Jeremia 7:10 - ŊWÀʼ NYÙY

¹⁰ e kfə̀n a wìy e mǒ lav cù, a tiím e mǒ si, a yòŋ jii, «Vèr dzə̀ fen akiŋsìn», kù ji vèn yoŋ bey, e fəə̀, a bùʼtì vinyo, a dù duùn fó mbìy à?

Jeremia 7:10 Referans Kwoze

Jeremia 32:34

Vé‑eè tìír joonè wóv woo mebvə̀m e lav ye dzəə̀n yéem, e bìvír fó.

Esiker 23:39

Kishiíy ke vé‑eè liìn wón vév, e cù mebvə̀m sho, kù dzə̀ kíwun ke vé‑eè wìyìn e mǒ lav cù, e nèn bìvír fó. Yìiy, á mo áwune‑eè lovtin e mǒ lav.

Esiker 23:37

Áwune‑eè du viŋkar, kfə̀n li njò mensə. A dzə̀ jii, vé‑eè ŋwáy mo, du, ghán e mebvə̀m mè bàm. Jòkìnyàʼ, áwune lí wón ve vèr áwune‑eè kérí, e dù, e tòn, e cù mebvə̀m mèy sho.

Jeremia 34:15

Vèn ló kén lèn, e bìnkìr, a yiì a dzə̀ kinyo ke m wáa yen, é kí wáa gheén mo. Vèn‑eè màʼtì afə́r vén, á bóy fó vikwàn, a vèn yií ne kilìʼ e mǒ si, e lav ye dzəə̀n yéem ji á ku yiì a bèy.

Jeremia 7:30

Nyùy Tàr kfə́n a suúy jii, «Wír veé Judàa yiì ne kinyo ke bi kí e mǒ si. Áwune tìír ne joonè wóv woo mebvə̀m e lav yee fo á cù mo, fóo bír.

Jeremia 7:14

bo kinyo ke mò‑oò yiìn é Shilo ki dzə̀ ke m yíi yiì e lav yee fo á cu mo rə̀n, a dzə̀ fo shilív shén shí tíyí, e kù yiì réŋréŋ bey e nsay ye mò‑oò foon e vèn aàtàr véné rə̀n.

Jeremia 7:11

A dzə̀ lav yee fo á cu mo kfə̀n ji mbvə̀ʼ yen ashòŋ a? Vèn wáa kiíy jii, mómò kitú kém, m yèn ne. Suuy mo woo Nyùy Tàr.

Joon 18:28

Ndzə yiì lòo jàv, á nèn lì Jesus fo Kayfar laʼ, a dù sho e ŋgaà saʼ woo wír woó *Rom ntoʼ. Á dù, e lòo nəə́ e mvə̀m ntoʼ, vé wòŋ vìyi gòʼ fo ndzə, bìʼ fo vé‑eè fan fó ndzəʼ vishí vév e wìr kitum laʼ, e làa yòʼ dzə́ə yi *Ŋkǎʼ Yáʼayshaà woó ghan see shooy.

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Matio 23:13

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn yoŋ sáʼ Nyùy ji yén, nèn sə́ti dzə́ə fo wír ámóʼó nəə́. A bó ven vitú vén yòʼ wíy nəə́ sho. Vèn yii bèy, téʼtin a dzə̀ dzə́ə fo wír ve á koŋ fó nəə́ shoo nəə́. [

Esiker 23:29

Áwune wíy nyàvrì e wò e si ŋkfəə́mé, e faàsì vifá ve à ndzə̀ʼnìn, e kàv, áà goʼ e wóo, kù kinshóʼ mo wò‑oò yii visàkì dzə́, áà saŋri lèn e kwaʼ, é wìr dzə̀m yén mo wò‑oò yii joonè, ghán visàkì.

Esiker 20:39

«Éè wìr veé Isray, ke mo woo Nyùy Tàr woo Taà Ndzə suuy ki dzə̀ jii, ‹Vèn du ri, e shaà fo mbìy, a cù mebvə̀m men mèy. Yii bèy, e bǎm kee shooy, vèn kù kér fó yiì a ghvəm mo, mo wo m dzəə̀n e ránén, e làa yòʼ dzə́ə a shoór yír yém e cu ye vèn cu mebvə̀m sho rə̀ne.

Aysaya 48:2

Vèn yoŋ vitú vén ji wír veé ŋkàlaʼ ye dzəə̀n ye Nyùy, yoŋ ji vèn kù yoy, tiir a dzə̀ e Nyùy wìr veé Isray wùn. Wun wo yír rəə́ dzəə̀n ji Nyùy Tàr woo Taà Mànjòŋ.

