Jeremia 8:5 - ŊWÀʼ NYÙY

⁵ Yií ka lèn, é bo wír veé Jerusalem vìne bin ndzə̀m e mò bínen ŋkuuŋkùŋ. Áwune kù ghvə́m a dzə̀ mebvə̀m, a dzə̀ kifá kisáŋ, e tèn fó kfən e bàm, e yen mo.

Jeremia 8:5 Referans Kwoze

Jeremia 9:6

Á kù sí waʼrì, yúy wíri e séʼ wo á sə́, kuvrì a dzə̀ kiŋkùvrì. Áwune tèn ne fóo binsí mo ji Nyùy.» Suuy Nyùy Tàr.

Jeremia 5:3

Rúrú, Nyùy Tàr, à taʼ a dzə̀ ŋgaà suuyrú. Wò‑oò shwìvír áwune, la á yòʼ fə̀m gwàrìr. À wáa tàʼ e səʼsí áwune ŋkuuŋkùŋ, la áwune yòʼ yèʼéy kinyo fo fo. Áwune kù táv a dzə̀ kitú, tén fó kuvsín.

Sekariya 7:11

M wáa tiisí bèy, a wíri kù‑uù sí yú, táv a dzə̀ kitú, səm vituʼùr, tén yú.

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Joon 5:40

Yii bèy, vèn ku tèn fó way shilív e mǒ wùn, é m fó ven dzəʼə̀m yee là may.

Hosea 11:7

Wír vém veé Israyi wày ne wáyín ji á kù‑úù tín kiwuú fo mǒ bàm. Áwune wíy a toŋ, a kàn Nyùy woo Taà Vitu, yii bèy, é la wù yòʼ nàn áwune.

Jeremia 5:27

Mo menə́n mè rùn é ŋkém, dzə̀ mo vifá ve kiŋkùvrì vi runen lav sév, áwune nén a ker mbàm, e kùʼkìr.

Aysaya 44:20

Ŋgaàŋ ghàn é le, e bó a ghvəm kifá, a dzə̀ ji kibvə́? Vifií və́ ví kù sì kimboʼtì kimboʼtì, a wù kù jày ne dzə́ə. Bó yòʼ dzə̀ wù kfə̀n fə̀ə́r kitú kfə́ fó fo. Wù yòʼ kfə̀n yú fó suúy jii, «Shibvə̀m she m ghvə́m shìn shi dzə̀ kifá kisáŋ.»

Aysaya 30:10

Áwune lo, á wàa kàntì vé sii jii, «Lá vèn dzə́ə a yen vinyo, a suúy.» Á lo, á wàa suúy aàŋgàa ntum Nyùyi jii, «Vèn yén vinyo, mo ví fə̀m dzəə̀n rú, lá vèn dzə́ə a suúy e vèr. Vèn kú a fèr vinyo e vèr a dzə̀ ve vèr koŋ a yu, a fèr vinyo, a dzə̀ ve vèr kér shií shó.

Ŋgaà Yen 2:25

Vèn ku ghàr a dzə̀ kinyo ke vèn tíy sho ki, e dù, e meé e ghan se m wíy kfən.

1 Tesalonika 5:21

Vèn kú a saáy vinyo ve vèn yii vi vidzə̀m, a lèm ve juŋ vi,

Hosea 4:16

«Wír veé Israyi táv kitú moo wan nàʼ wo wù yóʼ ne dzə̀ə́. Mo áwune sí gháʼ mo, a dzə̀ m kfə̀n ghàn é le, e bóo yiír áwune moo bvə́y se sí sí ján janén?

Jeremia 2:32

A dzə̀ wánlè ŋgòn làysìn vifá və́ vé viŋgòn a? A dzə̀ jìn làysìn ndzə̀y sə́ sé vijin á? Yii bèy, wír vémé làysìn ne mo, á làysìn ne mo kàŋ là táŋ.

Aysaya 1:20

Yii bèy, a vèn tèn ji á yòʼ‑óò yúnín mo, e kù a tsəy a dzə̀ kóy vèsən, bo vèn kù‑úù kpú yé rər. Kù suuy mo woo Nyùy Tàr jí sìn e vèn.»

Ŋgàn 4:13

Ku ghàr kinyo kee ji ntir ki, e lùm, e kpù shó. Ku kòytí, bìʼ fo siìn dzəʼə̀m yé.

Jeremia 5:6

Á bèy, bvərə̀ʼ yíi fəə fo kòv, e koo áwune, é koosàʼ wiy fó woʼ, e sàʼ áwune. Baá yíi a neŋ aáwuné ghaa ŋkà se laʼ, a shweʼ virə́ʼ. Wù yíi sàtì wír wo wù bàŋrìn, e fəə̀ fó fo, e vinsàr vinsàr. A dzə̀ bìʼ fo ajay véví kùʼùn ne e ŋàŋ. Áwune bìn ne ndzə̀m e Nyùy, e tònén.

Jeremia 14:7

Éè Nyùy Tàr, fə̀m mo vinyo vér ve bi ví koon ne ver, ku sə̀ ver bìʼ yír yé. Vèr bìn ne ndzə̀m e wò akàŋ aneénín. Vèr jày ne e wò.

Daniel 9:11

Rúrú, wír veé Israyi shòʼór ne nsər yè adzə̀m, e bìn ndzə̀m, e làa yòʼ dzə́ə a yunín jí yè. À nen lò, e màʼ lòn e věr kitu, bìʼ fo vèr jayin ne e wò, a kù dzə̀ lòn wo vé‑eè yiin kilìʼ, e lèm e Ŋwàʼ Nsər wo Mooser woo ŋgaà lìm wò‑oò saŋen.

Jeremia 3:5

A dzə̀ tàr wor kù wìy a shwiíy rú a dzə̀ kilòŋ a? A dzə̀ wù kù wìy a màʼ ŋgeʼ e mò, e dù, e mày à?› Isray, á mo à yoŋrì mo ben, kù buʼtì a dzə̀ vinyo ve bi ví mo à kòŋèn.»

Jeremia 6:17

Wù nèn lèm anshìy, á wáa leéy áwune, e yòŋ jii, «Aá tòŋ sóŋ, vèn yuùrí.» Yii bèy, áwune bìnèr jii, «Vèr yòʼ yíi a yuurí.»

Jeremia 6:19

Àshè nsay, yuúrí e yù. M sí wiy e ŋgeʼ ye tavín e wír vìné kitu. Dzə̀ seʼ antaŋ ve áwune‑eè bá. Áwune yòʼ yú kinyo kém, aá tèn ne yéʼéy ye m lèmèn aáwune.

Hosea 11:5

Àáy, mo áwune tenen fó kfən e mǒ wùn, bo á kér fóo kfən e bàm é Ejiv. Kfə́né, é fòn woó Assiriya wáa taa aáwuné kitu.

Hosea 13:2

Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»