Jeremia 8:4 - ŊWÀʼ NYÙY

⁴ Nyùy Tàr nèn yòŋ mo, e sùúy ji m yoŋ á e wíri jii: «Wìr yii gbu, wù gòʼ, a neŋ fo nsay à? Wìr yii jáy dzə́ə, la wù yòʼ siìr ŋkfənèr à?

Jeremia 8:4 Referans Kwoze

Ŋgàn 24:16

A wìr wo wù yú Nyùy fə̀m gbù, e dù meé e le, bo wù kù yíi nànèn, a wír ve á méŋ Nyùyi dzə̀ kév, a ŋgeʼ yíi màʼ áwune máʼan.

Mayka 7:8

Éè aŋgaà vér vibàn, lá vèn yòʼ tàv, a yòv nsiì e věr kitu. A vèr fə̀m gbù, bo vèr kù lo, e ŋaʼáy. A vèr fə̀m dzə̀ʼə̀m fo mesənér, bo Nyùy kù yíi a kàʼày ver.

Hosea 6:1

Wír veé Israyi nèn lò, e sùúy jii: «Vèsən kfə́n é bàm e Nyùy Tǎr wùn. Wù sàʼtì ne vèsən, yii bèy, a wù yíi fèr. Wù lèmér ne vèsən, yii bèy, a wù yíi kur vileémé vesən.

Jeremia 3:1

«A lùmèn fə̀ə́r wiíy, wù du, wìr wo sən li, e wày é lav, a dzə̀ wù kfə̀n sə̀, e siìr e lav à? Bo bó yòʼ sì kon, a nsay yíi bir, e fòy fòyìn a? Isray, à yiì ne visàkì vèn à vé ve viŋkari anín. À kfə̀n sí wiy ji à yén mo a? Suuy mo woo Nyùy Tàr.

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Amos 5:2

Isray gbù ne. Óò mboò, jìn Nyùy Tàr gbù ne. Á tòn ne wun, a bó wù yòʼ dzəə́ wìy ŋaʼáy. Wù sí bér berín e wun nsay, a bó ŋgaà sə yòʼ dzə̀. Wù sèsín ne e kibvə̀r, a bó ŋgaà nàn yòʼ dzə̀.

Hosea 14:1

Éè wìr veé Isray, vèn kfə́n é bàm fo Nyùy Tàr woo Nyùy wón wùn, vèn ku yèn ri mo ajay véné màʼàn ne ven.

Hosea 7:10

Kiràʼsìwùn ké wìr veé Isray ki mvə̀ʼ ne kinyè kév, yii bèy, la áwune yòʼ kfə̀n é bàm fo mò woo Nyùy Tàr woo Nyùy wóv wùn. Fə̀m mo vinyo vìn vidzə̀m vi kooyin áwune, bó áwune yoʼ fə̀m tàʼ mo gheéy.

Esiker 18:23

Bó m yòʼ diy ji mbùʼtìvìnyò kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Suuy mo woo Nyùy Tàr woo Taà Ndzə.

Aysaya 44:22

M làysìn ne ajay vén, e sə̀ʼsí, á ŋeémé, e lày, kù moo mbàʼ ye shwéri jùmèn. M shàʼàr ne vinyo vén ve bi ví, ví máy, kù moo kintòn ke shùy lóo ban, kí mày. Vèn kfə́n é bàm, e kòʼtí e mǒ mentsə̀m, mò‑oò yùn ne ven, e làʼ.

1 Afòn 8:38

wìr lo, a bùnrì, kìn lò wir dzə̀m, a bùnrì, a lon wò shilív sə́ shidzə̀m, a nàsì wó, a kìʼ lav rə̀n sho,

Jeremia 36:3

Sáŋ ó, e ghanmóʼ, é wír veé ram Judàa yú ŋgeʼ ye m báʼti ji m maʼ aáwuné kitu, é wìr dzə̀m maʼti yii rə́ ye bií, é m laysin ajay vév wùn à vinyo vév ve bi ví.»

Jeremia 23:14

Yii bèy, ké aŋgàa ntum veé Jerusalem, m nen yèn, a kév kí fóy ne fóyin. Áwune ghán, jaŋ kinjàŋ, bóʼti a dzə̀ kimboʼtì, távir kóy aŋgàa vinyò ve bi ví, yii, a wìr yòʼ kfə̀n kúvsin fo wun yiì ye bií. Áwune adzə̀me sì moo wír veé Sodom bèy fo mò. Wír veé Jerusaleme kfə̀n ne ji wír veé Gomorra.»

Jeremia 4:1

«Éè Isray, a vèn sí koŋ e bìnkìr, vèn kù kfə̀n é bàm, e yèn a dzə̀ mo. Suuy mo woo Nyùy Tàr. Vèn ku tsə̀ʼ joonè wón woo mebvə̀me fo mǒ si, e làa yòʼ kfə̀n a dzən tùʼtàn.

Jeremia 3:22

Nyùy Tàr yóŋ jii, «Éè wǒn kisaŋe, vèn binkir, é m yiì màyìr liì won kisaŋ.» Wíri bínsí jii, «Vèr sí kfə́n, e yen wò, kù dzə̀ wò Nyùy Tàr woo Nyùy wor.