Jeremia 9:3 - ŊWÀʼ NYÙY

³ Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

Jeremia 9:3 Referans Kwoze

Jeremia 9:8

Kiliímé kév kí dzə̀ ji mvən ye naáné, kinyo kidzə̀m ke kí fəə́ fo fo ki dzə̀ kimboʼtì. Wìr lo, wù wàa suŋnín e fər və, kí wàa bòŋ, a wù kér a dzə̀ kwaʼtì ye bií é shiliv kùm wun.

Ŋwàʼ woó Rom 3:13

Shuu wóví dzə̀ wú wày wír e sày, a kiliímé kév kí kù fer a dzə̀ kimboʼtì. Jí se sí fəə́ fo áwuné kilayláy sí dzə̀ ndzəʼ, ndzəʼ, wo dzə̀ wù yùyrí wír mo tè búv.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Atǎr Nsaʼ 2:10

Ŋgwàʼ yee shooy‑iì kpù, e mày, yìmòʼ yee ŋgwàʼ siíy, e kòʼ, e nèn a meŋ Nyùy Tàr, a bó á yòʼ kiiy lim se wù‑uù lìmèn e wír veé Israyi.

Jeremia 31:34

Bó wìr yòʼ dzəə́ wìy a yeʼéy wír woo wun ghaŋ, kìn ji fə̀r wáa tir fə́r ji wù kiíy Nyùy Tàr. Áwune wíy kiíy mo wír adzə̀m, à wìr wo kuʼùn, à woo fó tèr. M wíy làysìn ajay vév, e làa yòʼ dzə́ə a kuumé vinyo vév ve bi ví gheéy. Suuy mo woo Nyùy Tàr.»

1 Samuel 2:12

A wón wun woo Elií‑iì dzə̀ wír kisaŋe, a bó á yòʼ‑oò kér shií fo Nyùy Tàr.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

Ŋwàʼ Jud 1:3

Ŋkàr sem, mò‑oò ló a kwàʼ feyì ji m sáŋ ŋwàʼ fo vèn kùm vinyo ve Jesus Kristu‑uù yiìn, e tìn vèsən fó lòn, á lùŋ. M nèn yèn ji kinyo keé shií kí dzə̀ á ji m sáŋ ŋwàʼ fo vèn cér, a tir ven ji vèn wáa giìmè a kinyo ke Kristu ke Nyùy‑iì wayin ne e vèsən vee wír vəə́ kiwo. Wù kù‑uù fò a dzə̀ kinyo kee shoon kimòʼón, a bó kímóʼ kí yòʼ dzəə́ wìy a dzə.

2 Timoti 3:13

é wír ve bi ve á ghán kév, bóʼti wíri bóʼtíné kú a màysì, a tavkír tavkín, a boʼtí wíri, e kfə̀n a boʼtí vév vee vitú.

Filipi 1:28

Lá vèn yòʼ a fàn wír ve á ban kinyo kén fánen. Vèn lóo yiì bèy, é nèn a dzə vifiʼìr ve áwune wáa yen ji Nyùy wíy lùŋèr ven, e laàr áwune á láarin.

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Ŋwàʼ woó Rom 1:16

A bó yòʼ dzə̀ m wàa woomé fó a fìʼtì gheéy, bìʼ fo m kiìn féyì ji dzə̀ á vitaáví vé Nyùy, a ví yii, á lóo fìʼtì, wíri wàa way shilív e Wan və́ wùn, wun woo Nyùy wàa lùŋèr áwune adzə̀m, kìn dzə̀ wír veé Juda ve kinyo kìn ki‑iì dzəə̀n kév fó mbìy, kìn vitúm ve ví yú kév a dzə̀ lèn.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Maak 8:38

Vèn wáa kiíy jii, a wìr woóme fó a dzə ŋgaà wom ŋgoo, kfə̀n woóme fó a jùmrì kinyo kém é ndzə yee lèn, ye wíri sí méŋ Nyùy, yii vinyo ve bi ví, bo ŋgaà wo yírí dzəə̀n Wanwìr və̀n wíy woomé sa fó lì ŋgaàŋ ji və́ə woo wír e ghan se wù wíy a kfən wùn à nshèelav se Nyùy si, a ker vikuʼùy a dzə̀ vé Tàr wov Nyùy.»

Jeremia 22:16

Wù‑uù lo, wù kìŋsìn gháy ghéʼncey wùn à wó ŋgaà kitàne, vinyo və́ ví kù‑uù du kijuŋ. Kí á kinyo ke kí din ji wìr kì Nyùy Tàr. Suuy a Nyùy Tàr.

Jeremia 9:5

Wìr dzə̀m kfə̀n ne ji ŋgaà kimboʼtì e fər və́ bàm, a bó wìr yòʼ kfə̀n suuy suuyrú. Á mèrìr ne kiliímé kév a dzə̀ e kimboʼtì ki. Áwune yòʼ kfə̀n yú fóo bìnkìr, e màʼtì liì kisaŋ.

