Jeremia 7:9 - ŊWÀʼ NYÙY

⁹ A dzə̀ vèn wàa shoŋ vishóŋ, a yuyrí wíri, a jàŋ kinjàŋ, a kàn yír Nyùy kisáŋ, a tòn kiláy, a cù *Baal sho, a ghvəm anyùy, a bó vèn yòʼ kì fó fo,

Jeremia 7:9 Referans Kwoze

Jeremia 7:6

e làa yòʼ a nə̀ʼsì viŋgwìy wùn à wón tsə̀ə́, à vikǐy ŋkfəə, e làa yòʼ a yuyrí alànjò é wòŋàn, e làa yòʼ a jùmrì sa anyùy, e lor vitú vén,

Ŋwàʼ Fəə 20:3

«Lá vèn yòʼ a ker anyùy ámóʼó, e shaà mo.

Jeremia 11:17

Nyùy Tàr woo Taà Mànjòŋ, wo wù‑uù tuuyin ven bàʼtí ne a dzə̀ ŋgeʼ, e taàmé ven shó, a dzə̀ bìʼ liì kisaŋ wo ven vee wír veé Isray wùn à veé Judàa yiìn. Vèn ton kiláy, cu Baal sho, ŋáʼar dòʼshwiiy Nyùy Tàr.

Jeremia 11:13

Éè Juda, anyùy véné dzə̀ nyanyày mo ŋkà se laʼ sén sí dzəə̀n, a kíy se cù see fo vèn ton kiláy, cu *Baal sho si dzə̀ sinín moo dzə́ə se sí ghanen é Jerusalem.

Ŋgaà Yen 22:15

Wír ve á wíy a gòʼ kév a dzə̀ fó ndzəə dzə̀ á ve á yii joonè wùn à ve á sénin sə́m, à ve á jaŋ kinjàŋ wùn à ve á ghán viŋkari, à ve á yúyri wíri wùn à ve á ghvə́m vifá vímóʼ ví ji Nyùyi. A wír ve á koŋ kimboʼtì, tíy a dzə̀ shó adzə̀me kù wíy gòʼ sa fo ndzə.

1 Afòn 18:21

Elija nèn kòʼtí e wírí mentsə̀m, e dzə̀r jii, «Vèn wíy tùʼtìn e kwaʼtìi e baà ben, e dù meé e le? A Nyùy Tàr dzə̀ Nyùy, vèn wàa jùmrì wun, wáa dzə a dzə̀ Baal, vèn wàa jùmrì rì Baal.» Wíri ku gòʼ gòʼòn kisə́sə.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

Ŋwàʼ woó Rom 2:2

Vèsən yii bínsi jii, a Nyùy màʼ ŋgeʼ e wír ve á yii kfə́ə vinyò vee shoone, bo wù yiì a réŋ.

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Tsəfaniya 1:5

M wíy laàr wír ve á kóʼ, yii cu e kikfəv ke lav, kóʼ bèy, cu shúy, cu ŋwee, cu mejiy. M wíy laàr sa wír ve á cu mo, kan yír yém, kfə̀n kan yír nyùy woo *Molek.

Esiker 18:18

Fo ké tàr wov kí, mo wù koó vifá ji vitaáví, faasì vifá ve wíri, yii vinyo ve bi ví aàfə́r vəə́, bo wù kù kér fóo kpu bìʼ vinyo ve wù bùʼtìn.

Jeremia 44:3

a kù dzə̀ bìʼ vinyo ve kisaŋ vi ve áwune‑eè yiìn. Vé‑eè ŋàʼár dòʼshwíiy wom e kiláy ke áwune ton, cu anyùy sho ki. Anyùy ve bó áwune yòʼ‑oò lò ghàn sìíy e kìíy, a bó vèn yòʼ kì sá, aàtàr véné yòʼ kì.

Jeremia 32:29

Wír veé Babilon ve á taáme ŋkàlaʼ rə̀ne yíi nəə́, e tòn fó e və́yí, e tatí, e tòn wùn à lav see fo wíri kóʼ, ton kiláy é kitu wo, cu *Baal sho, kfə̀n maʼ meluʼ fo ji cú anyùy, yii, a dòʼshwíiy wom kóʼó.

Jeremia 13:10

Wír liì kisaŋ vìn, á tèn ne fó a yu kinyo kém, a tav a dzə̀ kitú, a yiì kinyo a dzə̀ ke melív mev mè tíy sho, jumrì anyùy vitum, ghvə́mé, kfə̀n cu. Áwune kù wíy lày sa kisáŋ moo bàtàrí və̀n.

Atǎr Nsaʼ 5:8

Wír veé Israyi‑iì lò ne, a ghvəm anyùy kisaŋe, rə́r sí nen nə̀ə́ aáwuné wòŋ, a bó wìr woó Isray yòʼ kér ŋkeè, kìn kòŋ, a fə̀m dzə̀ wír e mòʼón fo wíri nsə̀kì mkweè.

Remrí 32:17

Áwune‑eè shaà Nyùy, a cù a dzə̀ viyoy ve ví gháné ji anyùy. Anyùy, aá tó shó afíy, a bó atàr véví yòʼ‑oò lò ghàn sìíy, e ghvə̀m.

Aysaya 1:13

Cu yéné dzə̀ kifá kisáŋ, lá vèn dzə́ə a wìy sho ji á yii e mò. Kiláy ke vèn ton ki dzə̀ kfə́ ji *kifàn fo mò. Ŋwee wo fíyi fəə́, vèn wàa yiì cu, e kfə̀n a meèmè e vishiíy vé bam. Kiyá ki kúmé, vèn kù yì ŋkàʼ sí. Bó yòʼ dzə̀ féyì m lèéy ŋkàʼ sén, a vèn yii, laarì a dzə̀ sí yém shó.

