Jeremia 7:6 - ŊWÀʼ NYÙY

⁶ e làa yòʼ a nə̀ʼsì viŋgwìy wùn à wón tsə̀ə́, à vikǐy ŋkfəə, e làa yòʼ a yuyrí alànjò é wòŋàn, e làa yòʼ a jùmrì sa anyùy, e lor vitú vén,

Jeremia 7:6 Referans Kwoze

Jeremia 13:10

Wír liì kisaŋ vìn, á tèn ne fó a yu kinyo kém, a tav a dzə̀ kitú, a yiì kinyo a dzə̀ ke melív mev mè tíy sho, jumrì anyùy vitum, ghvə́mé, kfə̀n cu. Áwune kù wíy lày sa kisáŋ moo bàtàrí və̀n.

Remrí 8:19

A vèn wìy làysìn Nyùy Tàr woo Nyùy won, a jùmrì anyùy kisaŋe, a ghvəm, e kfə̀n a cù áwune, bo m yoŋ e vèn lán, e ké ru kí ji á kù wíy laàr a ven ŋkuuŋkùŋ.

Remrí 11:28

Lòné dzə̀ sá, a vèn fen tèn fó lèm nsər se Nyùy Tàr woo Nyùy won, e bìn ndzə̀m é vinyò ve m fó e vèn lán, a jùmrì anyùy ámóʼó ve vèn yòʼ fə̀m kiìn.

Jeremia 2:34

Ndzə̀y sén sí sì mensə́ mensə́, a dzə̀ mensə́ me aghéʼncey ve vèn yúyri là njò. Bó vèn yòʼ‑oò lo koò áwune, aá kív kirə́ʼ. Vinyo vìn vi yénsin bèn,

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Jeremia 19:4

Kí dzə̀ bey, bìʼ fo wír vìne meŋen ne mo, e bìvír kirə́ʼ kin. Áwune sí ton kiláy fen, cu anyùy sho, cu bèy, a bó atàr vév wùn aàfon veé Judàa yòʼ fə̀m‑eè lo yì‑iì kìíy anyùy vìn. Aáwune kfə̀n‑eè yiì, mensə́ me wìr vee alànjò mè sə́ fen e dzə̀m.

Aysaya 59:7

Wír vìne kù sí yár jíŋ ji á yii kinyo ke bi kí, waʼrì gheéy, á yùy wír là njò. Á kù dzəʼə̀m, bá antaŋ a dzə̀ vé yìi kisaŋe, nəə e kirə̀ʼ, bo kí fòy ne, e kfə̀n é vifə̀m.

Remrí 27:19

« ‹Lǒn Nyùyi ku koò wír wo wù nyavrì e gháy kiŋgwìyi, kìn wó wàn tsə̀ə́, kìn e wó wiiy ŋkfəə.› «Á yoŋ bèy, é wìr dzə̀m ku bìnsí jii, ‹Kí kú a dzə bèy.

Remrí 24:17

Lá wìr yòʼ lòʼ kiŋgwìy, e bìn kinyo kév kintéŋ. Kìn dzə̀ wír woo là tàr. Lá á yòʼ koò ndzə̀y sé wiíy ŋkfə e kaa.

Matio 27:25

Màŋgòŋ və̀y nèn bìnèr jii, «Á maʼti, é mensə́ mvə mè kfə́n a dzə̀ e vèr à wón vérí vitu.»

Matio 27:4

e sùúy jii, «M yiì ne kinyo ke bi kí. M yiì ne, á yúyrí wír, a bó wù yòʼ kér njò.» Á bìnèr jii, «Kiíy wò sho, bó yòʼ dzə̀ nsaʼ yer.»

Esiker 18:6

e làa yòʼ a yi vifá ve á cu anyùy sho aàgwan, a bó wù yòʼ ghvə́m mebvə̀m me wìr veé Isray. Wù kú a dzə sa, a wù yòʼ yii li wiíy wìr, é kfə́n a dzə, a wù yòʼ yii shiiy e wiíy, a wù yén ghán sə́.

