Jeremia 9:1 - ŊWÀʼ NYÙY

¹ Wìr ku lì ji kitú kém kí kì dzə̀ ntoò ndzə̀v, a sí yémé dzə̀ dàn mensiy, bo m kì diy e shùy, diy vitsə́ʼə́, bìʼ wír vér ve á yuyrin.

Jeremia 9:1 Referans Kwoze

Jeremia 13:17

A vèn dzə̀ là fó yuurí, bo m yíi a dìy e kilìr bìʼ kiŋkoʼòrwùn kén. M yíi a dìy feyì kibiíbí, é mensíy mè wáa dàn fo mǒ si, a dzə̀ bìʼ wír Nyùy Tàr ve aŋgàa vibàné koorin ne ji akwàn.

Aysaya 22:4

Á kinyo ke kí yiìn, é bo mo woo ŋgaà yen wáa suŋnín e wíri, a suúy jii, «Vèn maʼti mo bey, m kér fó a dìy e ŋàŋ, a jeetí, bìʼ fo á laàrìn ne wír vém. M lóo dìy, lá wìr yòʼ a mùm ji wun sə́mér mo.»

Yòvdìy 2:11

M tòŋ ne bèn, síi kóʼkír fo mǒ kitu, a bàŋ. M sì a dzə̀ é mvə̀m nyar. Tímé kpù ne fo mǒ bvə̀m, a dzə̀ bìʼ aŋgàa vibàn ve á laàrìn ne wír vém veé Jerusalem. Wón ve á kàŋkìn ne wùn à ve terií sí toóŋe jíŋ, ghán ghanén é shuù se dzəə seé ŋkàlaʼ.

Jeremia 6:26

Àshè, wìr vem, vèn kúr vinsàʼ ve ndzə̀y ví. Vèn wáa dzəŋrí e kibvə̀r. Vèn wáa dìy, a səʼə́r mensíy, moó ghan se màyshó wàn tinen fo wìr koy. Ŋgaà vibàn wo wù laar ven sí lo, e sàsìn, e bvəy.

Jeremia 14:17

Nyùy Tàr nèn sùúy ji m yoŋ á kinyo kìn e wír vìne jii: «Mensíy mè kú a dàn dànèn fo mǒ si, a dàn e shùy, a dàn vitsə́ʼə́, là may. Wír vém ve mò‑oò shoʼoné sì é mvə̀m ŋgeʼ ye tavín, aá dzə̀ é nyar ye ghaʼáné lèn.

Aysaya 16:9

Mo woo Aysaya ku nèn a toŋ vitiír vé vayin veé Sibma, réŋréŋ mo wír veé Jaseri‑iì tóŋé. Éè wìr veé Heshbon, e lì veé Eleale, m tóŋ, sə́ʼər mensíy bìʼ ven. Vèn lò ne ji á káv vifá, a yu shirəə́, shirəə́, a dzə̀ shé vé rərí, e shaà shé vé ŋkavi.

Nsùyrì Nyùy 119:136

M sə́ʼər mensíy e ŋàŋ, bìʼ fo wíri ŋwáy Nsər yè.

Nsùyrì Nyùy 42:3

Viyíkìr vém ví kù jòʼsì ne mensíy. M kù diy dìyìn e shùy, diy vitsə́ʼə́, a wíri kù jaʼ mo ghán sidzə̀m jii, «Nyùy wò tèn fóo sə wò bìʼ ka?»

Jeremia 4:19

Éè mò, nyár yémé ghàʼ ne, a yòʼ dzə̀ m kùʼtí. Nyár ye yí dzəə̀n e mǒ shiliví dzə̀ féyì. Shilív shém shí búʼ e ŋàŋ féyì. Yòʼ dzə̀ m gòʼ kisə́sə. M yú mo sóŋé súŋninè, yú, a leŋ rərí wiyì.

Jeremia 8:18

Mendzən mem mè dzə̀, a bó yòʼ dzə̀ mè mày, a shilív shém shí yaʼ feyì.

Jeremia 9:18

Wíri ku nèn bìnsí jii, «Áwune ku wìy cér, a dìy, e věr kitu, é mensíy mè wáa səy fo věr si, a dàn fo věr jùv se si.»

Nsùyrì Nyùy 55:7

Bo m kù fèŋ, e dù kwaʼda, e dzə̀ʼtì e kirə̀ʼ ké woʼ kí.

Jeremia 3:10

Vinyo vìn vidzə̀m vi‑iì kòóy ben, la wìr kisaŋ woo Juda wo dzəə̀n jemèr Isray yòʼ kfə̀n é bàm, e yèn mo shilív sə́ shidzə̀m. Wù ku kfə̀n a dzə̀ e kiloʼ ki. Suuy mo woo Nyùy Tàr.»

Jeremia 5:7

Nyùy Tàr suuy jii: «A dzə̀ m làysìn ajay vén é le? Wón véné màʼtì ne mo. Á sí kan a dzə̀ anyùy kisaŋe. M yìír áwune, á kúr, e kù cì kwán a dzə̀ é kinjàŋ, du, dzə́ a dzə̀ wùn aàsàkìi.

Esiker 22:12

Wír vén ámóʼó lo, á biìmé, e sə̀ mbàm, e fíʼ yuyrí wír. Aámóʼó fo věn mvəmé foor mbàm aàfə́rí, sə́ seʼ ŋgwaákínyé ji á kuʼkir. Vèn buʼtì vinyo vìn bèn a bó á yòʼ fan mo. Suuy mo woo Nyùy Tàr woo Taà Ndzə.›

Hosea 7:4

Áwune soóne moo vé kinjàŋe. Á sì moo kíy wo á ton birer sho, a wú sí lum ji rǐŋ, ŋgaà kiy yár fó a koʼór və́y, e kù a shìy a dzə̀ meŋkfəŋ ji mè maysi, e kòʼ, é bo á ton.