Jeremia 8:7 - ŊWÀʼ NYÙY

⁷ A fə̀m dzə̀ kilìmbìy ke ŋguùmé, mo kí féŋ e yùv, bo kí kù yii kiiy ghán sə́ sé kfən. A vibìŋ wùn à meghaà mè, à vintùŋàshàʼshàʼ vi kù kiiy sév. Yii bèy, a bó wír vémé yòʼ kiiy vinyo ve mo woo Nyùy Tàr tinen, e fò aáwune ji nsər.

Jeremia 8:7 Referans Kwoze

Aysaya 1:3

Nyàm yee mbòŋ kì wír wo wù kér wun, a kimbèʼbìy kí kì wír wo wù yiir wun. Yii bèy, a wír veé Israyi yòʼ kì fo á binè. Bó wír vémé yòʼ kiiy kinyo ke m yii aáwune.»

Aysaya 5:12

Áwune du fo ŋkàʼ, á kù a yu kinyo ji lúŋ yee rəy wùn à yé nshìí, e bóo lì nshùm wùn à loŋ ye toŋén, aá kù sí nó meluʼ, sev sèvìn. Aáwune yii bèy, e làa yòʼ dzə́ə a gwàrìr lím Nyùy Tàr, e bóo jòkìnyàʼ, a rə̀m ji Nyùy sà lim vinyo vìn e wó rəə́ e le á.

Yòv Viŋgér 2:12

Vikwiíy ví bùy ne e kwaʼ, a ghán sé yòv si ghèén ne, a vèr yú mo səkìbìŋ tóŋ e věr nsay.

Aysaya 27:11

Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.

Sekariya 5:9

Á bèy, m lòo nàn sí, e yèn vikìy abaà, aá féŋ, wiyì, kér vav si moo sé shinə̀n shee kilìmbìy. Áwune sə́y, e boò ŋkaà rə̀y, e kòʼ shó e yuv.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Jeremia 5:6

Á bèy, bvərə̀ʼ yíi fəə fo kòv, e koo áwune, é koosàʼ wiy fó woʼ, e sàʼ áwune. Baá yíi a neŋ aáwuné ghaa ŋkà se laʼ, a shweʼ virə́ʼ. Wù yíi sàtì wír wo wù bàŋrìn, e fəə̀ fó fo, e vinsàr vinsàr. A dzə̀ bìʼ fo ajay véví kùʼùn ne e ŋàŋ. Áwune bìn ne ndzə̀m e Nyùy, e tònén.

Habakuk 1:4

Nsər yòʼ dzəə́ kér vitaáví, a vé saʼa yòʼ kfə̀n tínen nsaʼ e nsànloŋ. Wír ve á méŋ wòo gìŋ ne ve á yúnin wò, e tàr. Á kù sí shwiv nsaʼ, du duùn fó mbìy.