Jeremia 7:26

a vèn yòʼ yú kinyo kém, a vèn yòʼ fə̀m gwarìrì, kù táv a dzə̀ kitú. Kén kí ku nèn fòy, e shaà ké atàr vén sháan.»

1 Korin 15:34

Vèn maʼti kiyúŋsì ki, e lèʼ fó bǎm vinyò ve bi ví. M yén ji wír vén ámóʼó yòʼ kì á Nyùy gheéy. A m suuy bèn, é vèn fíʼ a woomé.

Cù 19:11

«Lá wìr shòŋ, lá wìr yòʼ lòʼ wír, lá wìr yòʼ bòʼtí wír.

Aysaya 1:3

Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»

Aysaya 3:5

Wìr yíi a tay a wùmòʼ woo wír, é ŋkar wáa nyàvrì e yìmòʼ yee ŋkar, é wìr wáa nə̀ʼsì a ŋgaà və shùu lav. Wónlèé yíi lò, a kay ŋgày sé wìr, áàtànfóneèrshwíné wáa fo a sáʼ e vilìmbìy vi.

Aysaya 6:5

Á bèy, m nèn sùúy jii, «Lòné gbù ne e mǒ kitu. Ké ru kí, kém kí kù mày ne bèy. M shòv ne Fon e si, wun woo Nyùy Tàr woo Taà Mànjòŋ, a m dzə̀ kém wír wo kù fəə́ kinyo ke bi kí fó shuù wo, a m kù dzə́ a dzə̀ vèr à wír ve fəə́ kinyo ke bi kí fo áwuné shuù.»

Jeremia 5:4

M leéy bey, e yèn ji vine dzə̀ á ambúʼ, aá yòʼ kér vifií. Áwune yòʼ kì vinyo ve Nyùy Tàr taʼ ji á wáa yiì, aá yòʼ kì nsər se Nyùy wov.

Jeremia 5:5

M nen yèn jii, mo‑óò du, e yèn a dzə̀ vilìmbìy vév, e sùŋnín aáwune. A dzə̀ áwune kù kìíy vinyo ve Nyùy Tàr taʼà. A dzə̀ áwune kù kìíy nsər se Nyùy wov. Yii bèy, m dù, e yèn, aá tátí ne adzə̀m, e mèŋ sáʼ Nyùy Tàr. Á tèn ne fó a neŋ e wun sar.

Daniel 11:27

Afon vee abaà víne wíy lò, e dzə̀ʼə̀m, a yikír kidàŋ kimòʼón, a kwaʼtì yéví kù sí tíy a dzə̀ é kinyò ke bi kí. Á wíy a boʼtí vitú vév bóʼtín, áàntaŋ véví kú a shaà shaàn fó ghaŋ, bìʼ fo ghán se Nyùy‑iì lèmèn ji vinyo vév ví may si yóʼ ne ghèén.

Kèʼlo 39:16

Wiíy və̀y lèm ndzə̀y siy, e dù, e meé e ghan se lum‑eè wìyìn fó laʼ.

Atǎr Nsaʼ 14:17

Wù nèn kù a toŋ e Samson ghaŋ vishiíy vé ŋkàʼ viy vidzə̀m. Kí meé e kee saàmbà ke ŋkàʼá‑aà yíi mày ki, Samson nèn fèr shitìítiy shìy e wiiy və, bìʼ fo wù‑uù yiìn ne njèʼèr e wun e ŋàŋ. Á bèy, wiíy nèn dù, e fèr e wír vəə́ mo á yii shu shitìítiy shìy.

Ŋgàn 12:5

Wíri yúnin Nyùy, á gwàrìr vinyo ve réŋ ví. Wíri méŋ Nyùy, á wàa tiy a dzə̀ é kimboʼtì.

Aysaya 9:18

Rúrú, liì kisaŋ wo wíri yii kù baári moo və́y. Və́y, a wú baári, ton vimbìn wùn à vitiír vé njoŋ vi, ton vinshaàrì wùn à kóv sí, a sí rə́ŋsín. Wú ton, a kindzə́ʼ ki sə́ virə́ʼ, dzəm, kóʼ e yuv.

Jeremia 6:28

Áwune dzə̀ antavkìtu, a liì wov tàv moo kisha kee *brons, e tàv moo kisha kee kiy. Áwune kù sí ghán, kunsìn a dzə̀ kiŋkùnsìn, kér liì kisaŋ wír adzə̀m.

Jeremia 12:6

Fə̀m afə́r vé, à kfə́ə yée, áwune màʼ ne wò. Wùn à vé menàŋé suùsín ne, a dzə̀ wuú yé. Á lóo bètì wò e shuu wo juŋe bey, à wàa yen.»

Esiker 8:13

Wù ku siì yòŋ e mò jii, «À kù dzəə́ lo, e yen nshoʼvìròm wo áwune yii, e shaà vin.»

Lim Aŋgàa Ntum 24:9

Tetulur súŋnín bey, wír veé Judàa bínsí jii, «Dzə̀ mo kí dzəə̀n féyì.»