Jeremia 7:4 - ŊWÀʼ NYÙY

⁴ Lá vèn yòʼ tìír vifií é vinyò ve á rə́si goʼ jii, «Á lav cù Nyùy Tàr, á lav cù Nyùy Tàr, a bó yòʼ dzə̀ kinyo ki sə̀ʼ.» Kee shooy ki dzə̀ kimboʼtì.

Jeremia 7:4 Referans Kwoze

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Tsəfaniya 3:11

«Ven veé Jerusalem, wíy lòo dzə e ghan fóo fèy, bó vèn yòʼ dzəə́ wìy a woomé mo vèn‑eè woóme, bìʼ vinyo vidzə̀m ve vèn‑eè yii, sə́ kóy vèsən. M wíy fəə́r wír ve á ŋaʼ, kfə̀n kóʼor wún fo věn mvəm. Vèn yòʼ dzəə́ wìy a gùynìn e mǒ gwan wo ranén.

Esiker 13:19

Vèn shòór ne yír yém e wír vémé si ji á diy a kù dzə̀ kiwó ke saŋ yee *barli, kìn kimbéʼ ke kiban. Vèn bóʼti wír vém, aá kù koŋ kòŋèn, a kimboʼtì kén kí yúyri wír ve yòʼ kì dzə̀ á kpù, bávti wír ve kì dzə̀ á kpù.›

Jeremia 29:31

«Tsə́nsí ntum e wír ve á dzəə̀n é kwaʼ nsàmé ji kinyo ke Nyùy Tàr yoŋ kùm Shemayia woó Nehelam ki dzə̀ á jii, mo wù tiisin ne ntum kimboʼtì e vèn, e yiì, vèn biímé kimboʼtì, a bó m yoʼ tùm wun,

Ŋwàʼ Luk 3:8

A dzə̀ vèn kù tòmbìy, a yiì vinyo ve ví wáa dìn ji vèn bìnèr ne rú melív men. Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. Kee shooy ki yòʼ kér kinyo fo Nyùy. A dzə̀ wù lì tíy sin, e bìnèr ji rám Abraham.

Jeremia 28:15

Ŋgaà ntum woo Jeremia nèn yòŋ e ŋgaà ntum woo Hananiya jii, «Hananiya, yuúrí, e yù, à yiì ne, wír vìne biímé kimboʼtì, a bó Nyùy Tàr yoʼ tùm wò.

Jeremia 6:14

Áwune li kileémé ke kí kiʼ wír vém fó tèr. Áwune kù goʼ ji nyaáŋ waà dzə̀, a bó nyaáŋ yòʼ dzə̀.

Jeremia 29:23

Áwune‑eè yiì ne joonè é Isray, a wìr li wiiy ŋgaà və shùu lav. Áwune bóʼti kimboʼtì e mǒ yir, a bó m yoʼ tùm áwune. M kì vinyo ve áwune yiìn vidzə̀m, a m dzə̀ njen. Suuy mo woo Nyùy Tàr.»

1 Afòn 9:7

bo m yíi fəə́r wír veé Isray fo nsay ye m foon aáwune, é m kfən mèŋ lav cù rə̀n, ye m kì lèmèn ne ji yee jeéy ji á wíy a cù mo shó, aá nèn wìy a màʼ Isray máʼan é ŋgàn, é vitúm vidzə̀m vi wáa jàʼ áwune jáʼan.

Aysaya 48:2

Vèn yoŋ vitú vén ji wír veé ŋkàlaʼ ye dzəə̀n ye Nyùy, yoŋ ji vèn kù yoy, tiir a dzə̀ e Nyùy wìr veé Isray wùn. Wun wo yír rəə́ dzəə̀n ji Nyùy Tàr woo Taà Mànjòŋ.

Aysaya 59:4

Wìr fo vèn wo wù taʼ kinyo kee tínén é nsànloŋ yòʼ kfə̀n dzə̀. Wìr yòʼ kfə̀n sáʼ nsaʼ, suuy suuyrú, kù ghaa a dzə̀ vinyo ve kisaŋ vi, e bó a suúy, bóʼti a dzə̀ kimboʼtì e ŋàŋ. Wìr dzə̀m kù sí kér a dzə̀ bvə́m ŋgeʼe, a yí kù sí bvə́ysin a dzə̀ é kinyò ke bi kí,

Aysaya 66:1

Nyùy Tàr suuy jii: «Yúví dzə̀ kàvàʼ wom, nsay wáa dzə kibur ke m tiir wúu yém shó. A dzə̀ wìr bàʼrì lav ji yéem, a yìwun dzə̀ moó le? Kirə́ʼ kí dzə̀ shó ke dzə̀ m dzə̀ʼə̀m shó a?

Jeremia 7:14

bo kinyo ke mò‑oò yiìn é Shilo ki dzə̀ ke m yíi yiì e lav yee fo á cu mo rə̀n, a dzə̀ fo shilív shén shí tíyí, e kù yiì réŋréŋ bey e nsay ye mò‑oò foon e vèn aàtàr véné rə̀n.