Jeremia 8:2 - ŊWÀʼ NYÙY

² Á wíy fəə́r, e sàŋrì, é shùy wùn à ŋwee, à mejiy mè wáa ban sho, mo dzəə̀n vifá ve áwune‑eè rə́si koŋè, fó kitú sho. Áwune‑eè léʼnin e bǎm vifa fèn, shwéŋé, kfə̀n cu. Vighvə́r vin vi kù sí wìy gòʼ là báʼtí, là dzəəmè, a neŋ moo jáŋ bèy.

Jeremia 8:2 Referans Kwoze

2 Afòn 23:5

Wù kfən tsə̀ʼ atàá cù ve vé‑eè loòn ne a cù anyùy fo lìm. Kù‑uù dzə̀ atàá cù ve afon veé Judàa‑aà yoʼon ji á wáa tòn a kiláy é virə̀ʼ vé anyùy ve ví‑iì dzəə̀n é ntèʼ seé Juda, a tòn sa e virə̀ʼ veé ghaa Jerusalem. Wù‑uù jùm atàá cù adzə̀m ve vé‑eè cu Baal, e jùm ve vé‑eè cu shúy, kìn ŋwee, kìn ŋgoo se mejìy, kìn vifá ve ví bán e yuv vímóʼ ví.

Lim Aŋgàa Ntum 7:42

Nyùy nèn bìn ndzə̀m aáwune, á wáa ghvəm shúy wùn à ŋwee, à mejiy mè réŋréŋ mo vé‑eè saŋen é ŋwàʼ *aŋgàa ntum Nyùy ji Nyùy suuy jii: « ‹Wír veé Isray, vèn‑eè ghán e kirə̀ʼ ké woʼ kí kiyá mkweè, seéri nyám si, cu a dzə̀ mo shó à?

Jeremia 9:22

Ke Nyùy Tàr suuy ki dzə̀ á jii, ‹Dzə́n sé wíri sí wíy a neŋnín, a neŋnín e kwaʼ moo jáŋ. Sí wíy a neŋ moo ŋgwàsáŋ wo vé kivi kív, maʼà, a wìr yòʼ báʼti.› »

Remrí 4:19

Vèn leey yúv, yén shúy, yén ŋwee, yén mejiy, à vifá veé yuv vímóʼ ví, vèn wàa yen fo ví lévtí ven ji vèn wáa ghvəm, e kfə̀n a lìm fo fo. Dzə̀ vifá ve Nyùy Tàr woo Nyùy won màʼtìn ji vitúm vímóʼ ví wáa ghvəm.

Tsəfaniya 1:5

M wíy laàr wír ve á kóʼ, yii cu e kikfəv ke lav, kóʼ bèy, cu shúy, cu ŋwee, cu mejiy. M wíy laàr sa wír ve á cu mo, kan yír yém, kfə̀n kan yír nyùy woo *Molek.

Esiker 8:16

Wù nèn lì mo, e nə̀ə́ sho e maàndzə yee Nyùy Tǎr lav cù. M yén, a vilum dzə́ fo moo wír nshòv sitàn e mbaà bey, tíy e ghaa shuù wo wú nəə e lav cù, e nsàn kishem wùn à kíy cùu, aá bín ndzə̀m e Nyùy Tǎr lav cù, a kìʼ a dzə̀ mbìv yee fo shùy yii tó, a ghvəm sí shùy.

Jeremia 36:30

Bo kinyo ke Nyùy Tàr suuy kùm wun woo Fòn Jehoyiakim woó Juda ki dzə̀ á jii, ‹Bó wìr woo bvəm rə́ yòʼ wíy a saʼ a vifon vee Davir ram. A ké wun woo fon ki dzə̀, aá wíy sàŋ dzə́n rə́, é yí wáa rəsí e shùy, a shaà, a shiíy e kintòn.

Jeremia 22:19

Á wíy dzəə̀mè wun moo kimbèʼbìy. Á wíy sə̀ŋ dzə́n rə́, e fəə káy Jerusalem sho, e màʼày.

