Jeremia 8:6 - ŊWÀʼ NYÙY

⁶ M bònén ne yuùrí, kinyo kee tìítiy ki yoʼ fəə̀ fo áwuné shuù. A wìr yoʼ kùvsín fo wun yìi kisaŋe. Wìr yòʼ fə̀m sovìr kitú kfə́ ji jay və sà dzə̀ ka á? Wìr kù fuv, du a dzə̀ rə́ə yee dzə́ə, moo nyamŋkoʼ ye yì gvəytin, a nəə́ e mvə̀m rə̀r.

Jeremia 8:6 Referans Kwoze

Nsùyrì Nyùy 14:2

A Nyùy Tàr kù maʼ sí fo yuv, kíy wón wìr msòŋ jii, wìr wo wù sə́ʼəm, e bó a yiì kinyo sà dzə̀ á? Wùmòʼ sà kù yòʼ taʼ e kiíy wun a?

Esiker 18:28

Mo wù rə̀mèn ne yii rə́ ye bií ntéŋ, e bìn ndzə̀m é vinyò ve wù‑uù bùʼtìn vidzə̀m, bo wù kù yíi a dzə sho e tin. Bó yòʼ dzə̀ wù kpù.

2 Pita 3:9

Kinyo ke wír vìne keŋ ji Kristu kàʼ, e kfə̀n a ndzə̀y ki yòʼ dzə̀ bey. Ke kí dzəə̀n kí dzə̀ jii, wù kfə̀mén, a leéy a ji wíri biner melív mev adzə̀m, bìʼ fo wù yòʼ koŋ ji wìr mòʼón lay.

Malakay 3:16

Á bèy, wír ve á yúnin Nyùy Tàr, ghvə́m yír rəə́ nén a kfə̀ynìn kùm vinyo vìn. Á lòo kfə̀ynìn, Nyùy Tàr fó vituʼùr, a yuurí, e kù nèn yiì, á sáŋ ŋwàʼ wo á wíy a kuumé áwune shó, áwune ve á ghvə́m wun, li yír rə́ é shií.

Mayka 7:2

Rúrú, wìr woo ji wù ghán e Nyùy mbòv mày ne fo kitu ke nsay, a bó wìr wo wù yii réŋ yòʼ kfə̀n dzə̀ə́ e wìr msǒŋ mvəm. Wìr dzə̀m kù sí taʼ a dzə̀ dzəə kinjuyrìwìr, tám alálán, jwím a dzə̀ afə́r shó.

Ŋgaà Yen 9:20

Wíri fòy bèy, la kibér ke kí bòyìn kí yòʼ fə̀m fìír, e bìnèr melív mev gheéy. Á kú a yòm *anyùy ve á ghán e shwer, e kfə̀n a cù vifá ve á fer e wó yéví, yoŋ ji anyùy. Fer vímóʼ ví a dzə̀ e kisha ki, kìn dzə̀ ké mbàm ke baar kí, kìn ke fəvír kí, kìn dzə̀ kiné kí. Lo, á sèm kímóʼ kí a dzə̀ tíy, kìn kicí. A bó yòʼ dzə̀ anyùy vìne yèn kirə́ʼ, a bó yòʼ dzə̀ á yù kinyo, a bó yòʼ dzə̀ á ghàn.

Hagay 1:7

«Mo woo Nyùy Tàr woo Taà Mànjòŋ, m suuy jii, ‹Vèn tar dzəʼə̀m yéné.

Hagay 1:5

Mo woo Nyùy Tàr woo Taà Mànjòŋ, m nén a suúy jii, vèn tar dzəʼə̀m yéné.

Esiker 22:30

M nə̀ə́ ne e wír vémé mvəm ji sà dzə̀ m yèn wír wo dzə̀ wù tìím fo káy wìr vémé gbuùn, e siìr suuyrú fó, é la m yòʼ dzəə laàr áwune á. M leéy bey, e làa yòʼ yen wír.

