Jeremia 7:3 - ŊWÀʼ NYÙY

³ Nyùy Tàr woo Taà Mànjòŋ, wun woo Nyùy wìr veé Isray suuy jii, ‹Vèn kúvsín liì won, e kùvsín yii yéné, é m yiì màʼtì, é vèn wáa dzə e nsay fèn.

Jeremia 7:3 Referans Kwoze

Jeremia 26:13

Á bèy, vèn kúvsín liì won, e kùvsín yii yéné, a yunín Nyùy Tàr woo Nyùy won. A vèn kùvsín, bo Nyùy Tàr lo, e kuvsín sa kwaʼtì rə́, e làa yòʼ dzə́ə màʼ ŋgeʼ ye wù baʼtin, a kìʼ ven shó.

Jeremia 18:11

Á bèy Jeremia, bo dzə̀ lèn ji à yoŋ e wír veé Juda wùn à ve á dzə́ e Jerusaleme ji Nyùy Tàr suuy a jii, ‹Vèn leéy, e yèn, m sí siysì ŋgeʼ ye m lo, e kìʼ ven shó, báʼti mo m lo, e nəə́ ven shó. Wìr mòʼón mòʼón kú a kuvsín liì və, a màʼtì liì və wo bi, e màʼtì yíi kisaŋe.›

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Ŋgàn 28:13

Wìr lóo lìtì ajay və́ lítin, bo bó yòʼ dzə̀ wù kùy. Wìr tuúne ajay və́, bin ndzə̀m shó, Nyùy shàm mendzən mvə.

Jeem 4:8

Vèn wáa koʼtí e Nyùy ghaŋ, é Nyùy wáa koʼtí sa e věn ghaŋ. Ven ve á buʼtì vinyo, vèn fəə́r wó yéné fó fo. Ven ve á tíy vèn à Nyùy melív mebaà, vèn fəə́r kwaʼtì ye bií fo věn meliv.

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

2 Afòn 17:13

Nyùy Tàr‑iì ló a kàntì wír veé Isray wùn à veé Judàa, a shaà fo aŋgàa ntum vəə́, kfə̀n shaa fo ve á yén vinyóo. Wù‑uù kantì, suuy jii, «Vèn maʼti liì kisaŋ, a lèm nsər sém wùn à ntir sém sí, se sí dzəə̀n é Ŋwàʼ Nsər wo mò‑oò foon áàtàr véné. Mò‑oò fò ŋwàʼ və̀n, e shaà a dzə̀ fo aŋgàa lìm vémé, áwune vee aŋgàa ntum vém.»

Jeremia 4:1

«Éè Isray, a vèn sí koŋ e bìnkìr, vèn kù kfə̀n é bàm, e yèn a dzə̀ mo. Suuy mo woo Nyùy Tàr. Vèn ku tsə̀ʼ joonè wón woo mebvə̀me fo mǒ si, e làa yòʼ kfə̀n a dzən tùʼtàn.

Jeremia 18:8

kitúm ke m yòŋèn shó ki kúvsín liì wov wo bi, bo m sí binèr sa kwaʼtì yém, e làa yòʼ dzə́ə yiì kinyo ke m kì wayin ji m yii aáwune.

Esra 10:11

Bo kí dzə̀ lèn ji vèn tuúné á vitú vén e Nyùy Tàr woo Nyùy atàr vén, a yiì mo wù taʼà, e jàvsìn vitú vén fo vitúm vee věn ghaŋ vi wùn à fo vikìy vee vitúme.»

Jeremia 6:16

Nyùy Tàr‑iì yòŋ e wír vəə́ jii: «Vèn tiím é mentàrnín, e lèéy. Vèn taʼ dzə́ə a dzə̀ yee tìítiy, a jùmrì, a ghan e mǒ mbòv, mo mò‑oò dìnèn e vèn fó mbìy, é vèn nèn a dzə dzə́ yee nyaáŋé.» Yii bèy, áwune‑eè bìnèr jii, «Vèr yòʼ yíi a jùmrì.»

Jeremia 17:25

bo anjìlaʼ Fòn Davir wùn aàtǎr ntoʼ véví wíy a tosín shuu se vishem, aá kóʼ viténtén ve səŋ nyám si, aámóʼó wáa koʼ nyám se ŋkoʼ, é wír veé Juda wùn à veé Jerusaleme wáa wìy sa fo bàm. Wíri kù wíy a dzə e ŋkàlaʼ fèn ghán sidzə̀m.

Jeremia 35:16

Wón Jehonadav woo wan Rekavi‑iì lèm ne kinyo ke tàr wov‑iì yòŋèn aáwune, yii bèy, a vèn tèn ne fóo yu kinyo kém.