Jeremia 7:5 - ŊWÀʼ NYÙY

⁵ « ‹Ké ru kí, a vèn lòo dzə, e kùvsín liì won, e kùvsín yii yén, e làa yòʼ a loʼ rú afə́r vén,

Jeremia 7:5 Referans Kwoze

Jeremia 22:3

Nyùy Tàr suuy jii: Vèn wáa tinén vinyo là kiloʼ, a yiì vinyo tìítiy. Vèn wáa sə wír wo á bóʼó fo ŋgaà mbóʼmé wo. Lá á yòʼ a ker nə̀ʼsì. Lá á yòʼ a nyàvrì e viŋgwìy vi, kìn e wón tsə̀ə́, kìn e vikǐy ŋkfəə. Lá á yòʼ a yuyrí sa alànjò é nsay fèn.

Jeremia 7:3

Nyùy Tàr woo Taà Mànjòŋ, wun woo Nyùy wìr veé Isray suuy jii, ‹Vèn kúvsín liì won, e kùvsín yii yéné, é m yiì màʼtì, é vèn wáa dzə e nsay fèn.

Aysaya 1:19

A vèn fèn dzə̀ kibáʼtín yé a yiì mo m suuyì, a yunín mo, bo vèn yíi a yi vifá ve yi ve ntay, ve nsay fəərì.

Esiker 18:17

Wìr və̀n yòʼ maʼ kiwó kfə́ aàŋgàa kitàné kitu, a bó wù yòʼ foor mbàm, sə́ séʼ. Wù kù dzə̀ kfə́, a wù yú sáʼ yém, yii kinyo a dzə̀ mo m tinen. Wìr woo ben yòʼ dzə̀ wù kpù bìʼ jooně tàr wov. Wù kù yíi a dzə sho e tin.

Esiker 18:8

Wír, a wù yòʼ lo ji wun foor mbàm, wù sə̀ séʼ ŋkuŋ, kìn ji wù wáyrí. Wù yòʼ wáy wó rə́ é vinyò ve bi ví, a wù tínen vinyo ve wíri é nsànloŋ.

Aysaya 16:3

Á nen dù, a lon jii, Éè tàr wor, á ku dìn a kinyo ke a dzə̀ vèr yiì, e tìnén a kinyo kér é nsànloŋ. Fòn ku kìŋsìn a ver, é vèr wáa dzə kijuŋ, moo wír wo wù beèn é kindzə̀ə́ndzəm e ntìntìn shùy, a fóo səə́ne, rəsìnè. Ver ve á jùmèn ne vìn, fòn ku lìtì a ver. Lá fòn yòʼ dìn ver e wír ve á jum a verí.

Atǎr Nsaʼ 21:12

Áwune yiì dù, e lòo tàr, e yèn wónlě ŋgòn veé Jabesh Gilead ve á yóʼ ne kìíy lumèn wír ghii kweè. Á nèn lì wónlě ŋgòn vìy, e wìy sho e kitar keé Shilo, a fóo dzə̀ nsay Kanan.

Atǎr Nsaʼ 5:1

Wáa dzə e kishiíy kee shooy, Debora wùn Barak woo wan Abinoam wáa yòv luŋ, a taŋ jii:

Cù 25:17

Lá wìr Isray yòʼ bòʼ wùmòʼ woo wír. Vèn kú a dzə, a fàn a dzə̀ Nyùy Tàr woo Nyùy won. Dzə̀ mo Nyùy Tàr woo Nyùy won.

Jeremia 21:12

Nyùy Tàr suuy jii: « ‹Ven vee rám Davir, vèn wáa tinén vinyo vi tìítiy ghán sidzə̀m. Vèn wáa sə wír wo á bóʼó fo ŋgaà mbóʼmé wo. Kí búŋ fó bèy, bo liì won kisaŋ yíi yiì, é dòʼshwíiy wom kóʼ, a wù yíi a baarí moo və́y, là ŋgaà ndzə̀mér.

Jeremia 22:15

À kwaʼ ji à dzə̀ fon, bìʼ fo à shaàn wír ámóʼó é kibàʼrì, ke à baʼrì e vicí vé sidar vi a? Bó tàr won yòʼ‑oò yí, kfə̀n nó vifá, kù yii vinyo və́ tìítiy là kiloʼ à? Bó vinyo və́ ví yòʼ kù‑uù du kijuŋ à?

Jeremia 26:13

Á bèy, vèn kúvsín liì won, e kùvsín yii yéné, a yunín Nyùy Tàr woo Nyùy won. A vèn kùvsín, bo Nyùy Tàr lo, e kuvsín sa kwaʼtì rə́, e làa yòʼ dzə́ə màʼ ŋgeʼ ye wù baʼtin, a kìʼ ven shó.

Sekariya 7:7

Kù dzə̀ kíwun ke Nyùy Tàr‑iì suuy, e shaà fo aŋgàa ntum vəə́, e ghan se Jerusalem kù‑uù dzəə́ tsəətìn tsəə̀tìn e vifá vi, a wíri dzə̀ é ŋkàlaʼ nyanyày, aámóʼó dzə́ e ntèʼ see fó ghaŋ, aámóʼó dzə́ e mbìv yee tsə́n, ámóʼó é sar se agwan.

Esiker 18:5

«Á ku lì ji wìr wùmòʼ dzə̀ á wír woo réŋ, yii vinyo vee tìítiy, kér yii yee réŋ,