Jeremia 8:1 - ŊWÀʼ NYÙY

¹ «Wíy lòo dzə̀ e ghan fóo fèy, aá fəə́r vighvə́r vé afòn wùn à vé atǎr saʼ veé Judàa fó sày, e fəə́r vé atàá cù, à vé aŋgàa ntum Nyùyi, à vé wìr ve á dzə́ e Jerusaleme adzə̀m. Suuy mo woo Nyùy Tàr.

Jeremia 8:1 Referans Kwoze

Esiker 6:5

M wíy sàŋrì dzə́n sé wìr veé Isray e mebvə̀m mev mè si, e taʼár vighvə́r vév é ghaŋ se kiy se cù.

Amos 2:1

Nyùy Tàr suuy jii: «Abaày, wír veé Moavi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu, Yìiy, áwune‑eè tòn vighvə́r vé fòn woó Edom, ví dú é kibvə.

Esiker 37:1

Nyùy Tàr‑iì màʼ kiwó kfə́ e mǒ wùn, m yú vitaáví və́, Kiyoy kfə́ kí lì mo, e dù sho e kirə̀ʼ a dzə̀ mboʼ, a vinjúm ve vighvər ví néŋ fo, fó e dzə̀m.

2 Afòn 23:20

Wù‑uù koò atàá cù adzə̀m ve vé‑eè lim e virə̀ʼ vé anyùy fèy, e yùyrí e kiy se cù see fó, e tòn vighvə́r vé wíri kíy cù e dzə̀m. Á bèy, wù nèn kfə̀n é bàm é Jerusalem.

2 Afòn 23:16

Wù‑uù lóo sàʼày fó, e nàn sí, e yèn say si é wǔn gwan. Wù suúy, á fə́tí vighvə́r fó fo, e tòn e kiy cù ji wú wàá bír. Vinyo vìn vi kù‑uù kooy bèn, a dzə̀ mo Nyùy Tàr‑iì yòŋèn ne, *ŋgaà ntum və fíʼtí fó ŋgùʼ.

1 Afòn 13:2

Wù nèn a fìʼtì ntum Nyùy Tàr, a beèmè kíy cù və̀y jii, «Ébéèy kiy cù, yìiy. Nyùy Tàr yoŋ jii, ‹Á wíy dzəə́ wán e Davir ram, e shù yír rə́ ji Josia, é wù li atàá cù, áwune ve á cu anyùy aàgwan virə́ʼ vidzə̀m, e seèrí a dzə̀ é kitu ke kiy cù fèn, aá wáa tòn vighvə́r vé wíri fó.› »

2 Afòn 9:37

é dzə́n rəə́ wáa neŋ ji jàʼkìkì moo jáŋ bèy fo nsay, a bó yòʼ dzə̀ wìr kfə̀n kìíy ji dzə̀ á Jesebel.»

Nsùyrì Nyùy 53:5

Áwune dzə̀ ben, aá dzə̀ é mvə̀m fàn ye ghaʼáné, fan ye mfìʼ yòʼ‑oo yií ne a dzə, bìʼ fo Nyùy wíy yuyrí aŋgàa vibàn və́, e taʼár vighvə́r vév. Á wíy tòn áwune tónen, bìʼ fo Nyùy Tàr meŋen ne áwune.

Jeremia 14:16

Wír ve áwune tiísi ntum shoo yíi kpukír sa, a neŋnín e ghaŋ se dzəə é Jerusalem là ŋgaà dzəə̀mè, aá kpúkir a dzə̀ jíŋ wùn à rə́r sí, aá kù kpú wùn à vikìy véví, à wón vee vilume, à vee vikìyí. M kù yíi siìr yii yév kisaŋe aáwuné kitu.»

Esiker 6:4

Á wíy kètì kíy sén sé cù, e bvəʼtí kíy se kilay, e yuyrí wír vén e věn kilaʼáy ké mebvə̀m.