Jeremia 6:1 - ŊWÀʼ NYÙY

¹ «Ven vee wír veé Benjamin, wìr wáa leʼ, e kitú kfə́ kí. Vèn léʼ, e fəə̀ fó Jerusalem. Vèn tóŋ sóŋé fó Tekoa, e bùʼ shirəə́ fo Bet‑Hakkerem. Ŋgeʼ ye tavín lo, e wìy fo vitum veé mbìv yee kuy. Rə́mrə́m kinyòo lo, e gbù.

Jeremia 6:1 Referans Kwoze

Nehemia 3:14

Malkija woo wan Rekav‑iì nàŋsín Shúu Kày wo wú kiʼ róŋ. Wù‑uù bòm, e wàyrí shuu si wùn à mfìn si, à kóŋ sé mfìn si. Rekav‑iì dzə̀ ŋgaà saʼ woó kimbàr ke wòŋ kee Bet‑Hakkerem.

Jeremia 6:22

Nyùy Tàr suuy jii: «Vèn leéy, e yèn, mànjòŋ wiy fo wòŋ kùyi. Kitúm ke wiy kí bàʼtí ne rə́r, a mèʼèm, a wìy fo ndzəywoŋ.

2 Wòŋ 11:6

Ŋkà se laʼ sìn si‑iì dzə̀ jii, Betlehem, Etam, Tekoa,

2 Samuel 14:2

wù nèn tsə̀nsí wír e Tekoa ji wù du, e jàŋ a wiíy woo fií wùmòʼ fó fo. Wiíy və̀y wìy, Joav suúy shó jii, «Màʼ ndzə̀y sé kpu si, a yiì mo à diy a kpú bèy. Lá à yòʼ sòr biʼ. Á yiì moo ji à dìy ne a kpú yee shoon ntàmda bèy.

Atǎr Nsaʼ 1:21

Yii bèy, bó wír veé ram Benjamine yòʼ‑oò lo jùm wír veé Jebus ve vé‑eè dzə́ e Jerusalem. Wír veé Jebus vìne ku nèn gòʼ, a dzə wùn à wír vee rám Benjamine e Jerusalem, e wìy shem lán.

Amos 1:1

Ŋwàʼ və̀ne dzə̀ kisúŋnìn ke Amos wo yì‑iì dzəə̀n wír fo wír veé Tekoa ve vé‑eè leey fo nyám sií. Wú súŋnin a dzə̀ kinyo kee kùm Isray ke Nyùy‑iì ghemen ndzə, e dìn e Amos. Wù‑uù yèn vinyo vìn, a Ussiya sáʼ mbìv wòŋ yee Juda, a Jeroboam woo wan Joash sáʼ yee Isray. Wù‑uù yèn, viyá vi shaà vibaà, é bo nsay lo, a sə̀ʼsì e wòŋ foo fèy.

Jeremia 25:9

bo m yíi tsənsí vitúm veé mbìv yee kuy wùn à kilìmbìy kév kee Nebukadnessar, wo dzəə̀n fon woó Babilon, a wù dzə̀ ji ŋgaà lìm wom. M yíi tsənsí, aáwune wiy, e kìʼ woŋ wón e rə́r sí, e tatí wir dzə̀m wo wù dzə́ fo, à vitúm vidzə̀m ve ví kaarin fó vi. M yíi bvəʼə́y fó ŋkuuŋkùŋ, é fóo wáa beemé, wíri lóo leéy, aá wáa ndzəə, é vèn wáa dzə kifá ke nshéʼmé ki, e wìy dù, e mày. Suuy mo woo Nyùy Tàr.

Jeremia 10:22

Vèn yuúrí, e yù, léŋe sí wiyì, ŋkfə̌n vé rərí keèmè ne, a wìy fo vitum veé mbìv yee kuy. Á sí lo, e bvəʼə́y ŋkà se laʼ seé Juda, é fóo kfə́n ji kirə́ʼ ke yii dzə́ kuúrá shó.

Jeremia 4:29

Vé nyàm se ŋkoʼ wùn à vé kintee yíi koʼór ŋkèŋ, é wíri sám fó ŋkà se laʼ sidzə̀m. Aámóʼó léʼ, e tòkír e kòv sí, aámóʼó kóʼ é vilála. Ŋkà se laʼ sidzə̀m si yíi kfən sighá, é la wìr yòʼ kfə̀n a dzə fo.

Joshua 15:63

Yii bèy, la wír veé Judàa yòʼ yù fóo jùm wír veé Jebus ve vé‑eè dzə́ e Jerusalem, e fəə́r. Wír veé Jebusi ku nèn a dzə wùn à wír veé Judàa é Jerusalem e shem lán.

Amos 3:6

Aá tòŋ sóŋ rər é ŋkàlaʼ, la wír vee fóo yòʼ a fàn à? A dzə̀ kinyo ke tavín kí kòóy é ŋkàlaʼ, a bó yií Nyùy Tàr á?

Sekariya 6:6

Wú kù lò fo Nyùy si lèn bèn, a kiténtén ke nyám se ŋkoʼ se sənér sí səŋè ki du e Babilon, e mbìv yee kuy, a ke nyám se ŋkoʼ se fəvír sí səŋè ki du e mbìv yee fo shùy yii nəə. Ké nyàm se ŋkoʼ se sí shomkìr, fəə́si ki du kfə́ é mbìv yee tsə́n.»

Nehemia 3:5

Wír veé Tekoàa náŋsín ke kí‑iì batin, yii bèy, a vilìmbìy vév ví yòʼ‑oò lo wày kiwó kév é lìm ye wír ve á danèr áwuneé‑eè foon.