Jeremia 8:10 - ŊWÀʼ NYÙY

¹⁰ Mo kí dzəə̀n ben, m wíy fo vikìy vév e wír ve səné, e fo kwáʼ sév e wír ve á wíy tòn fene, bìʼ fo wìr dzə̀m, à wo terí, à wo kuʼùn, kù sí diy a dzə̀ seʼ ŋgwaákínyé. Aŋgàa ntum Nyùy wùn aàtàá cùu, à wìr dzə̀m lò ne, a shwìv a dzə̀ kinshwìv.

Jeremia 8:10 Referans Kwoze

Esiker 33:31

Áwune lo, á wìy, e yèn wò mo wìr yii du fo wìr wùn. Wiyì, á dzə̀ʼə̀m e wò si moo wír vém, a yuurí kinyo ké, a bó á yòʼ yíi yiì kinyo ke à suuyì. Lám wóví kù dzə̀ wó kinjàŋ.

Titur 1:11

Á kér fó a sə̀r wír vee bey, bìʼ fo áwune bvəər vifií vé wíri. Lóo dzə láʼ yímóʼó, la à yòʼ dzəə yèn wír wo wù kiìn fo wù tíyí. Aá yéʼey vinyo ve bó yòʼ dzə̀ á wàa yeʼéy, bìʼ fo á kù kér shií a dzə̀ é mbàm.

Tsəfaniya 1:13

Á wíy kuúy káv wóv, e kètì lav sév. Áwune baʼrì lav si, a bó á yòʼ wíy shiíy sho. Áwune biy vitiír vé *vayin, a bó á yòʼ wíy no meluʼ me á yii fer e báŋ sə́ sí. Suuy mo woo Nyùy Tàr.»

Amos 5:11

Bìʼ bey, mo vèn nyavrì e ŋgaà kitàn, sə́ nshwǐ vifa ve wù lim fo fo, bo bó vèn yòʼ wíy shiíy e lav se vèn bomen, sí wáa njàʼkìr. Vèn bìy ne vitiír vé vayin, ví wáa tèʼ, a səəné, a bó vèn yòʼ wíy luʼ bàr shilùʼ fo fo e shuù.

Aysaya 28:7

Kí foy kí dzə̀ jii, atàá cù wùn aàŋgàa ntum Nyùyi kù sí ghán, fénkir bìʼ meluʼ me á noon, mè wáa jivír vifií vév. Á sí ghán, tuŋkìr tùŋkìn, a kù sí caacà meluʼ áwune. Á yòʼ dzəə́ yén ntum ye Nyùy Tàr din aáwune é njà kinjeenjèm, a bó áwune yòʼ dzəə́ kiiy móo tinén, e shù kinyo kee tìítiy.

Titur 1:7

Mo lèmèn Nyùy ŋgaàŋ ji kilìmbìy ke wìr və́, kí yoʼ ghèén ji wù wáa ker nsem e dzəə yìmòʼ. Kìn dzə̀ ji wù wáa koʼnín, e kfə̀n a nyarnín, a no meluʼ e ŋàŋ, a tàʼ melaà, a dìy a dzə̀ shuu və́.

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Mayka 3:5

Nyùy Tàr nén a suúy kùm aŋgàa ntum kimboʼtìi jii: «Áwune taʼ kév ji wír vémé jáy dzə́ə. Wìr wáy shuu wóv, á nèn a kàʼ mo Nyùy yíi səə̀vì ŋwérín, é wù wáa dzə e vijùŋ. Wìr tén fóo fo kòyàr, á nèn a fìʼ rə́mrə́m kinyò wo Nyùy yíi yiì e ŋgaàŋ.

Yòvdìy 4:13

Kí‑iì kòóy bey, bìʼ jay aŋgàa ntum Nyùy vee fó, e kòóy, bìʼ vinyo ve atàá cùu‑uù buʼtì. Áwune‑eè yúyri alànjò aáwuné mvəm, wíri, a dzə̀ vee Nyùy mbòv.

