Jeremia 9:4 - ŊWÀʼ NYÙY

⁴ «Wìr wáa kiíy kfə́ə ŋkar ye wù koó. Lá wìr yòʼ a way shilív e fər və́ wùn. Fər wìr kù sì ŋgaà kimboʼtì e wìr bàm moo Jakov, a ŋkar wìr kù sì ji ŋgaà kinsuʼ.

Jeremia 9:4 Referans Kwoze

Jeremia 6:28

Áwune dzə̀ antavkìtu, a liì wov tàv moo kisha kee *brons, e tàv moo kisha kee kiy. Áwune kù sí ghán, kunsìn a dzə̀ kiŋkùnsìn, kér liì kisaŋ wír adzə̀m.

Matio 10:21

«Wíy lòo dzə e ghan see shooy, é fə̀r wáa lì fə́r, a fo ji á yúy, áàtǎr woné wáa lì wón vév, a fo ji á yúy. A wóné wíy a bàn sa atàr vév wùn aàyìy véví, a fo ji á yúyrí.

Cù 19:16

Lá wìr yòʼ a ghan, a kùnsìn wíri, kìn ji wù tiím vinjen ji fə̀r nəə́ é ŋgeʼ. Dzə̀ mo Nyùy Tàr.

Jeremia 12:6

Fə̀m afə́r vé, à kfə́ə yée, áwune màʼ ne wò. Wùn à vé menàŋé suùsín ne, a dzə̀ wuú yé. Á lóo bètì wò e shuu wo juŋe bey, à wàa yen.»

Ŋgàn 25:18

Wìr wo wù tiim vinjen ve kisaŋ vi e ŋgaà shweèsí və́ bàm dzə̀ kpú, réŋréŋ moo kibur, kìn nyùy rə̀r, à mvən ndzəʼə.

Ŋgàn 10:18

Bàn, e lìtì dzə̀ ŋgaà kimboʼtì. À bívir yír wìr, à dù é kiyuŋ.

Nsùyrì Nyùy 15:3

Dzə̀ wír wo wù yòʼ tóy kinyo e wìr bàm kisáŋ, a bó wù yòʼ gheʼ ŋkar rə, a bó wù yòʼ súʼ kinsuʼ e fər və́ bàm.

Kèʼlo 32:28

Wù suúy shó jii, «Yír yée yòʼ kfə̀n dzəə́ yiì a dzə ji Jakov. Á yíi a yòŋ wò lèn ji Isray, bìʼ fo à fùnèn Nyùy, e kfə̀n fùnèn wíri, e kù sò.»

1 Tesalonika 4:6

Lá wìr yòʼ jày e wìr e kinyò fèn, e lì wiíy ŋgaàŋ, bìʼ fo Nyùy wíy fo ŋgeʼ ye kuʼùn e wír ve á yii vinyo vee shoone réŋréŋ mo vèr‑iì sí tír ven.

Ŋwàʼ Luk 21:16

A kù wíy a gòvtì wír vén ven, a fə̀m dzə̀ atàr vén, kìn afə́r vén, kìn wír vee věn laʼ, kìn ŋkar sén, bo á kù wíy a lì ven, a dù sho ji á wáa saʼ. Aá wíy a saʼ, a yuyrí ámóʼó.

Matio 10:17

Vèn lóo ghan, á wàa kiíy, bìʼ fo wíri wíy a gòvtì ven, a sə̀ŋ, a dù sho e lav se nsaʼ, e kfə̀n a ghar ven é ŋgày se bùnrì, a ndzən.

Esiker 22:9

Vilum ámóʼó dzə̀ e věn mvəm ve á kár menàŋ áàfə́rí bàm ji á fiʼ yùy. Ámóʼó wáy wún, a yi nyám ye á cuùn anyùy kisaŋe shó e virə̀ʼ vé agwan, aámóʼó kù buʼtì vinyo e věn mvəm mo jav yev wùn taʼà.

Ŋgàn 6:19

tiím yée tiím vinjen ve kisaŋ vi, à mbvəərì wóo màʼ e wírí nsàn.

Ŋgàn 6:16

Yíi wìr msòŋé dzə̀ ntuùfú ye Nyùy Tàr banè, a yee saàmbàa kfə̀n dzə̀ ye wù yòʼ fə̀m taʼ e yu à yúu shó,

Nsùyrì Nyùy 101:5

M yíi laàr wír wo wù tóy kinyo e fər və́ bàm. Bó m yòʼ yíi fo kintóʼ e wìr wo wù kóʼor wún, wír wo wù kù yén a dzə̀ kitú kfə́.

Aysaya 59:13

Vèr tàv ne kitú, e mèŋ wò woo Nyùy Tàr. Vèr bìn ne ndzə̀m e wò woo Nyùy wor. Vèr nə̀ʼsì ne wír ámóʼó, e ŋwày kinyo ké. Vèr kù sí baʼrì a dzə̀ kimboʼtì e věr meliv, fəər a dzə̀ kíwun fo shuù.

Jeremia 9:8

Kiliímé kév kí dzə̀ ji mvən ye naáné, kinyo kidzə̀m ke kí fəə́ fo fo ki dzə̀ kimboʼtì. Wìr lo, wù wàa suŋnín e fər və, kí wàa bòŋ, a wù kér a dzə̀ kwaʼtì ye bií é shiliv kùm wun.

Malakay 2:10

Vèsən dzə́ bèn, a bó tàr wòsən yòʼ dzə̀ e mòʼón a dzə̀ Nyùy à? Bó yòʼ‑oò bòm wun woo Nyùy vèsən a? Yiì ka, la vèsən yòʼ a suúy suuyrú e wír ámóʼó? Kòóy ka, é bo vèsən tén fó a ghvəm *mensaŋ me wù‑uù gwàrìn wùn aàtàr vesəné?

Ŋgàn 4:16

Bó yòʼ dzə̀ áwune yù fóo cuʼ kinyè é nsay, a bó á búʼ rə́mrə́m kinyò. Á neemè, mbuùné sí kù a kaŋ fo si ji á ku wày wír e kinyò.

Ŋgàn 4:17

Viyíkìr vév ví kù dzə̀ ji á buʼ kinyo, a meluʼ mev mè kù dzə̀ ji á maʼ melaà.

Aysaya 9:16

Vilìmbìy ve ví leey fo Isray vi dìn ne wíri a dzə̀ dzə́ə yee kintéŋ, áwune júmrí, e fəə̀ fo Nyùy mbòv.