyo ve réŋ ví. Wíri méŋ Nyùy, á wàa tiy a dzə̀ é kimboʼtì.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.