Biblia Todo Logo
Bib sou entènèt

- Piblisite -




Jeremia 5:9 - ŊWÀʼ NYÙY

9 A dzə̀ la m yòʼ màʼ ŋgeʼ aáwuné kitu bìʼ vinyo vìn à? Suuy mo woo Nyùy Tàr. A dzə̀ la m yòʼ siìr ŋkfə́tír e kfə́ə kitum kee ben ki a?

Gade chapit la Kopi




Jeremia 5:9
23 Referans Kwoze  

A dzə̀ rú la m yòʼ màʼ ŋgeʼ aáwuné kitu, bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a?» Suuy Nyùy Tàr.


A dzə̀ rú la m yòʼ màʼ ŋgeʼ aáwuné kitu bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a? Suuy mo woo Nyùy Tàr.


Nyùy Tàr dzə̀ ŋgaà ŋkiyrì, a bó wù yòʼ yii shéʼ. Wù lo, wù shwìíy kilòŋ, e màʼ ŋgeʼ e wìr kitu. Nyùy Tàr kù yii maʼ ŋgeʼ e wír ve á túŋ wúu rəə́, shwiiy kilòŋ fo aŋgàa vibàn vəə́ adzə̀m.


«Áwune koŋ a cù mo e nyám si, a kù dzə̀ ji á koóy nyám yée kfər, a bó yòʼ dzə̀ mo woo Nyùy Tàr, m səə̀sí áwune gheéy. Ké lèn ki, m lo, e kiv njò yev, e màʼ ŋgeʼ aáwuné kitu. M yíi siìr áwune é bàm é Ejiv.


Rúrú, m wíy màʼ ŋgeʼ e Isray kitu, bìʼ ŋwáy ye wù‑uù ŋwayin mo, e ŋwày mo, e dù a tòn kiláy, a cù mebvə̀m mee Baal sho, e lò, a wayrí a dzə̀ vifá ve sùsù, a ghan sho aàŋgàa ŋkòŋmé vəə́ bàm. Ghán bèy, laysìn mo. Suuy mo woo Nyùy Tàr.»


Bó m yòʼ yíi leéy ven, e bavtí, a bó m yòʼ yíi a rər mendzən men. M yíi làʼ ven e ŋgeʼ, é vèn yén seʼ liì kisaŋ wo wù dzəə̀n e věn mvəm. Kù bey, é vèn nèn kìíy ji m dzə̀ á Nyùy Tàr wo dzə̀ wù màʼ ŋgeʼ e wírí kitu.


Òó mbaà ŋgònjuù yee Sion, ŋgeʼ se vèn yén bìʼ ajay vén sí kù yíi mày, bó Nyùy Tàr yòʼ yíi màʼtì ven é kwaʼ vikwàn. Yii bèy mbà, ŋgònjuù yee Edom, Nyùy Tàr yíi màʼ ŋgeʼ e věn kitu, e toʼór yii yén kisaŋe.


Mo bó yòʼ‑oò dzə̀ Nyùy Tàr wàa kòmèr liì won kisaŋ wùn à vinyo ve joònè ve vèn yii, nsay yen nèn lày kisáŋ, a dzə kinjúm, e kfə̀n ji kifá ke liy ki, a dzə là wír, kù mo yì dzəə̀n lán və̀n.


Á bèy, Nyùy Tàr woo Nyùy wìr veé Isray nén a suúy kùm vilìmbìy ve ví leey wír və́ jii, «Vèn tàʼár ne wír vém, e jùm, á dúkír, e làa yòʼ a leéy fo fo. Vèn leéy, e yèn, m yíi màʼ ŋgeʼ e vèn, a kù dzə̀ bìʼ liì won kisaŋ. Suuy mo woo Nyùy Tàr.


