Jeremia 8:9 - ŊWÀʼ NYÙY

⁹ Á wíy dìn kisáŋ ke afiì, aá woómé, á lóo jìʼkìr, é dzə̀rkìtu wáa koo áwune. Mo áwune meŋen ne jí se Nyùy Tàr, bo á kér vifií a dzə̀ viné ví lèn?

Jeremia 8:9 Referans Kwoze

Jeremia 6:15

Áwune‑eè buʼtì viŋkoʼòy ve vinyò, woóme a? Àáy, áwune yòʼ‑oò ló a woomé, fə̀m à shishàr sho. Á yòʼ‑oò ló a ker dzə̀rkìtu gheéy. Bìʼ bey, áwune wíy a dzə e ŋgoo wìr ve á wíy laàr. M wíy màʼ ŋgeʼ aáwuné kitu, aá kpú kpuún. Suuy mo woo Nyùy Tàr.»

Ŋwàʼ Jov 5:12

Wù lo, wù bvə̀ə́r antaŋ ve afií bá, a bó yòʼ dzə̀, á bá ntaŋ, wù fəə̀sín é kinyò.

Jeremia 6:19

Àshè nsay, yuúrí e yù. M sí wiy e ŋgeʼ ye tavín e wír vìné kitu. Dzə̀ seʼ antaŋ ve áwune‑eè bá. Áwune yòʼ yú kinyo kém, aá tèn ne yéʼéy ye m lèmèn aáwune.

Aysaya 19:11

Ké ru kí, vé saʼ veé ŋkàlaʼ yee Tsoane yùŋsí feyì. Vé ntir ve á tír Faraòo tír wun e kiyúŋ kí. Vèn jwe, vèn ghàn é le, e bó a bùn fon, é wìr wáa suúy ji yì‑iì yèʼéy afií wun, a wun ràm fo afon ve vé‑eè sáʼ fo yàŋgùʼú?

Nsùyrì Nyùy 19:7

Yéʼéy Nyùy Tàrí dzə̀ e juujùŋ feyì, yí fíyir kiyoy ke wìr. Kinyo ke Nyùy Tàr foon kí kù tíy fo, yii, a wír vee fó tèri kér vifií.

Remrí 4:6

Vèn wáa lèm, a yiì. Kee shooy ki yíi a dìn vifií wùn à kiíyi e vitúm vímóʼ ví. Á lóo yu nsər sìn sidzə̀m, aá wáa yòŋ jii, ‹Rúrú, kitúm ke kí dzəə̀n wír nyanyày, e kfə̀n tàv kin ki dzə̀ ben, a dzə̀ afií, aá kfə̀n kì vinyo.›

2 Timoti 3:15

a kuumé jii, wò‑oò sí yú a Ŋwàʼ Nyùy, e kèʼ fo meterí. A dzə̀ kinyo ke dzə̀ kí tìr wò, áà kiíy mo dzə̀ wìr wày shilív e Jesus Kristu wùn, e bóo wìy lùŋ.

Esiker 7:26

Ŋgeʼ wíy a nyoòrì yìmòʼ, é sáʼka wo bi wáa ruvtí e wùmǒʼ kitu. Vèn wíy a tàʼ *ŋgaà ntum Nyùy wo wù wáa toʼtí vinyo, e làa yòʼ a yen. Bó taà cù yòʼ wíy a ker kinyo kée yeʼéy wír sho, a bó ŋgày sé wìr si yòʼ wíy a ker ntir yée tir wír sho.

Jeremia 49:7

Ntum yee kùm Edom rə̀ne. Nyùy Tàr woo Taà Mànjòŋ suuy jii: «Dzə̀ ji bó kiíyi yòʼ dzə̀ə́ e Teman à? Dzə̀ ji vév vé ntiri yòʼ dzəə́ kiiy móo tir wír à? Dzə̀ ji akiíyí mày ne fo áwuné mvəm a?

Aysaya 8:20

Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.

2 Afòn 17:15

Áwune‑eè tèn sáʼ rə́, e màʼày *mensaŋ me wù‑uù gwàrìn wùn aàtàr véví, e ŋwày kantì ye wù‑uù kantì áwune. Áwune nèn a jùmrì a dzə̀ anyùy kisaŋe, e nèn a dzə wír kisaŋe. Vé‑eè bìʼnìn vitúm ve ví kaarin áwune, a Nyùy Tàr‑iì lo yòŋ aáwune jii, «Lá vèn yòʼ a yiì moo áwune.» Áwune kú a yiì vinyo ve Nyùy Tàr‑iì shaʼnin.

Aysaya 29:14

Bìʼ bey, m kù yíi shaà fo mbìy, a yiì vinyo ve ví wáa shaà ve a dzə̀ wìr msòŋ yiì, m lóo yiì, é shuu wóví wáa ma. Kitan ke vifii kí wíy koo afií vév, é la akiíy véví yòʼ dzə́ə a kiíy jeéyjeéy fó vinyò.»

Jeremia 15:6

Vèn mèŋ ne mo, e bìn ndzə̀m e mò. M wíy màʼ kiwó kém, e ghar ven shó, e laàr. M dòr ne, yòʼ dzə̀ m dzə́ə a ker mendzən fo vèn. Kù suuy mo woo Nyùy Tàr.

Jeremia 19:7

«A kí dzə̀ jii, kirə́ʼ kin ki dzə̀ fo m wíy bvəə́r antaŋ wìr veé Juda wùn à veé Jerusaleme. M wíy yiì, áàŋgaà vév vibàné yúyrí áwune fen e shùu rər. Wír ve á dzə wuú yéví kù wíy səʼsí áwune sə́ʼsín, é m fó dzə́n sév ji viyíkìr ve menə̀n wùn à vé nyàm se kwaʼ vi.

Amos 2:4

Nyùy Tàr suuy jii: «Abaày, wír veé Judàa fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune ŋwày Nsər sém, e tèn fó a yu sáʼ yém. Áwune kù ghán a dzə̀ áàtàr véví mbòv, tiir vifií a dzə̀ áànyùy kisaŋe, nèn bin e dzəə ye bi.

Sekariya 13:4

Wíy lòo dzə e kishiíy fóo fèy, é wìr dzə̀m wo dzəə̀n ji *ŋgaà ntum Nyùy wáa woomé fó kfə̀n a tiisí kinyo ji ghèm á Nyùy ndzə e wun. Bó wìr yòʼ dzəə́ wìy a mùm ji wun maʼ kikúm kee wúy nyàme, ke yii maʼ ŋgaà ntum. Wìr yòʼ wíy mùm, e fíʼ bàʼàr fo wíri kiíy wun.

Ŋwàʼ Jov 5:13

Wù koó afií, a kù dzə̀ é kitam ke koʼorin áwune, bvəər menàŋ mev, a mè lay kisáŋ.

Aysaya 43:27

Tàr won wo wù‑uù tòmbìy neèr kitúm kén kù‑uù yiì ne kinyo ke bi kí. Wír ve á sánri kinyo kém e vèné kù yii kinyo, a dzə̀ ke mò‑oò shaʼnin fó áwune.

Jeremia 2:8

Atàá cùu yòʼ‑oò ló a beè mo woo Nyùy Tàr. Wír ve á yoŋ nsəri yòʼ‑oò ló a kiíy mo, vilìmbìy vi‑iì ŋwày mo, aàŋgàa ntume tiísi ntum a dzə̀ ye *Baal, cu vifá, a yòʼ dzə̀ ví sə̀ áwune.»