Jeremia 7:11 - ŊWÀʼ NYÙY

¹¹ A dzə̀ lav yee fo á cu mo kfə̀n ji mbvə̀ʼ yen ashòŋ a? Vèn wáa kiíy jii, mómò kitú kém, m yèn ne. Suuy mo woo Nyùy Tàr.

Jeremia 7:11 Referans Kwoze

Aysaya 56:7

á wír ve m wíy yiì, aá wáa wìy e mǒ gwan wo ranén. Á kù wíy a wàʼrì, a wìy e mǒ lav bùnrì, a sheʼrí mo. M wíy səəsí cu yév ye tonèné wùn à ye seeríné e mǒ kiy cù, aá wíy a yòŋ lav yem ji lav bùnrì fo vitúm vi vidzə̀m.»

Matio 21:13

A wù jum bèy, suuy jii, «Vé‑eè sàŋ é Ŋwàʼ Nyùy ji Nyùy suuy a jii, ‹Á wíy a yòŋ lav yem ji lav bùnrì.› A vèn bìnèr ne ji mbvə̀ʼ ashòŋ.»

Maak 11:17

Wù jùm, á mày, wù nèn a yeʼéy wíri jii, «Vé‑eè sàŋ ji Nyùy suuy a jii, ‹Á wíy a yòŋ lav yem ji lav bùnrì fo vitúm vi vidzə̀m.› Nyùy suúy bey, vèn nen bìnèr kén ji mbvə̀ʼ ashòŋ.»

2 Wòŋ 6:33

à kù yù é yuv fo à dzə́, e fò ŋgaàŋ kifá kidzə̀m ke wù lóné, é wír veé kitu ke nsay adzə̀me fiʼ kìíy wò, e nèn a fàn wò moo wír vé veé Isray. Á bèy, aáwune nèn kìíy ji lav rə̀n, ye m bàʼrìn dzə̀ rú á lav yè.

Joon 2:16

Wù kfə́n a kàntì wír ve vé‑eè fiinè vibìŋ jii, «Vèn shaʼar vifá vìn bèn, e fəə̀ shó. Lá vèn yòʼ bìnèr lav Tàr wor ji kirə́ʼ ké way.»

Jeremia 23:24

A dzə̀ wìr lìr é kirə̀ʼ, ye bó yòʼ dzə̀ m yèn wun à? Suuy mo woo Nyùy Tàr. Bó m yòʼ dzə̀ é yuv wùn ǎ nsay à? Suuy mo woo Nyùy Tàr.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Jeremia 29:23

Áwune‑eè yiì ne joonè é Isray, a wìr li wiiy ŋgaà və shùu lav. Áwune bóʼti kimboʼtì e mǒ yir, a bó m yoʼ tùm áwune. M kì vinyo ve áwune yiìn vidzə̀m, a m dzə̀ njen. Suuy mo woo Nyùy Tàr.»

Jeremia 2:34

Ndzə̀y sén sí sì mensə́ mensə́, a dzə̀ mensə́ me aghéʼncey ve vèn yúyri là njò. Bó vèn yòʼ‑oò lo koò áwune, aá kív kirə́ʼ. Vinyo vìn vi yénsin bèn,

Jeremia 7:10

e kfə̀n a wìy e mǒ lav cù, a tiím e mǒ si, a yòŋ jii, «Vèr dzə̀ fen akiŋsìn», kù ji vèn yoŋ bey, e fəə̀, a bùʼtì vinyo, a dù duùn fó mbìy à?

Esiker 35:13

Vèn‑eè kóʼninè, yoŋ vinyo fo shuù kùm mo, keŋ mo, táŋri vinyo, tónenè, a m kù yú.›

Aysaya 1:12

Vèn rə́si láŋ táakìbùʼ wóm, kù rə́si meʼèm, wiy e cúu ben, a kì diy la vifá vee shoon feyì?

Daniel 9:18

«Éè Nyùy wom, ku tèér kituʼùr ké ki, e yuùrí. Ku mvə̀ʼ sí yée, e yèn búʼú mo ŋkàlaʼ sàʼkìn ne. Ŋkàlaʼ feyì, a dzə̀ ye. Vèr yòʼ lón vinyo ve vèr lón fo wò, bìʼ fo vèr kwaʼtì ji vèr dzə̀ tìítiy. Kù dzə̀ cáʼ bìʼ fo à yii shám ver é ŋàŋ.