Vinyo ve aŋgàa ntum vée tiísi ji ghèm Nyùy ndzə, dzə̀ kimboʼtì, a dzə̀ kifá kisáŋ. Áwune yòʼ‑oò lo dìn vinyo vé ve bi ví, e fíʼ siìr wò e bàm fó kwaʼ vikwàn. Vinyo ve áwune tiísi e wò ji ntum Nyùy vi kù dzə̀ vé kisaŋ vi, aá kù bóʼti wò sho bóʼtín.
Vé kifàʼ vìne dzə̀ ben, aá koŋ ntum a dzə̀ ye kimboʼtì. A wìr lò, e sàsìn, e bvə̀y, a ghan, a levtí wíri jii, wun yíi yiì, aá wáa tsəə̀tìn tsəə̀tìn e meluʼ me tavkín mè, bo wír vìne kù yíi a gbù gbuùn é wùn wó ji á ŋgaà ntum wov.»
«Mo vèn tínsin melív me wìr vee jwáʼ e kimboʼtì ki, a dzə̀ wír ve bó m yòʼ koŋ e way nyár aáwuné meliv, bvə́vir sí wìr kisaŋe, lóʼti melív mev fo áwune maʼti yii kisaŋe, e bòy fo akwiiròn,
Nshìylav ye yì kì duùn, e tòóy Mikayia kì dù bey, e sùúy sho jii, «Leéy, e yèn mbà, aŋgàa sii yèn kinyo kimòʼón ji fòn du, e so a rə́r. Ku mùm ji jí sé si tárnín wùn à sév sí, áà kfən tòmrí tomrín.»
Fòn woó Isray nèn tòóy aŋgàa si və́, aá dzə̀ moo wír ghii kweè bèy, e dzə̀r aáwune jii, «M nəə́ Ramot‑Gilead e rə́r sí moo ŋgáŋ á?» Á bìnèr ji fòn wàá nəə́. Fòn waà du, e tòn a áwune. Nyùy Tàr yíi dù, e way a Ramot‑Gilead e fòn kiwo.
A kí wíy a dzə jii, wíri wíy lòo suúy ji á bòy ne, a vinyo vi sì nyaáŋ, é ŋgeʼ nèn sàsìn, e gbù mo wiíy yù wán. Yì gbu bèy, é yì nèn sə̀tí áwune, é la á yòʼ dzəə bòy.
M nèn bìnèr jii, «Éè Nyùy Tàr woo Taà Ndzə, leéy, e yèn, aŋgàa ntume sí fiʼtì ji bó rə́r sí yòʼ wíy nəə́ a fo, a bó jìŋ yòʼ waà wíy koo. À kù wíy a yiì, é nyaáŋ wáa dzə a e wòŋàn ŋkuuŋkùŋ.»
Áwune kù suuy e wír ve á ŋwayin jí Nyùy ŋwáyíné ji Nyùy Tàr suuy a jii, ‹Vèn yíi a dzə kijuŋ.› Suuy sa e ve á tavin kitú, a yiì a dzə̀ mo melív mev mè koŋèe jii, ‹Bó kinyo ki yòʼ yíi sə̀ʼ ven.›