Jeremia 9:12 - ŊWÀʼ NYÙY

¹² M nèn dzə̀r e Nyùy Tàr jii, «Nsay yèe, e bóo bir, e kfən e ghá moo wóʼ, a bó wìr yòʼ kfə̀n shaa fo? Dzə̀ la wo wù kér vifií vée kiíy kinyo kìn? Nyùy Tàr, à naàrì kinyo kìn a dzə̀ e la wo dzə̀ wù sùúy e wíri?»

Jeremia 9:12 Referans Kwoze

Hosea 14:9

A wìr kér vifií, ŋgaàŋ kù səə̀m vinyo vìn vidzə̀m, e lèm e kitu. Wìr wo wù kiiy jeéyjeéy fó vinyò ku nə̀ə́ e mvəm wó, e kìíy mo ví dzəə̀n. Ntir se Nyùy Tàr sidzə̀m si kù yii dzə́ tìítiy, a wír ve á ghán e wun mbòví jumrì ntir see shooy, a wír ve á méŋ wune bayrìn kév shó, gbukìrì.

Nsùyrì Nyùy 107:43

Wìr wo wù kér vifií kú a rə̀tì vinyo vìn. Wìr msòŋ kú a kwàʼtì koŋ ye Nyùy Tàr kér fo wír vəə́.

Nsùyrì Nyùy 107:34

nsay ye borín ghùy, a kù dzə̀ bìʼ liì kisaŋ wìr ve á dzə́ sho.

Remrí 32:29

A vé‑eè kér vifií, bo vé‑eè lo kìíy kinyo kìn, bo á kù‑uù kìíy mo kí wíy a kìʼ aáwuné kitu fo bàm.

Ŋgaà Yen 1:3

A bòŋ ké wìr wo wù yoŋ kinyo ke dìnèn wun woo Nyùy kìn, kfən bòŋ ké wìr dzə̀m wo wù yuúri, yii mo kí dzəə̀n. Á wáa kiíy jii, ghán se vinyo vìn vi wíy a koóy si sì á fo mentsə̀m.

Matio 24:15

Jesus kfə́n a naàrì jii, «Wíy lòo dzə e ghan see shooy, aá tiír kifá ke *ŋgaà ntum Nyùy woo Daniel‑iì yòŋèn é kirə̀ʼ ké Nyùy, a kifá kee shooy ki kóʼoy, bívir fó.» Wìr wo wù yoŋ kinyo kìn fo ŋwàʼ fèn səəm.

Esiker 14:23

Vèn yén yii yév, é meliv men mè nèn rə̀sìn ji bó m yòʼ‑oò lo lòvtí e Jerusalem e dzəə ye mò‑oò lovtin shó bèn kisáŋ. Suuy mo woo Nyùy Tàr woo Taà Ndzə.»

Aysaya 42:23

Wìr feyì fo vèn wo wù yíi a səə̀m vinyo vìn dzə̀ la? Kèʼ fo lèn, wìr wo wù lo, e bonén, e shooshí, e yuurí kijuŋ dzə̀ la?

Jeremia 9:20

M nèn yòŋ jii, «Éè vikìy, vèn yuúrí, e yù jí Nyùy Tàr. Vèn mvəʼti vituʼùr vén ví, e yuùrí kinyo ke wù suuyì. Vèn yéʼéy wón vén vee vikìy mo á diy kpú, é wìr yéʼéy ŋgaà və shùu lav lúŋ kpu.

Jeremia 23:10

Wír ve á maʼày Nyùyi rùn ne e wòŋàn, aŋgàa ntume dzə́ dzə́ kisaŋe, li kilíŋ kév ké lìm, yii a dzə̀ lím kisaŋe shó. Lǒn Nyùyi shòv ne fó, nsay nén a dìy, yí nyàme yúmkír é virə̀ʼ vé woʼ.

Jeremia 23:16

Nyùy Tàr woo Taà Mànjòŋ nén a suúy lèn e wír veé Jerusaleme jii, «Lá vèn yòʼ yuùrí kinyo ke aŋgàa ntume tiísi e vèn. Áwune tiísi a dzə̀ vinyo ve kisaŋ vi. Vinyo ve áwune fiʼtì ji Nyùy ghém a ndzə, aá yén e njà vinjeenjèm vi lo a dzə̀ fo áwuné vifii. Ví yòʼ lo a dzə̀ fo Nyùy Tàr.

Jeremia 23:22

A dzə̀ ji áwune‑eè ló a dzə fo mò‑oò bá antaŋ vém, bo vé‑eè fiʼtì a dzə̀ kinyo kém e wír vémé, e nèn yiì, aáwune maʼti liì wov wo bi, à liì kisaŋ wo áwune‑eè kérí.

Jeremia 23:28

Á bèy, ŋgaà ntum wo shiin njèm wun kú a fìʼtì a dzə̀ njèm rə, é ŋgaà ntum wo tumen mo wun kú a fìʼtì kinyo kém mo kí dzəə̀n. Vishaárín vi kfə̀n tàtí ka lèn e mvə̀m sàŋ? Suuy mo woo Nyùy Tàr.

Joel 1:11

Vé sumé, vèn wáa sòv vitú vi. Ven ve á lim vitiír vé vayin, vèn wáa dìy. Ŋguùmé sí ndzə̀ə́y ne sáŋ yee *wit wùn à yee *barlìi. Kifá ke á dzəə́ wìy kav fo sum kí yòʼ kfə̀n dzə̀ə́.

Tsəfaniya 3:6

Nyùy Tàr suuy jii: «M laàr ne vitúm, ŋkà se laʼ sév sí sì siketìn, wìr yòʼ dzəə́ kum fo, fə̀m e mòʼón. Kay sév se sí giŋ láʼ si kèrkìr ne, dzə́ə seé mvəm sé laʼ si kwiíy, a wìr yòʼ dzəə́ shaa sho.

Hosea 4:10

Áwune wíy a yi kifá, e kù a tooŋé tooŋén, a ghvəm anyùy ji á fó kidzəə́y, a bó á yòʼ yíi a ker wón, bìʼ fo á màʼàyìn ne mo woo Nyùy Tàr, a cù anyùy ámóʼó.»