Jeremia 19:13

Lav seé Jerusalem wùn à ntoʼ seé Juda si kù wíy kfən ji kirə́ʼ ké *kifàn, moo Kiwoóy ké Tofet kìn. A dzə̀ jii, lav sidzə̀m se á ton kiláy é kitu wo, cu vifá veé yúv shó, kfə̀n maʼ meluʼ fo, cu anyùy sho.»

Jeremia 16:4

áwune wíy a jòy ayàsí ve bií, a kpukír. Bó wìr wó a dìy áwune yòʼ wíy a dzə, kìn wo wù dzəəme. Dzə́n sév sí wíy a neŋnín e virə̀ʼ moo jáŋ. Áwune wíy kpu rə́r, e kpu jíŋ, é menə́n wùn à nyám si kfə́r dzə́n sév.»

Nsùyrì Nyùy 83:10

Wò‑oò laàr wír vìn e En‑Dor, e laàr, dzə́n sév sí fòy fo.

2 Afòn 21:3

Wù kfə̀n‑eè bòm virə́ʼ vé anyùy ve tàr wov Hesekiya‑aà kètìn ne. Wù sii bòm kíy se cù, á wáa cù nyùy woo *Baal fo, e kfə̀n fèr wúr nyùy woo wiíy woo *Ashera, kù mo Ahav woo fon woó Isray‑iì fèrìn. Wù‑uù cu vifá vidzə̀m ve ví bán e yuv, kfə̀n lim fo vifá vee shooy vi.

Tsəfaniya 1:17

Nyùy Tàr suuy jii, «Wír vìne yiì kinyo ke biibí kí e mò woo Nyùy Tàr, a m wíy màʼ ŋgeʼ ye tavín aáwuné kitu, aá wáa ghan moo amfìr. Mensə́ mev mè wíy a leŋ moo ndzə́v, dzə́n sév sí wíy a neŋ moo jáŋ.»

Ŋgaà Tàrvìnyò 6:3

A wìr dzə̀ə́ wón wií, e dzə̀ʼə̀m viyá vinín, á fə́m a taŋ viyá və́, e làa yòʼ a kiíy mo ví dzəə̀n, a bó wù yòʼ yú vijuŋ ve vifa ve wù kérí, kí kfən kòóy ji lá wìr yòʼ fə̀m a dzə wóo dzəə̀mè wun, bo m yèn kém ji ké wan wo á taŋen táŋén kí shaà a ké ŋgaàŋ.

2 Afòn 21:5

Wù bóm símóʼ sí é maàndzə see sibaà seé lav cù, a dzə̀ kíy se cù se vifa ve ví bán e yuv vidzə̀m.

2 Afòn 17:16

Áwune‑eè màʼày nsər se Nyùy Tàr woo Nyùy wov sidzə̀m, e nèn fèr wón nàʼ abaà e kisha ki, a ghvəm ji Nyùy. Á kfən fèr wúr nyùy woo wiíy woo Ashera, e kfə̀n a ghvəm mejiy meé yuv, a ghvəm sa nyùy woo *Baal.

Remrí 17:3

a cù anyùy ámóʼó, e kfə̀n a ghvəm, kìn dzə̀ shúy, kìn dzə̀ ŋwee, kìn dzə̀ kifá kímóʼ kí é yuv, a mò‑oò shàʼnín ne,

Nsùyrì Nyùy 53:5

Áwune dzə̀ ben, aá dzə̀ é mvə̀m fàn ye ghaʼáné, fan ye mfìʼ yòʼ‑oo yií ne a dzə, bìʼ fo Nyùy wíy yuyrí aŋgàa vibàn və́, e taʼár vighvə́r vév. Á wíy tòn áwune tónen, bìʼ fo Nyùy Tàr meŋen ne áwune.

