Jeremia 5:7 - ŊWÀʼ NYÙY

⁷ Nyùy Tàr suuy jii: «A dzə̀ m làysìn ajay vén é le? Wón véné màʼtì ne mo. Á sí kan a dzə̀ anyùy kisaŋe. M yìír áwune, á kúr, e kù cì kwán a dzə̀ é kinjàŋ, du, dzə́ a dzə̀ wùn aàsàkìi.

Jeremia 5:7 Referans Kwoze

Galatia 4:8

Vèn wáa kuumé mo vèn‑eè dzəə̀n fó mbìy, a bó vèn yóʼ ne kìíy Nyùy və̀n. Vèn‑eè dzə̀ akwǎn anyùy kisaŋe, a bó vee shooyi yòʼ dzə̀ anyùy gheéy.

Jeremia 2:11

Kitúm ki‑ii yií ne kùvsín anyùy və́ á? Fə̀m mo bó yòʼ dzəə̀n rú anyùy, vé‑ee yií ne kùvsín a? Yii bèy, wír vémé màʼày ne mo wo m kóʼor áwune, e dù, a ghvəm a dzə̀ mebvə̀m, kifá, a bó yòʼ dzə̀ kí sə̀ áwune.

Joshua 23:7

fo vèn shwír wún vèn à vitúm ve ví berin e věn mvəm ví. Lá vèn yòʼ fə̀m a gaʼ yír sé anyùy vév. Lá vèn yòʼ a lìʼ kilìʼ, a kàn yír sév. Vèn wáa yen fó a ghvəm áwune, a tsəm aáwuné si.

Remrí 32:21

Vèn tìnsín ne mo e mebvə̀m men mè. Kifá kisáŋ, a vèn yoŋ ji nyùy, a bó kinyè kí yòʼ dzə̀ shó. Á bèy, m wíy bùʼ wír ve á yoʼ mèé e kitum, é vèn wáa yu nyár yév. M wíy koʼór ambuʼŋgàŋ, é vèn wáa shwiíy kilòŋ.

Tsəfaniya 1:5

M wíy laàr wír ve á kóʼ, yii cu e kikfəv ke lav, kóʼ bèy, cu shúy, cu ŋwee, cu mejiy. M wíy laàr sa wír ve á cu mo, kan yír yém, kfə̀n kan yír nyùy woo *Molek.

1 Korin 8:4

Kee kùm yí ye wìr wáa yi nyám ye á cuùn anyùy sho ki dzə̀, a vèsən kì kijuŋ ji kifá ke á cu kìn ki yòʼ dzə̀ nyùy wùmòʼ gheéy. Nyùy kù mày e mòʼón, a bó wùmòʼ yòʼ dzə̀ shó.

Jeremia 23:10

Wír ve á maʼày Nyùyi rùn ne e wòŋàn, aŋgàa ntume dzə́ dzə́ kisaŋe, li kilíŋ kév ké lìm, yii a dzə̀ lím kisaŋe shó. Lǒn Nyùyi shòv ne fó, nsay nén a dìy, yí nyàme yúmkír é virə̀ʼ vé woʼ.

Remrí 32:15

Yii bèy, Jeshurun yíkír, e fàŋ, a ŋàʼ. Wù fáŋ, e rùn, a nə̀ʼ nə̀ʼə̀n. Lòo nə̀ʼ, e bìn ndzə̀m e Nyùy. Wù‑uù ŋwày Ŋgaà Mbom və, e màʼày Ŋgaà Lùŋèr və woo Kilán kfə́.

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

Jeremia 12:16

Vitúm vìn vi dzə̀, a ví‑iì dànèr wír vém, á wáa kàn a dzə̀ nyùy woo *Baal. Yii bèy, aáwune kùvsín lèn, a jùmrì liì wìr vém, a yiì mo wù dzəə̀n, a kàn a dzə̀ yír yém ji Nyùy Tàr dzə̀ shó e tin, bo áwune sí yìi tuúy e wír vémé mvəm.

