Jeremia 8:3 - ŊWÀʼ NYÙY

³ Ké kiber ke wìr veé ŋgwàʼ ye yì kér liì wo bi rə̀n, m wíy jùm, aá du é nsay vitum. A virə́ʼ vidzə̀m fo á wíy a dzə, á wíy a shèŋ a dzə̀ kitú, a suúy jii, yì‑iì bòŋ á ji áwune kpúkír, e shaà ké a dzə atin. Suuy mo woo Nyùy Tàr woo Taà Mànjòŋ.»

Jeremia 8:3 Referans Kwoze

Ŋgaà Yen 9:6

A wíy lòo dzə fo ŋwee woo tàn və̀n, aá wáa tàʼ kpú ye yí li áwune, e làa yòʼ a ker. Á wíy a siimé kpú, é yí wáa nyeŋ áwune nyéŋén.

Jeremia 29:14

é m yii, é vèn yén. Suuy mo woo Nyùy Tàr. M wíy siìr vijuŋ vén e vèn. M wíy baʼtí ven fó vitum vidzə̀m, à fó virə̀ʼ ve mò‑oò taʼarin ven, á dùkìr sho vi, e nèn lì, e kfən sho e kirə̀ʼ kee fo mò‑oò jùmèn ven, é bo vèn du, a dzə e kwaʼ nsàm.» Suuy a wun woo Nyùy Tàr.

Jeremia 23:8

Á sí wìy a kàn, a yòŋ a dzə̀ jii, ‹Mo Nyùy Tàr dzəə̀n shó, wun wo wù‑uù fəərin wír veé Isray fo vitum veé wòŋ kùyi, e fə̀ə́r fo vitum vidzə̀m ve wù‑uù jùmèn áwune, á dù, a dzə sho.› Aá wáa kàn bèy, e kù a dzə a dzə̀ e yéev yee nsay.»

Jeremia 23:3

Mómò kitú kém, m yíi baʼtí kibér ke wìr vém fó vitum, fo mò‑oò jùmèn, á táʼrí, e dùkìr. M yíi siìr áwune é nsay ye dzəə̀n yéev, aá wáa dzəə́, a kùʼ, a dzə aneénín.

Remrí 30:4

A vèn fə̀m‑eè dù é ndzəywoŋ, a fə̀m dzə̀ feé, bo Nyùy Tàr woo Nyùy won kù wíy ròn ven fó fo, e banén, e kfən sho e bàm.

Jona 4:3

Á bèy Nyùy Tàr, ku màyìr dzəʼə̀m yémé. Bòŋ ke m kpú, e shaà fó a dzə, a yen dzə́ə ye vinyo vi du sho bèn.

Daniel 9:7

Éè Nyùy Tàr, à dzə̀ là shilóm. Yii bèy, fo kér kí, woómé si sùm ne ver bìʼ kinyo ke vèr mum e wò, e shem lán. Ver ve á dzə́ e wòŋ woo Juda, à veé Jerusaleme, e lì veé Isray ve à taʼarin vitúm vidzə̀m, à vee fó mentsə̀mé, à vee kwaʼdáa. Vèr kù sí woóme woòmén, ver adzə̀m adzə̀m.

Remrí 30:1

Mooser kfən yòŋ e wír veé Israyi jii, «Vinyo ve m neèrìn e věn si vi dzə̀ vibaà, kisəəvì wùn à lòné. Kí nén a dzə jii, wíy lòo dzə, a vinyo ve m yòŋèn vin vi koóy ne ven vidzə̀m, a vèn dzə̀ é vitum fo Nyùy Tàr woo Nyùy won tsənsin ven, é vèn nèn kuùmé kinyo ke vèn‑eè shoʼon.