Jeremia 32:32

A m kù‑úù bvə́ʼə́y bìʼ vinyo ve bi ví vidzə̀m ve wír veé Isray wùn à veé Judàa yiìn, e ŋàʼár dòʼshwíiy wom shó. A kù‑uù dzə̀ áwune wùn aàfon véví, à vilìmbìy vi, aàtàá cùu, à wír ve á dzəə̀n ji aŋgàa ntum Nyùyi, e lì wír ve á dzə́ e Jerusalem adzə̀m.

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Ŋwàʼ Jov 31:10

yeè lav wom kù a jò kibán a dzə̀ ké wìr wo sən, é vilum ámóʼó wáa shiíy sho.

Aysaya 57:17

Mò‑oò shwiiy kilòŋ vèr áwune, a dzə̀ bìʼ kiŋkùvrì ke áwune‑eè kérí. Á nsàv kilòŋ ke mò‑oò shwiiyin, e bóo màʼ ŋgeʼ aáwuné kitu. Yii bèy, áwune ku shaà fo mbìy, a tav kitú, a jùmrì a dzə̀ kinyo ke melív mev mè tíy sho.

Jeremia 14:18

M lo ji m fəə́ e shweesí, m yèn a dzə̀ dzə́n sé wìr ve á kpuun rə́r. Lóo nəə́ e ŋkà se laʼ, m yèn a dzə̀ wír ve á sí kpú jíŋ, aàŋgàa ntum wùn aàtàá cùu ghán, yii a dzə̀ lim yév, a bó á yòʼ kì kinyo ke á yii.»

Jeremia 17:11

Wìr wo wù kooyin káv e dzəə̀ kinshwìv, wù dzə̀ moo shinə́n she shí kay wúm ye yòʼ dzəə̀n rə́. Wù tóʼ dzəʼə̀m e ntìntìn, kávi nèn mày. Dzəʼə̀me lóo mày, wù nèn kfə̀n ji kiyúŋ.

Jeremia 22:17

Yii bèy, à tìír ké sí wùn à shilív shí, a kù dzə̀ é kinyò ke kù‑úù luŋ wò fo fo. À yúyri alànjò, nyavrì, kfə̀n nəʼsì wíri.

Jeremia 38:22

mò‑oò yèn, a vé rərí lí vikìy ve vé‑eè berin é ntoʼ Juda, a dù sho ji á fó e vé saʼ fòn woó Babilone. Vikìy víne‑eè du bèy, táŋ vinyo ve fòn a jii: « ‹Ŋkar sé se tim sí bòʼtí ne wò, á lèvtí ne wò, à jáy dzə́ə. À tò ne e kishàʼàr wuu baà, áwune bín ndzə̀m e wò.›

Jeremia 42:1

Amfòómé rər adzə̀m wùn à Johanan woo wan Karea, à Jesania woo wan Hoshayia, à wìr dzə̀m, e kèʼ fo wo terí, e dù e wo kuʼùn nèn wìy,

Mayka 2:4

Kishiíy kin ki wíy gheén, é wíri wáa yòv luŋ kùm vinyo vìn, a tinsín ven shó. Á wíy a toŋ, a te lám, a bìʼtì ven jii, ‹Á laàr ne ver ŋkuuŋkùŋ. Nyùy Tàr faàsì ne nsay yer yee vitsə́ʼ vér, e fò e wír ve vé‑eè tònèn verí, wír ve vé‑eè tònèn ver é kwaʼ rər.› »

Habakuk 1:6

Vèn yuúrí, m sí nan kitúm kee Babilon, wír, aá nyárninè, a bó á yòʼ mvəʼ si, yén wír, ghán kitú ke nsay kidzə̀m, faasì virə́ʼ ve bó yòʼ dzəə̀n vév fáasin.

Jeremia 14:14

Nyùy Tàr nèn bìnèr e mò jii, «Aŋgàa ntume tèʼ ne mo é si, a boʼtí a dzə̀ kimboʼtì. Bó m yòʼ‑oò lo tùm áwune, a m yòʼ‑oò lo yòŋ ji á yii kinyo, fə̀m ji m yoŋ jí yìmòʼ aáwune. Áwune tiísi vinjeenjèm ve á yéné, a dzə̀ kimboʼtì, a vinyo ve á shwéŋ vi dzə̀ kisáŋ. Dzə̀ vinyo, a ví lò a dzə̀ fo áwuné kwàʼtì.