1 Korin 6:9

Bó vèn yòʼ kì ji wír ve á yii liì wo bií yòʼ dzə̀ á wìy shòv sáʼ Nyùy e si à? Kìn dzə̀ ji ŋgaàŋ jaŋ kinjàŋ, kìn wù ghvə́m anyùy kisaŋe, kìn wù li wiiy wìr, kìn wiíy ghán viŋkar, kìn lumèn shaà wiíy, a lì lumèn,

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Amos 8:14

Ké wìr ve á kan yír Ashima woo nyùy woó Samaria, yéʼti a dzə̀ e nyùy woó Dan wùn, kfə̀n yéʼti e bùnrì ye á du, bunrì e Beersheba, áwune wíy gbù adzə̀m, e làa yòʼ dzə́ə ŋaʼáy.

Hosea 13:6

Yii bèy, m yiír ven, vèn yíkír, e kùr, e lò, e kèʼ wún wo yuúné, e nèn mèŋ mo.

Hosea 11:8

«Éè Isray, a dzə̀ m shwèy ven fó wo e le? A dzə̀ m ghàn é le, e bóo màʼtì ven? A dzə̀ m ghàn é le, e bóo laàr ven, mo mò‑oò laàrìn Admaa? A dzə̀ m ghàn é le, e bó a lovtí e vèn, mo mò‑oò lovtin e Tsəboyiim? Bó yòʼ dzə̀ shilív shém shí biìmé. Koŋ ye m kòŋèn ven é ŋàŋé shàʼnín.

Hosea 7:4

Áwune soóne moo vé kinjàŋe. Á sì moo kíy wo á ton birer sho, a wú sí lum ji rǐŋ, ŋgaà kiy yár fó a koʼór və́y, e kù a shìy a dzə̀ meŋkfəŋ ji mè maysi, e kòʼ, é bo á ton.

Hosea 4:2

Wíri yii aŋkàʼmé, bin, shóʼorì, bóʼti kimboʼtì, yúyri wíri, shóŋ vishóŋ, aàlúm wírií jaŋ kinjàŋ, a vikǐy wírií ghán viŋkar. Á buʼtì vinyo, tónenè, yúyri wír, tóm wùmòʼ.

Esiker 22:11

Wùmòʼ lo, wù wàa yiì joonè, a lì wiiy wìr, a wùmòʼ li kfə́ a dzə̀ wiiy wan və là woómé, a wùmòʼ li jemèr rə ye dzəə̀n wan tàr wov.

Jeremia 13:27

M yèn ne joonè wo vèn yii. Vèn sí yii a dzə̀ visàkì. Vèn ghvə́m anyùy e vitu ve agwan, ghvə́m e viwoóy. Vèn yii moo lumèn wo wù ghán e wiiy wìr bàm, kìn mo nyàm yee lumèn shiì yee wiíy. Éè Jerusalem, lòné dzə̀ wón. Liì won kisaŋ və̀n wíy mày e ghàn ka?»

Jeremia 9:2

Kì yée fó a dzə ji kirə́ʼ kí dzə̀ é woʼ, kirə́ʼ kee fo a dzə̀ vé ghane wàa shiíy, bo m kì màʼtì wír vér, e lò fo áwuné ghaŋ. Áwune dzə̀ vé kinjàŋe adzə̀m, ŋgoo wìr ve á buʼtì vinyo.

Jeremia 3:19

«Wír veé Isray, mò‑oò yén jii, m yíi lèm a ven jeéy e wón vém adzə̀mé mvəm, e fo ven nsay ye juŋ, vitsə́ʼ, a ví bòŋ feyì, e shaà ve ví dzəə̀n é vitum vímóʼ ví. M kfə́n a ki ji vèn yíi a yòŋ a mo ji Tàr won, a ghan e mǒ mbòv, e làa yòʼ bìn ndzə̀m e mò.