Yòvdìy 4:13

Kí‑iì kòóy bey, bìʼ jay aŋgàa ntum Nyùy vee fó, e kòóy, bìʼ vinyo ve atàá cùu‑uù buʼtì. Áwune‑eè yúyri alànjò aáwuné mvəm, wíri, a dzə̀ vee Nyùy mbòv.

Jeremia 26:23

á dù, e ghàn, e tàʼ Uria, e wìy sho, e fò e Fòn Jehoyiakim. Wù nèn sùúy, á gwàr e nyùy, wù kpú, á lì dzə́n rə́, e dù màʼ fo vé‑eè dzəəmè wír vee fó tèr.

Jeremia 26:15

Yii bèy, vèn kú a kiíy e ké ru kí ji a vèn yùyrí mo, bo vèn jaŋ a dzə̀ lòn e věn kitu, bìʼ lànjò wo vèn yuyrin, e kfə̀n jàŋ sa e ŋkàlaʼ rə̀n wùn à e wìr dzə̀m woo fen kitu. Dzə̀ suuyrú ji Nyùy Tàr dzə̀ a túm á mo ji m tiísí á vinyo vìn, é vèn yú.»

Jeremia 7:5

« ‹Ké ru kí, a vèn lòo dzə, e kùvsín liì won, e kùvsín yii yén, e làa yòʼ a loʼ rú afə́r vén,

Jeremia 2:30

M màʼ ne ŋgeʼ e vèn à wón véné kitu, la vèn yoʼ yèʼéy kinyo fo fo, yì láy kisáŋ. Vèn ló fó fo, e yùyrí aŋgàa ntum vém yuyrín, kù moo bvərə̀ʼ wo wù nyárninè.»

Nsùyrì Nyùy 106:38

Áwune‑eè yúyri wón vév, yúyri, a bó wóné yòʼ kér njò, li áwune, cu mebvə̀m meé Kanan sho. Á bèy, kinjuyrìwìr kìn ki yií, nsay bír.

2 Afòn 24:4

jòkìnyàʼ wír vee alànjò ve wù‑uù yuyrin. Wù‑uù yiì, mensə́ me wìr vee alànjò mè wáa leŋ Jerusalem e dzə̀m, a bó yòʼ dzə̀ Nyùy Tàr làysìn jay və.

2 Afòn 21:6

Wù‑uù lì wán və, e tòn ji cu. Wù‑uù du, shwéŋ fú, du ŋgám, kfə̀n bee vé ŋgàŋe, bee wír ve á mbaa aŋkfə. Wù‑uù yii vinyo ve bi ví é ŋàŋ, a Nyùy Tàr yú bír.

Cù 25:17

Lá wìr Isray yòʼ bòʼ wùmòʼ woo wír. Vèn kú a dzə, a fàn a dzə̀ Nyùy Tàr woo Nyùy won. Dzə̀ mo Nyùy Tàr woo Nyùy won.

Jeremia 5:28

Áwune fàŋkìr ne, a beʼ virə́ʼ. Yii yév kisaŋe tònén ne. Áwune yòʼ bin nsaʼ wàn tsə̀, fó sho, a bó á yòʼ kiŋsìn gháy ŋgaà kitàn.

Jeremia 7:9

A dzə̀ vèn wàa shoŋ vishóŋ, a yuyrí wíri, a jàŋ kinjàŋ, a kàn yír Nyùy kisáŋ, a tòn kiláy, a cù *Baal sho, a ghvəm anyùy, a bó vèn yòʼ kì fó fo,

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

Esiker 22:7

Bó wìr wo wù ghvə́m tàr wov wùn yè wov yòʼ dzə̀ shó e věn mvəm. Vèn lo, á wàa boʼ viŋgwìy wùn à wón tsə̀ə́, à vikǐy ŋkfəə.

Cù 19:33

«A kiŋgwìy ki dzə́ e věn nsay, lá vèn yòʼ a nə̀ʼsì wun. Lá vèn yòʼ a jay kinyo sho.

Ŋgàn 23:10

Lá à yòʼ kùvsín bìíy ŋgvən yee fó yàŋgùʼ, e nə̀ə́ e wón tsə̀ə́ virə̀ʼ.