Jeremia 5:1

Nyùy Tàr suuy jii: «Vèn ghánén é dzəə seé Jerusalem, e bùʼrì virə́ʼ ví, e lèéy o. Vèn tar mentàrnín mvə mè, e tàr ji á sà‑áà yén wír, fə̀m e mòʼón, wír wo wù yii réŋ, kfə̀n kér suuyrú á. Yéné, é m fiʼ làysìn ajay wìr veé Jerusalem.

Aysaya 59:16

Wù leéy, e làa yòʼ yen wír wo wù tiím mbìy, wír wóo tiím bèn ji kinyo keé nsànloŋ ki wáa dzə. Wù táʼ ntéŋ, kitú ki lúm wun. Wúnwun Nyùy Tàr ku nèn shèm fó kintìntìn ji kù yíi so a wun vinyo ve bi ví e vitaáví və́ ví. Shií wo wù kér fo vinyò veé nsànloŋ kú a banrí wun.

Aysaya 30:18

Ké Nyùy Tàr, wù diy kfə́ féyì ji wun kú a yiì vinyo ve juŋ vi e vèn, diy feyì ji wun kú a sham ven. Nyùy Tàr kù dzə̀ Nyùy wo wù lo, wù tìír vinyo və́ vidzə̀m, ví wàa ghan tìítiy. Bòŋ ké wìr dzə̀m wo wù yoy, tiir a dzə̀ é wùn wó.

Ŋwàʼ Jov 10:2

M yíi a lon Nyùy jii, ‹Éè Nyùy, lá à yòʼ kù màʼ lòn e mǒ kitu máʼan. Ku yiì, é m kiíy kinyo ke à dzə wúu yém fó fo.

Jeremia 23:25

«M yù ne kinyo ke aŋgàa ntum ve á bóʼti kimboʼtì e mǒ yirí suuyì. Á suuy ji m súŋnin aáwune a dzə̀ á e njèm.

Ŋwàʼ Jov 34:31

«Jov, à tuùné ne shuu wó e Nyùy à? À kàʼ ne ji bó à yòʼ dzəə́ wìy jay kinyo à?

Ŋwàʼ Jov 34:32

Ku lòn ké ji Nyùy din á jay wo à jayin. Wù dinè, áà ku kàʼ ji bó à yòʼ dzəə́ wìy mùm.

Aysaya 57:17

Mò‑oò shwiiy kilòŋ vèr áwune, a dzə̀ bìʼ kiŋkùvrì ke áwune‑eè kérí. Á nsàv kilòŋ ke mò‑oò shwiiyin, e bóo màʼ ŋgeʼ aáwuné kitu. Yii bèy, áwune ku shaà fo mbìy, a tav kitú, a jùmrì a dzə̀ kinyo ke melív mev mè tíy sho.

Jeremia 3:5

A dzə̀ tàr wor kù wìy a shwiíy rú a dzə̀ kilòŋ a? A dzə̀ wù kù wìy a màʼ ŋgeʼ e mò, e dù, e mày à?› Isray, á mo à yoŋrì mo ben, kù buʼtì a dzə̀ vinyo ve bi ví mo à kòŋèn.»

Daniel 9:11

Rúrú, wír veé Israyi shòʼór ne nsər yè adzə̀m, e bìn ndzə̀m, e làa yòʼ dzə́ə a yunín jí yè. À nen lò, e màʼ lòn e věr kitu, bìʼ fo vèr jayin ne e wò, a kù dzə̀ lòn wo vé‑eè yiin kilìʼ, e lèm e Ŋwàʼ Nsər wo Mooser woo ŋgaà lìm wò‑oò saŋen.

Tsəfaniya 3:7

Rúrú, mò‑oò kwaʼ jii, wír vémé yíi yen, aá fan á mo, e yù ntir ye mò‑oò tír áwune shó, é la m yòʼ dzəə laàr a ŋkàlaʼ yev, mo mò‑oò wayin ne ji m kù‑úù yii. Yii bèy, áwune kú a dù duùn fó mbìy wùn à yii yév kisaŋe.»