Jeremia 6:4 - ŊWÀʼ NYÙY

⁴ Lo, aá wám jii, ‹Á báʼtí, aá kiʼ Jerusalem e rə́r sí. Á ŋáʼáy cér, e nə̀ə́ fó e ntìntìn shùy.› Á kfə́n lo, aá wáa ghay jii, ‹Kishiíy kí sí mayì, a meraaràŋ mè sí lò a gbùkìr. Lòn woo bene dzə̀ woó le?

Jeremia 6:4 Referans Kwoze

Jeremia 15:8

M wíy yiì, é vikǐy ŋkfə véví kuʼ, e shaà síy seé ghaa ndzəv. M wíy wìy e ŋgaà laàr e ntìntìn shùy, é wù kiʼ ayǐy won vee vilum. Ŋgeʼ si wíy sàsìn e gbù aáwuné kitu, aá wáa yàʼ.

Tsəfaniya 2:4

Wìr yòʼ wíy ber e ŋkàlaʼ yee Gasa, Ashkelon wíy dù e vifə̀m. Ntìntìn shùy wíy a meé, aá feér ne wír veé Ashdod, e fèér veé Ekron.

Joel 3:9

«Á samer e vitúm vi jii, vèn báʼtí rə́r sí. Vèn fəə́r vé rərí, aá wáa meʼ fo mentsə̀m, méʼé, aá nəə́ rə́r.

Jeremia 8:20

Wíri kú a toŋnín jii, «Ghán sé ŋkav vifa si shaà ne, símóʼ sí kfən wìy, e shaà, a bó Nyùy Tàr yóʼ ne wìy, e sə̀ ver.»

Jeremia 5:10

«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.

Yòv Viŋgér 2:17

Ŋkar yem tìm, kii wò, ku kfə̀n é bàm, ku càʼcàʼ, e lèʼ, e wìy moo ŋgav, kìn lúm njà wo wù léʼ, líy vilán aàŋkoŋ. Ku wìy, é bo ndzə wáa jàv.

Jeremia 6:23

Áwune wiy, kér vinte wùn à nyùy sév sé rər sí, a dzə̀ vé bvə̀m ŋgeʼe, aá yòʼ rə́r mendzən fo wìr. Áwune kòʼ ne nyám se ŋkoʼ, a wìy, a yòr moo rìbà ndzə̀v. Éè Jerusalem, á bàʼtí ne rə́r é mbòŋén, a taamé wò.»

Jeremia 15:9

Wiíy wo wù làyìn wón və́ vee saàmbà sí fénkir, fér kiyoy. Ndzə ye ranén kfə̀n ne fo wun ji vitsə́ʼə́. Á shòór ne wun, nyári wáa dzə e wun shiliv. Ké kiber ke wìr vév, m wíy màʼtì sa áàŋgàa vibàné yúyrí. Suuy mo woo Nyùy Tàr.»

Obadia 1:1

Vinyo vìn vi dzə̀ ve Nyùy‑iì ghemen ndzə e Obadia, wù yén é njà kinjeenjèm, a dzə̀ vinyo ve Nyùy Tàr woo Taà Ndzə‑əə̀ suuyin kùm kitúm kee Edom. Ví dzə̀ jii: Nyùy Tàr tùm ne ŋgaà ntum və e vitúm ví mvəm, vèr yú, a wù fúŋ ji á ŋáʼáy, aá du, e màʼ a Edom e rə́r sí. Ké Edom, Nyùy Tàr suuy jii:

Ŋwàʼ Jov 7:2

Wù dzə̀ moo kwàn wo wú diy ji wun ku meèmè fo kindzə̀ə́ndzəm, a dzə moo wír wo á tsəərin é shùu lìm, wù wáa shii vilaʼày və́.

Mayka 3:5

Nyùy Tàr nén a suúy kùm aŋgàa ntum kimboʼtìi jii: «Áwune taʼ kév ji wír vémé jáy dzə́ə. Wìr wáy shuu wóv, á nèn a kàʼ mo Nyùy yíi səə̀vì ŋwérín, é wù wáa dzə e vijùŋ. Wìr tén fóo fo kòyàr, á nèn a fìʼ rə́mrə́m kinyò wo Nyùy yíi yiì e ŋgaàŋ.