Jeremia 6:9 - ŊWÀʼ NYÙY

⁹ Nyùy Tàr woo Taà Mànjòŋ suuy jii: «Á yíi siyrí kibér ke wìr veé Isray síyrín, mo á sìyrí kitiír ké *vayin. Á yíi dù, e ghaà fó, moo wír wo wù kòyìn báŋ se vayin, e bóo kfə̀n a siyrí tíŋ si.»

Jeremia 6:9 Referans Kwoze

Jeremia 49:9

Wíri yii nəə e sum ji á káv vifá, la á yòʼ kù kàv, e màʼtì viŋkwir à? Aàshóŋé nə̀ə́ wír vitsə́ʼə́, kí bo á kù yíi lì a dzə̀ vifá ve á kér shií shó?

Jeremia 16:16

Nyùy Tàr nen kfə̀n sùúy jii, «M sí tsə́nsi vé lovi anín, aá koó ambùʼtìvìnyò. Fo bàm, é m tsə́nsí sá vé jwime anín, aá jwímér áwune fó aŋkoŋ, à fó agwan, à fó mbvə̀ʼ se sí dzəə̀n é vilála.

Ŋgaà Yen 14:18

Yìmòʼ ye yì yii ton və́y é kiy cù, nèn lò fo ghaa kiy fèy, e fəə̀, e jàŋ ye yì kér loòjèé wo njimén rə̀y kitávín jii, «Leéy kitú ke nsay ki, e yèn. Báŋ se kici ke á yii koy, fer meluʼ sho si bàŋ ne. Tsə́nsí loòjèé wò, e kàv.»

Jeremia 8:3

Ké kiber ke wìr veé ŋgwàʼ ye yì kér liì wo bi rə̀n, m wíy jùm, aá du é nsay vitum. A virə́ʼ vidzə̀m fo á wíy a dzə, á wíy a shèŋ a dzə̀ kitú, a suúy jii, yì‑iì bòŋ á ji áwune kpúkír, e shaà ké a dzə atin. Suuy mo woo Nyùy Tàr woo Taà Mànjòŋ.»

Jeremia 11:23

M wíy màʼ ŋgeʼ e wír veé Anatotí kitu e ghan see shó, é la wìr mòʼón yòʼ bèr.»