Jeremia 6:7 - ŊWÀʼ NYÙY

⁷ Jerusalem buʼtì vinyo là meemè, moo ndzə́v ye tuŋéné, ye yí fəər mendzə́v là meemè. M kù yú a dzə̀ ŋgeʼ ye wù fó, kfə̀n yú vifá ve wù bívirì. M leey fó, yén a dzə̀ yàsí wùn à kileémé kí.

Jeremia 6:7 Referans Kwoze

Esiker 7:23

«Kirə́ʼ kidzə̀m ki kù sí bvəə́ri bvəə̀rín, a nsay sì mensə́ mensə́, a wíri kù buʼtì vinyo búʼtin é ŋkà se laʼ. Bìʼ bey, á fer sháŋ e nín, wóo koo áwune, e kur sho.

Esiker 7:11

Vinyo ve buʼtìn ví kùy ne, e dù ji ŋgwàn nə̀ʼsì. Bó ŋgaà nə̀ʼsì yòʼ‑óò bér, kìn dzə̀ bùʼ wov, kìn kéŋ yév, a bó kifá keé shií kí yòʼ yíi gòʼ e wòŋ.

Jeremia 20:8

M lo ji m súŋninè, m wàa toŋ, a rəəmé a dzə̀ ji ŋgeʼ wùn à kimbivìr ki waà dzə̀. Nyùy Tàr, kinyo ké ke m fiʼtì ki kfə̀n ne ji nshoórsí wùn à nshéʼmé mo kishiíy kí dzəə̀n.

Aysaya 57:20

Yii bèy, wír ve á méŋ Nyùyi yòʼ dzə̀ á wìy a ker meemè, réŋréŋ moo rìbà ndzə̀v wo wù kù yii binkìr bìnkìn, tsə́yninè, lóo tsəynín, wù wàa fəə́r kishaʼàr wùn à ŋaʼrì sí é meshavtí.

Esiker 24:7

Vé‑eè yùyrí wíri é ŋkàlaʼ fèn là nyaʼ, mensə́ mè leém é vilan, e kù a neŋ e ŋgèŋgèr. Bó mè yòʼ‑oò lo lèém e nsay ye kibvər ki sə́tí.

Ŋgàn 4:23

Kìm kitú ké ki fó yiì ye bií, ku kìm, bìʼ fo yíi wìri kù lo a dzə̀ fó kinyò ke wù kwàʼtìn.

Aysaya 59:6

Menàŋ me á bá mèn mè yòʼ yíi sə áwune, réŋréŋ mo a taàŋgám fə̀m fèr lav, yí kuʼ é le, bo bó yòʼ dzə̀ á lì, e bà ndzə̀y shó. Lim yév e dzə̀me kù dzə̀ ji á buʼti vinyo, lo, á ghàr wír, a kàr.

Jeremia 30:12

Ke Nyùy Tàr yoŋ e Sion ki dzə̀ jii: «Nyár yéné yòʼ dzə̀ ye dzə̀ á fèr, vileémé vén ví yòʼ dzə̀ ví bònén.

Jeremia 30:13

Wìr wó a shoòmè kinyo kén yòʼ dzə̀. Kifú kí yòʼ dzə̀ kée fèr vileémé vén, dzəə̀ ye dzə̀ vèn bónén yòʼ dzə̀.

Jeremia 32:31

Ŋkàlaʼ rə̀n yiì ne, kilòŋ kí wáa shwiíy mo, dòʼshwíiy wom kóʼ, e kèʼ fo kishiíy ke vé‑eè bàʼrìn, e wìy shem lán, a mo‑óò bvə́ʼə́y fo mǒ si.

Esiker 45:9

Nyùy Tàr woo Taà Ndzə yòŋ aàtǎr saʼ veé Israyi jii, «Kí gheén lèn. Vèn meeme ntáymé, e meèmè nə̀ʼsì. Vèn wáa yiì vinyo vi, é ví wáa dzə tìítiy, a dzə réŋ, e làa yòʼ dzə́ə a faàsì virə́ʼ vé wìr vém. Suuy mo woo Nyùy Tàr woo Taà Ndzə.

Aysaya 1:6

Kèʼ fo věn wuù, e koʼ, e meé e kitu, bó kirə́ʼ kén ke kí tár kímóʼ kí yòʼ dzə̀. Virə́ʼ vén ví dzə̀ visorkìn, a dzə vibuvrìn, a viváv ví jeʼèmè, a bó wìr wóo sə ven, e kam vimbùvrì yòʼ dzə̀, e bóo jòkìnyàʼ, e way shív sho, e kur.

Jeremia 8:22

Dzə̀ ji kifú kí yòʼ dzə̀ é Gilead à? Aŋgàa shìvi yòʼ dzə̀ fó à? Yií ka fo á fer kileémé ké wìr vém?

Jeremia 30:15

Vèn tóŋ vileémé vén lèn bìʼ ka? Nyár yéné yòʼ dzə̀ ye dzə̀ á fèr. M lóvti e vèn ben, a dzə̀ bìʼ fo ajay véné kùʼùn ne e ŋàŋ. Vinyo vén ve bi ví sì ŋkóŋkóŋ.

Esiker 21:29

Á wíy nàn nyùy rə̀r, e shoʼtí vitú ve wìr ve á méŋ Nyùy sho. Wír vìy, a dzə̀ vé *kifàné. Kishiíy kév ké kinjòʼsì kí wìy ne. Kishiíy, ke á maʼ ŋgeʼ aáwuné kitu. Vinjeenjèm ve vé‑eè yén bìʼ nyùy rə̀r rə̀n vi kù‑uù dzə̀ kimboʼtì. Vé fùú kù‑uù fəər sa a dzə̀ kimboʼtì.

Tsəfaniya 3:1

Lǒn Nyùyi shòv ne Jerusalem. Dzə̀ ŋkàlaʼ a yì táv kitú. Yì shoor kitú, kfə̀n nəʼsì wír və́.