Jeremia 9:2 - ŊWÀʼ NYÙY

² Kì yée fó a dzə ji kirə́ʼ kí dzə̀ é woʼ, kirə́ʼ kee fo a dzə̀ vé ghane wàa shiíy, bo m kì màʼtì wír vér, e lò fo áwuné ghaŋ. Áwune dzə̀ vé kinjàŋe adzə̀m, ŋgoo wìr ve á buʼtì vinyo.

Jeremia 9:2 Referans Kwoze

Jeremia 23:10

Wír ve á maʼày Nyùyi rùn ne e wòŋàn, aŋgàa ntume dzə́ dzə́ kisaŋe, li kilíŋ kév ké lìm, yii a dzə̀ lím kisaŋe shó. Lǒn Nyùyi shòv ne fó, nsay nén a dìy, yí nyàme yúmkír é virə̀ʼ vé woʼ.

Hosea 4:2

Wíri yii aŋkàʼmé, bin, shóʼorì, bóʼti kimboʼtì, yúyri wíri, shóŋ vishóŋ, aàlúm wírií jaŋ kinjàŋ, a vikǐy wírií ghán viŋkar. Á buʼtì vinyo, tónenè, yúyri wír, tóm wùmòʼ.

Hosea 7:4

Áwune soóne moo vé kinjàŋe. Á sì moo kíy wo á ton birer sho, a wú sí lum ji rǐŋ, ŋgaà kiy yár fó a koʼór və́y, e kù a shìy a dzə̀ meŋkfəŋ ji mè maysi, e kòʼ, é bo á ton.

Jeremia 12:6

Fə̀m afə́r vé, à kfə́ə yée, áwune màʼ ne wò. Wùn à vé menàŋé suùsín ne, a dzə̀ wuú yé. Á lóo bètì wò e shuu wo juŋe bey, à wàa yen.»

Jeremia 12:1

Nyùy Tàr, a m neèr nsaʼ yem e wò si, bo ŋgaà réŋ kù yíi a dzə wò. Yii bèy, a m kù‑úù neer vinyo vìn e wò si, e yù ó mo wo‑óò tínén. Wír ve á méŋ wòo lo, á wàa ker dzəʼə̀m ye juŋe bìʼ ka? Vé kimboʼtìi lo, á wàa dzə dzə́ ye juŋe bìʼ ka?

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

Malakay 2:11

Ven vee wír veé Judàa bìn ne ndzə̀m e Nyùy Tàr, e bùʼ rə́mrə́m kinyò e Jerusalem, e kù bùʼ bèy nsay Isray e dzə̀m. Á bìvír ne kirə́ʼ ké cù ke Nyùy Tàr kòŋèn é ŋàŋ. Áwune sí táti vijín wùn à vikìy ve á ghvə́m anyùy kisaŋe.

Tsəfaniya 3:4

Aŋgàa ntum Nyùy vəə́ dzə̀ vé kigùynìne, aá danèr wíri e dzəə ye bi. Atàá cù vəə́ bívir kirə́ʼ ké Nyùy bívírín, nyavrì e nsər sə́ sí nyávrin.

Hosea 6:7

Yii bèy, wír vémé kù‑uù ŋwày *mensaŋ mem moo Adam, kù laarì a dzə̀ sí, e làa yòʼ a tiy e mǒ wùn.

Hosea 5:7

Áwune shwèy ne Nyùy Tàr, e dù a yen a dzə̀ anyùy ve səné, a wón ve á kéríi yòʼ dzə̀ vé Nyùy. Bìʼ bey, ŋkàʼ se á lem e kitu ke ŋwee ji sé Nyùy si ló, e bìnkìr, e laàr áwune láarin, à nsay yev shó.

Jeremia 5:11

Rám Isray wùn à yé Judàa dzə́ bèn, aáwune mèŋ ne mo ŋkuuŋkùŋ. Suuy mo woo Nyùy Tàr.

Jeremia 13:22

A tàm vèn lò, a ghay jii, «Yiì ka, é bo vinyo vìn vi wáa koóy ver? Yiì ka, é bo á tiíné ndzə̀y sér, e lòvtí e vèr ben?» Kù dzə̀ bìʼ yii yén kisaŋe ye á yiìn ne, e tònén.

Mayka 6:12

Aŋgàa mbàm vén veé Jerusaleme bóʼ aŋgàa kitàn, a wìr dzə̀m woo fó kù sí bóʼti a dzə̀ kimboʼtì, a shuu wóví kù ŋeʼ ji á bóʼtí wír.

Malakay 2:14

Vèn dzə́r ji Nyùy Tàr sà tén fóo səəsí cu yén bìʼ ka á? Wù tén bìʼ vinjen ve mensàŋ ve wù‑uù tiimen, vèn gwàr vèn à vikìy vén vinsùme. Fə̀m mo vèn‑eè tiimen e Nyùy si, a yi kilìʼ jii, vèn kù wíy a suúy a dzə̀ suuyrú aáwune, áwune vee vikìy vén vinsùm, vèn yàʼáy ne kilìʼ kee shooy.

Atǎr Nsaʼ 2:10

Ŋgwàʼ yee shooy‑iì kpù, e mày, yìmòʼ yee ŋgwàʼ siíy, e kòʼ, e nèn a meŋ Nyùy Tàr, a bó á yòʼ kiiy lim se wù‑uù lìmèn e wír veé Israyi.

Aysaya 59:3

Vèn lì ne njò kinjuyrìwìr, a lǒn vinyò ve vèn buʼtìi kù ló a dzə e věn kitu. Vèn mvəʼ shuu, kù fəər a dzə̀ kimboʼtì, a kiliímé kén kí kù tíy a dzə̀ é kinyò ke kisaŋ ki.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Jeremia 5:1

Nyùy Tàr suuy jii: «Vèn ghánén é dzəə seé Jerusalem, e bùʼrì virə́ʼ ví, e lèéy o. Vèn tar mentàrnín mvə mè, e tàr ji á sà‑áà yén wír, fə̀m e mòʼón, wír wo wù yii réŋ, kfə̀n kér suuyrú á. Yéné, é m fiʼ làysìn ajay wìr veé Jerusalem.

Jeremia 5:2

Yii bèy, mo áwune fə̀m dzə́, kan yír Nyùy, yoŋ ji Nyùy Tàr dzə̀ shó e tin, á kan kisáŋ.»