Jeremia 2:31

«Éè ŋgwàʼ yeé Isray, vèn yuúrí, e yù jí Nyùy Tàr. Mò‑oò ló a ker ven a dzə̀ e wó ŋgeʼe á? Mò‑oò lo màʼày ven é woʼ, kìn é ndzə vitsə̀ʼ á? Yiì ka, é bo wír vémé wáa suúy jii, ‹Vèr fəə̀ ne fo wo ŋgeʼe lèn, a bó vèr yòʼ dzəə́ yìi kfən e Nyùy sar saʼ?›

Nsùyrì Nyùy 50:18

Vèn yén shóŋ, á kfə̀n ji ŋkar sə́, shém ŋgoo wír ve á li vikìy wíri.

Cù 20:10

«A wìr lì wiíy wìr, á tàtí ŋgaàŋ wùn à wiíy woo shooy, e kù yùyrí yuyrín.

Hibru 13:4

Kee kùm dzəʼə̀m yeé lav, kí nén a dzə jii, wìr dzə̀m kú a ghvəm nsər see kùm wiíy wùn lum, é la wiíy kìn lúm yòʼ fəə̀, e dù, a tàʼ wír wo sən. Vèn wáa kiíy ji Nyùy wíy màʼ ŋgeʼ e wír ve á yii vinyo ve kisaŋ vi, bívir nsaàlav sho.

2 Wòŋ 13:9

Vèn‑eè jùm atàá cù, áwune vee wón Aaron, e jùm wír veé ram Levi, e nèn shòʼtí vén vee atàá cù, kù mo vitúm vee věn ghaŋ vi yii. Wìr wiy ji á yóʼ wun, a fə̀m dzə̀ la, a wù kér nyam cù yee nàʼ woo lumèn, kìn viyáʼ saàmbà, vèn nèn kù lèm wun ji taà cù anyùy kisaŋ vìn.

Jeremia 7:9

A dzə̀ vèn wàa shoŋ vishóŋ, a yuyrí wíri, a jàŋ kinjàŋ, a kàn yír Nyùy kisáŋ, a tòn kiláy, a cù *Baal sho, a ghvəm anyùy, a bó vèn yòʼ kì fó fo,

Jeremia 16:11

à nèn bìnèr aáwune ji Nyùy Tàr suuy a jii, ‹Dzə̀ bìʼ fo atàr véné‑eè ŋwayin mo, a jùmrì a dzə̀ anyùy, a lìm fo fo, e kfə̀n a cù, e nèn mèŋ mo, e tèn fó a yunín nsər sém.›

Jeremia 16:20

A dzə̀ wíri fèr anyùy vév á? Àáy, aá fèr, bo yòʼ dzə̀ vee shooyi wàa dzə anyùy.»

Yòvdìy 3:42

«Éè Nyùy Tàr, vèr jày ne, e kfə̀n tàv kitú vèsən, à nen tèn fó làysìn ajay vér.

Ŋwàʼ Jov 31:12

Dzə̀ və́y, a dzə̀ wú lòo shwi, wú bìvír mo bívírín, e lòo shwi, wú laàr kéŋ yém e dzə̀m.

Jeremia 3:8

M lò, e fò ŋwàʼ njàvsìn e Isray wo wù‑uù ŋwayin mo, e fə̀ə́r wun bìʼ visàkì ve wù‑uù yii vidzə̀m. M lòo leéy, e yèn ji bó fər və Juda woo wir kisaŋ yoʼ yèn á bèy, a fàn gheéy, wù kù fəə̀ sáa visàkì.

Jeremia 9:1

Wìr ku lì ji kitú kém kí kì dzə̀ ntoò ndzə̀v, a sí yémé dzə̀ dàn mensiy, bo m kì diy e shùy, diy vitsə́ʼə́, bìʼ wír vér ve á yuyrin.