Jeremia 8:16 - ŊWÀʼ NYÙY

¹⁶ E ké ru kí, nyám se ŋkoʼ se aŋgàa vibàn vér sí sì, a sí yoysìn fo mbìv Dan. Lúm sév sé nyàm si tóŋé, virə́ʼ ví sə̀ʼsì. Aáwune sí nəə, e fòr nsay yer, e fòr kifá kidzə̀m ke kí dzəə̀n shó. Á sí nəə, e fòr ŋkà se laʼ sér, à wìr dzə̀m wo wù dzə́ fo.

Jeremia 8:16 Referans Kwoze

Atǎr Nsaʼ 18:29

Á nèn shù yír ŋkàlaʼ yee shooy ji Dan, a vé‑eè lì a dzə̀ yír tàr à ràm yév wo vé‑eè yoŋ ji Dan, a dzə̀ wan Isray. Yii bèy, a vé‑eè yoŋ yír ŋkàlaʼ yee shooy fo mbìy ji Laish.

Atǎr Nsaʼ 5:22

Rúrú, nyám sév sé ŋkoʼ si‑iì túyri wuú kitávín, sí‑iì túyri wuú, shuʼtì nsay sho.

1 Korin 10:28

Yii bèy, a wìr tòʼ ji dzə̀ vifá ve á cuùn anyùy sho, la vèn yòʼ dzəə yì, fo wìr wo wù kì toʼon woo shooy yén, a kwàʼ ji vèn dzə̀ é ŋgoo wìr ve á cu anyùy, e làa yòʼ kfə̀n yi sa bìʼ shilív she bvəərín shí.

1 Korin 10:26

A dzə̀ vèn wàa yiì bèy, bìʼ fo Ŋwàʼ Nyùyi suuy jii, «Kitú ke nsay ki dzə̀ ké Nyùy Tàr, à kifá kidzə̀m ke kí dzəə̀n shó ki.»

Habakuk 3:10

aàgwane leey wò, yaʼà, a ndzə́ví kúŋ virə́ʼ, a ndzə́v yeé loònsayi yorkìrì, a shwéri tsə́y, kóʼor e yuv.

Nahum 3:2

Yú mo ŋgwàne shaasìn ji shwàm shwàm, a kár se vitentén sí binkìrì, a nyám se ŋkoʼ si léʼninè, a *viténtén vé rər ví shaasìnè.

Jeremia 47:3

Áwune wíy yu, a nsən se nyàm se ŋkoʼ si givì, e yu sa mo *viténtén vé rər ví wiyì, e yu mo kár si yii njèʼèr. Wìr yòʼ wíy a tiím ji wun li wán, tímé wíy kpu áwune adzə̀m.

Jeremia 10:25

Dìn dòʼshwiiy wò e vitúm ve ví yòʼ ghvə́m wò vi, ku dìn e wír ve á tenen fó a cù wòo. Áwune bvə̀ʼə́y ne rám Jakov, e laàr ŋkuuŋkùŋ, woŋ wóví dú é vifə̀m.»

Jeremia 6:23

Áwune wiy, kér vinte wùn à nyùy sév sé rər sí, a dzə̀ vé bvə̀m ŋgeʼe, aá yòʼ rə́r mendzən fo wìr. Áwune kòʼ ne nyám se ŋkoʼ, a wìy, a yòr moo rìbà ndzə̀v. Éè Jerusalem, á bàʼtí ne rə́r é mbòŋén, a taamé wò.»

Jeremia 4:24

M lèéy agwan, e yèn, aá səʼsì, e yèn, aàŋkoŋe shaasìnè.

Nsùyrì Nyùy 24:1

Kitú ke nsay ki dzə̀ ké Nyùy Tàr, à kifá kidzə̀m ke kí dzəə̀n shó ki. Kù kér wun kitú ke nsay, à wír ve á dzəə̀n shóo adzə̀m.

Atǎr Nsaʼ 20:1

Wír veé Israyi ku nèn fəə̀ wir dzə̀m, e kèʼ fo Dan, e dù, e mèé e Beersheba, à fó nsay Gilead, e bàʼtí e Nyùy Tǎr si e Mispa ji kitú kimòʼón.

Ŋwàʼ Jov 39:20

Yì‑iì yiì wò, é bo nyàmŋkoʼ wáa liy moo ŋguùmé a? Nyàmŋkoʼ fér yúy, wúné wàa beemé wíri beemén.

Jeremia 3:24

Cu ye vèr‑iì cu *Baal wo dzəə̀n kifá ke woomé ki kù yiì kfə́, vèr láy vifá láyin, e kèʼ fo meterí. Vèr lày vifá vidzə̀m ve atàr vérí‑iì ndzə̀ʼnìn, e lèm ŋgoo se nyàm wùn à sé bvəy si, à wón vér vee vilum wùn à vee vikìyí.

Jeremia 5:17

Áwune wíy laàr vifá vén, e laàr viyíkìr fo kwaʼ. Áwune wíy laàr wón vén vee vilum, à vee vikìyí. Áwune wíy laàr ŋgoo sén sé bvəy, à sé nàʼ si. Áwune wíy laàr vitiír vén vé *vayin, à vicí vé *fig vi. Vé rərí wíy kètì ŋkà se laʼ sén see vikum, se vèn tiirin vifií shó.»

Jeremia 30:5

«Á yú, shirəə́ shi jiyì, a virə́ʼ ví beéme, a bó nyaáŋ yòʼ dzə̀.

Jeremia 30:16

«Yii bèy, a wír ve á bivirin vené dzə̀, aá kù wíy bivír sa áwune bey. Á wíy koorí aŋgaà vén vibàn adzə̀m, e dù sho ji vé sháŋé. Á wíy faàsì vifá ve wìr ve á faàsìn vén, a wír ve á nə̀ʼsìn vené wíy a dzə sa e nə̀ʼsì.

Jeremia 50:42

Áwune wiy, kér vinte wùn à nyùy sév sé rər sí. Áwune dzə̀ vé bvə̀m ŋgeʼe, aá yòʼ rə́r mendzən me wìr. Áwune kòʼ ne nyám se ŋkoʼ, a wìy, a yòr moo rìbà ndzə̀v. Éè Babilon, wò woo ŋgònjuù, á lì ne ghán, e bàʼtí rə́r, a taamé wò.

Jeremia 51:29

Kitú ke nsay ki sí səʼsì, ŋayìr bìʼ nyár ye yí dzəə̀n fó. Kinyo ke Nyùy Tàr sìysìn ji wun yii e Babilon ki kù tíy fo, a wù kù yíi yiì, é fóo du é vifə̀m, é la wìr yòʼ dzə́ə a dzə fo.

Jeremia 4:7

Ŋgaà wo wù wiy ji wun bvə́ʼə́y vitúm fəə̀ ne, a wìy. Wù wiy moo bvərə̀ʼ wo wù fəən fo wun kileèmè. Wù màʼtì ne kirə́ʼ kfə́, a wìy ji wun laar nsay yen. Ŋkà se laʼ sén sí lo, e kfən e vifə̀m, é la wìr yòʼ dzə́ə a kùm fo.