Jeremia 14:16

Wír ve áwune tiísi ntum shoo yíi kpukír sa, a neŋnín e ghaŋ se dzəə é Jerusalem là ŋgaà dzəə̀mè, aá kpúkir a dzə̀ jíŋ wùn à rə́r sí, aá kù kpú wùn à vikìy véví, à wón vee vilume, à vee vikìyí. M kù yíi siìr yii yév kisaŋe aáwuné kitu.»

Jeremia 16:11

à nèn bìnèr aáwune ji Nyùy Tàr suuy a jii, ‹Dzə̀ bìʼ fo atàr véné‑eè ŋwayin mo, a jùmrì a dzə̀ anyùy, a lìm fo fo, e kfə̀n a cù, e nèn mèŋ mo, e tèn fó a yunín nsər sém.›

Jeremia 31:40

Kiwoóy ke á yii maʼày dzə́n sé wíri shó, kfə̀n sər sa kibvə́ sho, e lì súm seé bvə̀m gwan, e kèʼ fo Kiwoóy ké Kidron, e dù, e bàʼ e kor woó Shùu Kày Nyàm se Ŋkoʼ, e mbìv ye shùy yii tó fo foo, wíy a dzə kirə́ʼ kee jeéy kí kidzə̀m ji ké Nyùy Tàr. Bó á yòʼ kfə̀n dzəə́ wìy a tuŋ fó, aá yòʼ dzəə́ wìy bvəʼə́y.»

Esiker 6:5

M wíy sàŋrì dzə́n sé wìr veé Isray e mebvə̀m mev mè si, e taʼár vighvə́r vév é ghaŋ se kiy se cù.

Esiker 29:5

M səŋ wò, é m du, e shwèy e woʼ vèn à sə́ see wò ndzəv sí. À wíy a neŋ e woʼ é ŋgèŋgèr, là ŋgaà wóo baʼtí, e dzəə̀mè. M wíy fo wò ji viyíkìr ve nyàm seé kwaʼ, à vé menə̀n ví,

Nsùyrì Nyùy 83:11

Lóvtí e vilìmbìy vév ví mo wò‑oò lovtin e Orev wùn Seev. Lóvtí e vitú vév vé saʼ vi mo wò‑oò lovtin e Seba wùn Tsalmunna.

Jeremia 9:20

M nèn yòŋ jii, «Éè vikìy, vèn yuúrí, e yù jí Nyùy Tàr. Vèn mvəʼti vituʼùr vén ví, e yuùrí kinyo ke wù suuyì. Vèn yéʼéy wón vén vee vikìy mo á diy kpú, é wìr yéʼéy ŋgaà və shùu lav lúŋ kpu.

Jeremia 9:21

Kpúu nə̀ə́ ne ver dzə́ə fó awundu. Yí nə̀ə́ ne e věr ntoʼ si, li wón fó ghaŋ se dzəə, li wónlě nsùm fo mentàrnín.

Jeremia 16:6

Áwune kù wíy kpukír e wòŋàn, à wo kuʼùn, à wo terí. Wìr wó a dzəə̀mè áwune yòʼ wíy a dzə, kìn wo wù wáa dìy áwune. Wìr yòʼ wíy a dzə wó a jàʼtì wún, kìn wó a kwaày kitú ji wun din mendzən.

Jeremia 25:33

Wíy lòo dzə e ghan fen, é wír ve Nyùy Tàr laàrsìné wáa neŋnín virə́ʼ vidzə̀m, e kèʼ fo buu ndzə fèn, e dù, e bàʼ e və́səə. Wìr wó a dìy áwune yòʼ wíy a dzə sho, kìn wo wù báʼti dzə́n sév, e dzəə̀mè. Dzə́n sév sí wíy a neŋnín e nsay moo jáŋ bèy.

Esiker 39:5

Vèn wíy teèm, a neŋ e kwaʼ e ŋgèŋgèr. M sùúy ne, a sùúy mo woo Nyùy Tàr woo Taà Ndzə.