Aysaya 58:2

Áwune lo kév, á kù a meenín e mǒ si mo kishiíy kí dzəə̀n, a laàrì sí ji á koŋ, e yeʼéy vinyo ve m taʼ ji á wáa yiì. Á yii, kù moo ji dzə̀ wír ve á yúnin mo, a bó á yòʼ ŋwáy sáʼ Nyùy wov. Á lón mo ji m ku fò á áwune sáʼ yee là kiloʼ, koŋ feyì ji bo á kì kóʼti e mǒ mentsə̀m.

Jeremia 1:16

M yíi way wír vém é ŋgeʼ, bìʼ kitú ke áwune tavin, e bìn ndzə̀m e mò, a tòn kiláy, a cù a dzə̀ anyùy sho, a ghvəm vifá ve áwune fèrìn e wó yéví.

Jeremia 5:7

Nyùy Tàr suuy jii: «A dzə̀ m làysìn ajay vén é le? Wón véné màʼtì ne mo. Á sí kan a dzə̀ anyùy kisaŋe. M yìír áwune, á kúr, e kù cì kwán a dzə̀ é kinjàŋ, du, dzə́ a dzə̀ wùn aàsàkìi.

Jeremia 18:15

Yii bèy, a wír vémé ŋwày ne mo. Á sí ton kiláy, cu anyùy kisaŋe shó. Anyùyi yií, áwune wáa bàyrìn e dzəə ye á kì ghán sho, dzə́ə, ye dzəə̀n kimvə́mvə ké dzəə, e nèn lò, e bìn a dzə̀ é dzəə ye toʼrìn, dzə́ə, aá yoʼ nàŋsín, yì táʼám.

Jeremia 19:4

Kí dzə̀ bey, bìʼ fo wír vìne meŋen ne mo, e bìvír kirə́ʼ kin. Áwune sí ton kiláy fen, cu anyùy sho, cu bèy, a bó atàr vév wùn aàfon veé Judàa yòʼ fə̀m‑eè lo yì‑iì kìíy anyùy vìn. Aáwune kfə̀n‑eè yiì, mensə́ me wìr vee alànjò mè sə́ fen e dzə̀m.

Jeremia 44:8

Vèn fer anyùy e wó yéné é nsay Ejiv fèn fo vèn wìyìn, a dzə, ton kiláy, cu sho, ŋáʼar dòʼshwíiy wom ji ka? Vèn taʼ ji á yiì laàr ven, é vitúm veé kitu ke nsay vi li yír yén ji liy, a jàʼ ven jáʼan a?

Jeremia 44:9

Vèn làysìn ne liì kisaŋ wo vé‑eè yii e nsay Juda, yii e dzəə seé Jerusalem à? Liì kisaŋ wo atàr véné‑eè yii, aàfon veé Judàa yii, a vikǐy ntoʼo yii sa, a vèn kù yii, a vikìy véné yii sa.

Jeremia 48:35

M yíi laàr wír veé Moav. Áwune seéri nyám si, yii cu sho e virə̀ʼ vé anyùy, ton kiláy, cu nyùy wov shó. Kù suuy mo woo Nyùy Tàr.

Esiker 5:11

«Kí nén a dzə jii, mo m dzəə̀n shó e tin, mo woo Nyùy Tàr woo Taà Ndzə, e ké ru kí, mo vèn bivirin ne lav yem cù e mebvə̀m mè, e yiì kfə́ə joònè wo m yii ban e dzə̀m fo, bo m lo, e shèr tíŋ wón. M yòʼ wíy bavtí ven, a bó m yòʼ wíy a ker mendzən.

Esiker 23:39

Kishiíy ke vé‑eè liìn wón vév, e cù mebvə̀m sho, kù dzə̀ kíwun ke vé‑eè wìyìn e mǒ lav cù, e nèn bìvír fó. Yìiy, á mo áwune‑eè lovtin e mǒ lav.

Hosea 2:13

Rúrú, m wíy màʼ ŋgeʼ e Isray kitu, bìʼ ŋwáy ye wù‑uù ŋwayin mo, e ŋwày mo, e dù a tòn kiláy, a cù mebvə̀m mee Baal sho, e lò, a wayrí a dzə̀ vifá ve sùsù, a ghan sho aàŋgàa ŋkòŋmé vəə́ bàm. Ghán bèy, laysìn mo. Suuy mo woo Nyùy Tàr.»

Hosea 6:9

Atàá cùu kù dzə̀ moo ŋgoo ashòŋ ye yì lìrìn, a teʼ wíri. Áwune lo, á yùyrí wíri é dzəə ye yì du e ŋkàlaʼ yee Shekem. Aá kù buʼtì vinyo búʼtin e kúmé.

Amos 4:5

Vèn wáa yiì rì cu vibeèrìí e kibán ke kí kér nyaà kí, a dzə̀v nsaŋ, bìʼ fómo wo vèn wiy sho, yoŋ ji woo jeéy. Á kinyo ke wír veé Israyi koŋ a sə ŋgúm shó. Suuy mo woo Nyùy Tàr woo Taa Ndzə.

Jeremia 5:2

Yii bèy, mo áwune fə̀m dzə́, kan yír Nyùy, yoŋ ji Nyùy Tàr dzə̀ shó e tin, á kan kisáŋ.»

Esiker 20:30

«Kí nén a dzə jii, súŋnín e wír veé Israyi, e sùúy aáwune jii, ke Nyùy Tàr woo Taà Ndzə suuy ki dzə̀ á jii, ‹Vèn taʼ e shaà fo mbìy, a lor vitú vén e liì joònè wo atàr véné‑eè kérí, a ŋway mo moo wiíy wo wù ghán viŋkar, a ghvəm mebvə̀m mev a?