Bìʼ vinyo vìn, Nyùy Tàr, wun woo Taà Mànjòŋ nén a suŋnín, wun woo Nyùy woó Isray wo wù kér vitaáví yoŋ jii, «Mo vèn kfənen ji aŋgaà vém vibàn, m yíi lovtí e vèn, e meé mo dòʼshwíiy wom yíi rə̀sìn. Mo vèn sə́ kóy vèsən, m yíi siìr ŋkfə́tir nyar ye vèn yiìn, m wáa yu.


Haà vitum, vèn wáa wùʼtì wír Nyùy Tàrí. Ŋkfə́tír wov dzə̀ e Nyùy Tǎr kiwo. Wù wíy màʼ ŋgeʼ e wìr dzə̀m wo wù yúyri wír və́, e laamé aŋgàa vibàn və́, a dzə̀ e jiv. Laáme, é wù mán ajay wìr və́, e tàŋrí nsay yev.


Kù wíy siìr mo ŋkfə́tír, a maʼ mo ŋgeʼ e wírí kitu. Wír vìyi kù lo, e sàsìn, e lèrìr, e gbù. Kishiíy kév ké ŋgeʼ ki sì fó mentsə̀m, a ŋgeʼ se tavkín sí kù lo, a nyoòrì.»


M yíi màʼ rə́r e věn kitu, e siìr ŋkfə́tir mensàŋ me vèn bivirin. Vèn nyéŋ fo kwaʼ rər, du, laay e věn mvə̀m ŋkà se laʼ seé mvə̀m kày se bomén sí, bo m yíi tsənsí yàsí wo bi e věn mvəm, e dòmsì ven, e way aàŋgaà vén vibàné wo.


Vèn lì ne ji vèn wáa cù tíy se lerìsìn seé sar se koŋ ji anyùy vén. Vèn sər meluʼ e nsay ji vèn cu anyùy vìn sho, li vifá ve yi, cu áwune shó. Vèn kwaʼ ji m shéʼri kinyo ke vèn mumè à?


«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.


Ŋkàlaʼ rə̀n yiì ne, kilòŋ kí wáa shwiíy mo, dòʼshwíiy wom kóʼ, e kèʼ fo kishiíy ke vé‑eè bàʼrìn, e wìy shem lán, a mo‑óò bvə́ʼə́y fo mǒ si.


«Éè Nyùy Tàr, vèr jày ne, e kfə̀n tàv kitú vèsən, à nen tèn fó làysìn ajay vér.


Nsay nen bìr, m ghéʼ nsay, yì méŋ vé nsayi.


Kù dzə̀ sá réŋréŋ mo a wìr lì wiíy wìr, la wù yòʼ dù là ŋgeʼlàʼ.


A dzə̀ jii, Nyùy Tàr woo Taà Mànjòŋ yòŋ ne jii: «Á ku bàʼtì vicí veé ghaa ŋkàlaʼ. Á yávtí tíy, e kòʼór kitaàtì e wǔn kày e Jerusalem. Dzə̀ ŋkàlaʼ, aá kù kér fó màʼ ŋgeʼ sho. Màyshó və kù sì táy ye á táy wíri.


Nyùy Tàr, kilòŋ ke kí shwiiy wò kùm áwune, kí shwiiy sa mo, a bó yòʼ dzə̀ m yù fó kuʼtí.» Nyùy Tàr suúy jii, «Dìn dòʼshwiiy wò, e wón ve á dzəə̀n é ghaŋ se dzəə́. Dìn sá e virə̀ʼ ve wàʼbìn baʼtin shó. Vilum wùn à vikìy véví yòʼ wíy bòy. Aránsisi wùn à vindzə̀n ve wíri ví yòʼ wíy bòy sa.


Kiliímé kév kí dzə̀ ji mvən ye naáné, kinyo kidzə̀m ke kí fəə́ fo fo ki dzə̀ kimboʼtì. Wìr lo, wù wàa suŋnín e fər və, kí wàa bòŋ, a wù kér a dzə̀ kwaʼtì ye bií é shiliv kùm wun.


Swiv nou:

Piblisite


Piblisite