Jeremia 7:8 - ŊWÀʼ NYÙY

⁸ « ‹Vèn leéy, e yèn mo vèn sí wáy shilív é ntir se kisaŋ si, a yòʼ dzə̀ sí bòyìr ven.

Jeremia 7:8 Referans Kwoze

Aysaya 28:15

Vèn dzəv nsaŋ ji vèn‑eè yiì ne kilìʼ vèn à kpúu, e yiì nsìysì vèn à woŋ aŋkfəə, kwaʼ ji a kinyo ki fə̀m meè moo ndzə́v, a sùm virə́ʼ, bo bó yòʼ dzə̀ kí kùm ven. Oomboò, vèn sévti ji kimboʼtì kén kí yíi kìŋsìn ven, é ŋkàʼmé won kimboʼtì téʼtín ven fó ŋgeʼ.

Jeremia 23:32

Rúrú, m yíi kìʼ aŋgàa ntum ve á li njèm se kimboʼtì si, ghán, fiʼtì. Áwune fer, nèn danèr wír vém e kiràʼsìwùn ké kisaŋ ki, yii, aá jáy dzə́ə. Bó m yoʼ shòʼ áwune, e tùm, a bó yòʼ dzə̀ wír vémé lùŋ fo áwune gheéy. Suuy mo woo Nyùy Tàr.»

Jeremia 23:26

Kimboʼtì ki wíy a dzə aàŋgàa ntum kimboʼtì vìné meliv ben e dù, e meé e le? Áwune tiísi ntum kisaŋ a dzə̀ fo áwuné vifii.

Jeremia 8:10

Mo kí dzəə̀n ben, m wíy fo vikìy vév e wír ve səné, e fo kwáʼ sév e wír ve á wíy tòn fene, bìʼ fo wìr dzə̀m, à wo terí, à wo kuʼùn, kù sí diy a dzə̀ seʼ ŋgwaákínyé. Aŋgàa ntum Nyùy wùn aàtàá cùu, à wìr dzə̀m lò ne, a shwìv a dzə̀ kinshwìv.

Jeremia 7:4

Lá vèn yòʼ tìír vifií é vinyò ve á rə́si goʼ jii, «Á lav cù Nyùy Tàr, á lav cù Nyùy Tàr, a bó yòʼ dzə̀ kinyo ki sə̀ʼ.» Kee shooy ki dzə̀ kimboʼtì.

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Jeremia 4:10

M nèn shùsín jii, «Yímóy, Nyùy Tàr woo Taà Ndzə, rúrú, à bòʼtí ne wír veé Jerusalem ji woŋe yíi a dzə a nyaáŋ, wáa dzə lèn, a rə́r sí kér áwune fó asìʼ.»

Aysaya 30:10

Áwune lo, á wàa kàntì vé sii jii, «Lá vèn dzə́ə a yen vinyo, a suúy.» Á lo, á wàa suúy aàŋgàa ntum Nyùyi jii, «Vèn yén vinyo, mo ví fə̀m dzəə̀n rú, lá vèn dzə́ə a suúy e vèr. Vèn kú a fèr vinyo e vèr a dzə̀ ve vèr koŋ a yu, a fèr vinyo, a dzə̀ ve vèr kér shií shó.

Aysaya 59:4

Wìr fo vèn wo wù taʼ kinyo kee tínén é nsànloŋ yòʼ kfə̀n dzə̀. Wìr yòʼ kfə̀n sáʼ nsaʼ, suuy suuyrú, kù ghaa a dzə̀ vinyo ve kisaŋ vi, e bó a suúy, bóʼti a dzə̀ kimboʼtì e ŋàŋ. Wìr dzə̀m kù sí kér a dzə̀ bvə́m ŋgeʼe, a yí kù sí bvə́ysin a dzə̀ é kinyò ke bi kí,

Jeremia 28:15

Ŋgaà ntum woo Jeremia nèn yòŋ e ŋgaà ntum woo Hananiya jii, «Hananiya, yuúrí, e yù, à yiì ne, wír vìne biímé kimboʼtì, a bó Nyùy Tàr yoʼ tùm wò.

Jeremia 13:25

Kin ki sì kilíŋ kén. Dzə̀ mbìv ye m shoʼon ji yéen, bìʼ fo vèn làysìn ne mo, a ghvəm a dzə̀ anyùy kisaŋe. Suuy mo woo Nyùy Tàr.