Jeremia 8:8 - ŊWÀʼ NYÙY

⁸ «A dzə̀ vèn wàa yòŋ ji vèn dzə̀ afií á? A dzə̀ vèn wàa yòŋ ji á kì yéʼéy yee mǒ Ŋwàʼ Nsər a? Kí aŋgàa saŋe bìnèr ne yéʼéy yém e kimboʼtì ki? Á sáŋ vinyo ve á sáŋé, wáy kimboʼtì sho.

Jeremia 8:8 Referans Kwoze

Joon 9:41

Wù bìnèr jii, «A vèn kì dzə̀ amfìr, bo bó á yòʼ kì kér njò. Mo vèn kù táv tavín ji vèn yén virə́ʼ, bo njò yen kù dzə̀ə́ e vèn.»

Ŋwàʼ woó Rom 1:22

Áwune lo, á kfə̀n a nə̀ʼ wún ji á kì vinyo, a bó á yòʼ kì tsə̀r gheéy.

Matio 15:6

Á mo vèn yii bèn, semèr nsər Nyùy, yii a dzə̀ vén vee vinyo.

Nsùyrì Nyùy 147:19

Wù lo, wù wàa fìʼtì kinyo kfə́ e rám Jakovi, a yiì, wír veé Israyi wàa kiíy sáʼ rə́ wùn à kinyo ke wù tínen ki.

Ŋwàʼ Jov 12:20

Kù dzə̀ wun wo wù yii sə́ti shúu wìr vee jwáʼ, yii, la ŋgày sé wìr si yòʼ a kiíy vinyo.

Hosea 8:12

Fə̀m mo m foon nsər sém aáwune sineénín, aá sáŋ é ŋwàʼ, áwune tèn féyì ji bó nsər sìn si yoʼ kùm a áwune.

Ŋgàn 17:6

Ntáraʼ vidzəə̀nè kù dzə̀ wón won, a vijuŋ ve won ví kù dzə̀ atàr vév.

Ŋwàʼ Jov 11:12

Á wíy lòo sìn, a kimbèʼbìy kí dzəə́ ne wán a dzə̀ wír, bo kiyúŋ kí sí kér sa vifií.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Jeremia 18:18

Wíri nèn lò yòŋ jii, «Vèsən báʼtí, e yèn ó ji á sà‑áà yée e Jeremia a? Bó atàá cù ve á yéʼey vèsəné yòʼ wíy buŋ, a bó akiíy vé a naàrì vèsəné yòʼ wíy a buŋ, a bó aŋgàa ntum Nyùy vé a tiisí ntum rəə́ yòʼ wíy buŋ sa. Vèsən bá menàŋ, e bìvír wun sho, e làa yòʼ dzə́ə a yuurí kinyo kfə́.»

Jeremia 19:7

«A kí dzə̀ jii, kirə́ʼ kin ki dzə̀ fo m wíy bvəə́r antaŋ wìr veé Juda wùn à veé Jerusaleme. M wíy yiì, áàŋgaà vév vibàné yúyrí áwune fen e shùu rər. Wír ve á dzə wuú yéví kù wíy səʼsí áwune sə́ʼsín, é m fó dzə́n sév ji viyíkìr ve menə̀n wùn à vé nyàm se kwaʼ vi.

Aysaya 43:27

Tàr won wo wù‑uù tòmbìy neèr kitúm kén kù‑uù yiì ne kinyo ke bi kí. Wír ve á sánri kinyo kém e vèné kù yii kinyo, a dzə̀ ke mò‑oò shaʼnin fó áwune.

Jeremia 2:8

Atàá cùu yòʼ‑oò ló a beè mo woo Nyùy Tàr. Wír ve á yoŋ nsəri yòʼ‑oò ló a kiíy mo, vilìmbìy vi‑iì ŋwày mo, aàŋgàa ntume tiísi ntum a dzə̀ ye *Baal, cu vifá, a yòʼ dzə̀ ví sə̀ áwune.»

Jeremia 48:14

«Moav, a dzə̀ vèn yèe, bó a tav ji vèn dzə̀ viŋgum ve wìr, a tav ji á dzə̀ vé rər ve tavkíné?