Jeremia 6:2 - ŊWÀʼ NYÙY

² Ŋgònjuù, wò woo Jerusalem, mo à fə̀m kiʼ e rəsìn, aá kfə̀n géŋsin e wò, m yíi bvəʼə́y wò.

Jeremia 6:2 Referans Kwoze

Jeremia 4:31

M yú tóŋ moo yé wiíy wo wù lúm wán. M yú dzəm moo yé wiíy wo wù jonsì wán və mfùmèn. Dzə̀ tóŋ ŋgònjuù yee Sion, mo yì yoysìnè. Yì ramsì kiwó, suuy jii, «Lòné shòv ne mo. M gbù ne e vé kinjuyrìí wo, aá sí lo, e yuy mo.»

Aysaya 1:8

Wír veé Jerusaleme kù sí tíy ji gérkíkí, tíy amòʼón moo táv shìy woó súm vitiír vé *vayin. Tíy amòʼón moo kibàn ké shìy keé súm bòʼ. Tíy là ŋgaà benben moo ŋkàlaʼ ye á gìŋèn e rə́r sí.

Yòvdìy 2:13

Éè ŋgònjuù yee Jerusalem, a dzə̀ m sùúy ji ka kùm wò? A dzə̀ m fìʼsìn wò a dzə̀ e ka kí? Éè ŋgònjuù yee Sion, a dzə̀ ji m lóʼtí wò, m fìʼsìn wò a dzə̀ e ka kí? Á yèr ne wò mo rìbà ndzə̀v yèr virə́ʼ, a dzə̀ kfə̀n lùŋèr la wò?

Yòvdìy 2:1

Á ku yèn búʼú, mo Nyùy Tàr shwiiyin ne kilòŋ, e màʼ ŋgeʼ e Sion kitu, vitsə́ʼ ví súm ŋgònjuù rə. Wù bàʼ ne vikuʼùy vé Isray fo yuv, ví wáa neŋ a dzə̀ é nsay. Wù shwìíy ne kilòŋ, e màʼày ŋgày cù rə yeé Jerusalem.

Remrí 28:56

A fə̀m wìy a dzə wiíy e věn mvəm, a wù tókirì, aá kfən lìy kijuŋ moó le, wiíy wo bó yòʼ dzə̀ féyì, wù biìmé kiwuú kí kùm nsay, bo wù kù wíy kàm fo lum və woo wun mbuùy kikùn, e kàm fo wan və woo lumèn, e kàm fo woo wiíy.

Yòvdìy 4:5

Wír ve vé‑eè rə́si bon vifá e wùn, á sí toóŋe jíŋ e mentàrnín. Ve vé‑eè kuyin é mvə̀m fùʼ, á sí ghán lèn, síy a dzə̀ vinsíy.