2 Wòŋ 33:7

Wù‑uù lì shibvə̀m shee nyùy she wù‑uù fèrìn, e tìír e Nyùy lav, a dzə̀ kirə́ʼ ke Nyùy‑iì yòŋèn ne e Davir wùn wan və Solomon jii, «M shòʼ ne Jerusalem fo mvə̀m ràm seé Isray sidzə̀m ji kirə́ʼ kém, aá kù wíy a cù mo a dzə̀ é lav fèn, e wìy dù, e mày.

2 Wòŋ 33:4

Fòn Manasse kfə̀n‑eè bòm kíy se cù e Nyùy Tǎr lav e Jerusalem, a dzə̀ sé anyùy, a Nyùy Tàr‑iì yiì ne yòŋ ji á kù wíy a cù a dzə̀ á wun fo, e wìy dù, e mày.

2 Afòn 21:4

Wù kfə̀n‑eè bòm kíy se cù see sé anyùy e Nyùy Tǎr lav e Jerusalem, a Nyùy Tàr‑iì sùúy ne ji á kù wíy a cù a dzə̀ á wun fo.

Esiker 33:31

Áwune lo, á wìy, e yèn wò mo wìr yii du fo wìr wùn. Wiyì, á dzə̀ʼə̀m e wò si moo wír vém, a yuurí kinyo ké, a bó á yòʼ yíi yiì kinyo ke à suuyì. Lám wóví kù dzə̀ wó kinjàŋ.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Jeremia 44:9

Vèn làysìn ne liì kisaŋ wo vé‑eè yii e nsay Juda, yii e dzəə seé Jerusalem à? Liì kisaŋ wo atàr véné‑eè yii, aàfon veé Judàa yii, a vikǐy ntoʼo yii sa, a vèn kù yii, a vikìy véné yii sa.

Esiker 33:25

Kí nén a dzə ji à ku sùúy aáwune á ji ke suuy mo woo Nyùy Tàr woo Taà Ndzə ki dzə̀ á jii, ‹Vèn kfə́r nyám e mensə́ mè sho, ghvə́m mebvə̀m men, yúyri wíri, bo kù yòʼ dzə̀ vèn yòv nsay rə̀n a?

Daniel 9:18

«Éè Nyùy wom, ku tèér kituʼùr ké ki, e yuùrí. Ku mvə̀ʼ sí yée, e yèn búʼú mo ŋkàlaʼ sàʼkìn ne. Ŋkàlaʼ feyì, a dzə̀ ye. Vèr yòʼ lón vinyo ve vèr lón fo wò, bìʼ fo vèr kwaʼtì ji vèr dzə̀ tìítiy. Kù dzə̀ cáʼ bìʼ fo à yii shám ver é ŋàŋ.

Hosea 6:9

Atàá cùu kù dzə̀ moo ŋgoo ashòŋ ye yì lìrìn, a teʼ wíri. Áwune lo, á yùyrí wíri é dzəə ye yì du e ŋkàlaʼ yee Shekem. Aá kù buʼtì vinyo búʼtin e kúmé.

Amos 4:5

Vèn wáa yiì rì cu vibeèrìí e kibán ke kí kér nyaà kí, a dzə̀v nsaŋ, bìʼ fómo wo vèn wiy sho, yoŋ ji woo jeéy. Á kinyo ke wír veé Israyi koŋ a sə ŋgúm shó. Suuy mo woo Nyùy Tàr woo Taa Ndzə.

Tsəfaniya 1:5

M wíy laàr wír ve á kóʼ, yii cu e kikfəv ke lav, kóʼ bèy, cu shúy, cu ŋwee, cu mejiy. M wíy laàr sa wír ve á cu mo, kan yír yém, kfə̀n kan yír nyùy woo *Molek.

Malakay 3:15

Vèr kù sí yén kér ji bòŋ ké vé kiŋàʼa, a kéŋ wìr ve á méŋ Nyùyi kù kúy kuyín. Jòkìnyàʼ, á tínsin Nyùy, la kinyo ki yòʼ sə̀ʼ áwune.› »

1 Afòn 9:3

Nyùy Tàr suúy e wun jii, «M yù ne bunrì yé, e yù tóŋ ye à tóŋ e mò. M biìmé ne lav ye à bomen rə̀n ji lav yee jeéy ji yéem, aá kù wíy a cù mo fó e wìy dù mày. M wíy a kiyrí ghán sidzə̀m, a tiír vifií vém shó.

Esiker 5:11

«Kí nén a dzə jii, mo m dzəə̀n shó e tin, mo woo Nyùy Tàr woo Taà Ndzə, e ké ru kí, mo vèn bivirin ne lav yem cù e mebvə̀m mè, e yiì kfə́ə joònè wo m yii ban e dzə̀m fo, bo m lo, e shèr tíŋ wón. M yòʼ wíy bavtí ven, a bó m yòʼ wíy a ker mendzən.