Ŋgaà Yen 6:16

a fuŋ agwan wùn à vilán vi jii, «Vèn ku keèsì e věr vitu, e kìŋ ver fo ŋgaà wo wù dzə́ e kàvàʼ yén ver, é vèr fíʼ bòy fo ŋgeʼ ye Wàn Njiì sí sə́ti nsay sho rə̀n.

Jeremia 40:12

Á yú bey, e nèn kfə̀nkír fo virə̀ʼ vidzə̀m fo vé‑eè jùmèn áwune, á dùkìr. Áwune nèn wìy e Mispa, e yèn Gedalia fo. Á wìy bèy, e nèn bàʼtí meluʼ, e kòy vicí ve ví koomen e lùm, kifá kidzə̀m ki wáa dzə kigháʼán.

Jeremia 29:28

Wù‑uù tsə̀nsí ntum e vèr é Babilon ji vèr yíi rèŋ a vikwàn fó ntàmda. Vèr baʼri á lav si, a dzə sho, e mvə̀ʼ a súm sí, a kav a vifá fo fo, a yi.› »

1 Afòn 19:4

e nèn kfə̀n ghàn kishiíy kifur, e dù mèé e woʼ. Wù meé bey, e sèsín e sar kici keé njà dzəʼə̀y woó kwaʼ, a dzə fo, a lon ji bòŋ á ke wun kpú. Wù wáa bùnrì, a suúy jii, «Éè Nyùy Tàr, kí sì é ŋàŋ. Lì ri mo lèn. Bó m yoʼ bòŋ, e shaà atǎr atàr vér.»

Jeremia 6:9

Nyùy Tàr woo Taà Mànjòŋ suuy jii: «Á yíi siyrí kibér ke wìr veé Isray síyrín, mo á sìyrí kitiír ké *vayin. Á yíi dù, e ghaà fó, moo wír wo wù kòyìn báŋ se vayin, e bóo kfə̀n a siyrí tíŋ si.»

Amos 3:1

Wír veé Isray, vèn yuúrí kinyo ke Nyùy Tàr roomè ven shó ki. Wù roomè ven wír adzə̀m ve wù‑uù fəərin fó wòŋ woo Ejiv, suuy jii:

Mayka 2:3

Bìʼ bèy, Nyùy Tàr ló kfə́, e sùúy jii: «M sí báʼti ji m yíi màʼ ŋgeʼ e ven vee aŋgàa vinyò ve bi vií kitu. Yì yíi ghar ven fó vilòŋ moo fáŋ, a bó yòʼ dzə̀ wìr yù fóo fəə́r kitú fo fo. A bó vèn yòʼ kfə̀n wíy yu fó a ghan, a koʼór wún. Ghán sin si wíy a dzə sé ŋgeʼ ye tavín e věn wùn.

Cù 26:33

Fo kén kí, m wíy taʼár ven, é vèn sáŋrí e vitúm vímóʼ ví nsay, é m kfə́n a ròn wúu yén e rə́r sí. Woŋe siiy bèy, é wú nèn dù e vifə̀m, é ŋkà se laʼ sén si kerkir.

Jeremia 44:2

Ntum rə̀n‑eè dzə̀ jii, Nyùy Tàr woo Taà Mànjòŋ, wun woo Nyùy wìr veé Isray suuy a jii, «Vèn yèn ne ŋgeʼ se tavkín sí sidzə̀m se m màʼàn é Jerusalem, e màʼ e ntèʼ seé Juda si sidzə̀m. Vèn leéy, e yèn, fóo sì é vifə̀m, e wìy shem lán, a bó wìr yòʼ dzə́ fo,

Jeremia 44:6

Dòʼshwíiy wom nèn kòʼ, a baarí moo və́y, m máʼ ŋgeʼ e ŋkà se laʼ seé Juda, e kfə̀n màʼ e Jerusalem, yì ghán, e bùʼrì dzə́ə see fó sidzə̀m. Fóo nen kfə̀n ji woŋ kinjúme, e dù e vifə̀m, e wìy shem lán.»