Jeremia 5:6 - ŊWÀʼ NYÙY

⁶ Á bèy, bvərə̀ʼ yíi fəə fo kòv, e koo áwune, é koosàʼ wiy fó woʼ, e sàʼ áwune. Baá yíi a neŋ aáwuné ghaa ŋkà se laʼ, a shweʼ virə́ʼ. Wù yíi sàtì wír wo wù bàŋrìn, e fəə̀ fó fo, e vinsàr vinsàr. A dzə̀ bìʼ fo ajay véví kùʼùn ne e ŋàŋ. Áwune bìn ne ndzə̀m e Nyùy, e tònén.

Jeremia 5:6 Referans Kwoze

Tsəfaniya 3:3

Və́ vé saʼa nyamkìr moo abvərə̀ʼ, wír və́ ve á tínen nsaʼa dzə̀ akoosàʼ, á yí kifá, e làa yòʼ a ber kee kibvəə́shí.

Habakuk 1:8

Nyám se ŋkoʼ sév sí léʼ e ŋàŋ, shaa baá, guutì shúu rər, shaa akoosàʼ ve á guutì nyám yée koo. Bàràʼ nyàm wov kív dzə́ə, du fo mbìy, aá wiy kwaʼda, féŋ moo lùŋ wo wiy, wo wù sə́ʼəy, e koo kifá.

Jeremia 4:7

Ŋgaà wo wù wiy ji wun bvə́ʼə́y vitúm fəə̀ ne, a wìy. Wù wiy moo bvərə̀ʼ wo wù fəən fo wun kileèmè. Wù màʼtì ne kirə́ʼ kfə́, a wìy ji wun laar nsay yen. Ŋkà se laʼ sén sí lo, e kfən e vifə̀m, é la wìr yòʼ dzə́ə a kùm fo.

Esiker 22:27

Vilìmbìy vév ví dzə̀ moo koosàʼ wo wù koon nyám, a sàʼ, mensə́ mè wáa cùrkìr. Áwune nen kfə̀n a laàr wíri, e shií ji á wáa kuúy séʼ.

Ŋgaà Yen 13:2

Nyàm ye m yenen rə̀n shwínin baá, bo vighiy və́ ví wáa dzə vé nyám ye á yoŋ ji *bear, é shúu wáa dzə wó bvərə̀ʼ. Kigàgǎʼsòŋ kí nèn fò vitaáví və́ vé saʼ e nyàm rə̀n, e dzə̀ʼə̀r e wùn kàvàʼ ji fon wo ghaʼán.

Hosea 5:14

A dzə̀ bìʼ fo mómò kitú kém, m wíy ghiʼ wír veé Isray moo bvərə̀ʼ, e ghiʼ wír veé Juda moo kintav ke wàn bvərə̀ʼ. Mo və̀n, m wíy sàʼtì áwune é vinsàr vinsàr. Saʼtì, é m nèn màʼtì áwune, a dù. M wíy sə̀ŋ áwune, e fəə́r, a bó wìr yòʼ wíy sə áwune.

Daniel 7:6

Kee shooy ki shaá, a m kù wáy sí, e nèn kfə̀n yèn yìmòʼ yee nyám, a yì dzə̀ kfə́ é njà baá. Yii bèy, a vav se shinə̀n sí fəə́kír é ndzə̀m wó sikweè, a nyàm rə̀n kér vitú vikweè, aá fó vitaáví vé saʼ sho.

Daniel 7:4

Nyam mbìy‑iì shwínin bvərə̀ʼ, yii bèy, a yì kér vav moo sé lùŋ wo wiy. M kú a leéy, e lòo leéy, e yèn, aá shóʼtí vav sə́, e nàn fo nsay, yì tiím e wun shwin moo wír, a ker vifií moo wír.

Esiker 23:19

Yii bèy, visàkì və́ ví ló fó fo, e tìŋ tìŋèn. Wù nèn bùy sho búyin, kù kuúme a dzə̀ viyá və́ vé viŋgòn ve wù‑uù yii visàkì e wòŋ woo Ejiv.

Esiker 16:25

Virə́ʼ vidzə̀m, à báʼrí kitaàtì fo, e sàŋrì kitú ké fo, a bi anshaàdzəə̀ là nyaʼ, e siìr viŋgòn vé e joònè, a visàkì vé vi kúy kuyín kishiíy kidzə̀m.

Yòvdìy 1:5

Aŋgàa vibàné kfə̀n ne ji vé saʼ veé Jerusalem, e kù a ghaʼ ghaʼán, a dù duùn fó mbìy, bìʼ fo Nyùy Tàr màʼàn ne ŋgeʼ e Jerusalem kitu. Wù màʼ bìʼ ajay vév vee nyanyày. Aŋgàa vibàné koòrí ne wón vév, e koòrí bèy, e dù sho ji akwàn.

Jeremia 49:19

Á yuúrí, e yù, m wíy sàsìn, e bvəy, e taʼár wír veé Edom, kù moo bvərə̀ʼ wo wù fəən fó kòv woó Jordan, e dù, e taʼár njiì fo jiy, aá sám fo áwuné nsay. M yii bèy, é m nèn shòʼ wír wo kòŋèn mo, e lèm ji kilìmbìy kév. Wìr woo moo mo dzə̀ la? Wìr wo a dzə̀ vèr wun tàm dzə̀ la? Kilìmbìy ke a dzə̀ kí kàr kinyo kém kí dzə̀ la?»

Jeremia 30:24

Dòʼshwiiy Nyùy Tàr wo ghaʼán və̀n yòʼ wíy mày, a bó wù máysí lim rə́ ye yí dzəə̀n e wun kwàʼtì. Wíy lòo dzə e vishiíy ve ví wiyì, é vèn nèn kìíy vinyo vìn.

Jeremia 30:14

Vé kikòŋnìn vén adzə̀me làysìn ne ven, á yòʼ dzəə́ gwarìr kinyo kee kùm ven. M dzə̀v ne ven, a dzə̀ mo a kì dzə̀ dzə̀v ŋgaà vibàn, m taàmé ne ven moo ŋgaà vibàn woo mbuù mendzə̀n, a dzə̀ bìʼ fo ajay véné kùʼùn ne e ŋàŋ, vinyo vén ve bi ví sì ŋkóŋkóŋ.

Jeremia 25:38

Nyùy Tàr fəə̀ ne mo bvərə̀ʼ fəə̀ fo wun kirə̀ʼ ké kilìr, a woŋ wóví kù sí lo, e lày làyìn, bìʼ rə́r se aŋgàa vibàné lo, e nəə́ áwune shó, a dzə̀ bìʼ dòʼshwiiy Nyùy Tàr.

Jeremia 14:7

Éè Nyùy Tàr, fə̀m mo vinyo vér ve bi ví koon ne ver, ku sə̀ ver bìʼ yír yé. Vèr bìn ne ndzə̀m e wò akàŋ aneénín. Vèr jày ne e wò.

Jeremia 2:19

Yii yé ye bií yíi way wò e ŋgeʼ. Bin ye à bìnèn ndzə̀m e mòó yíi dìn kisáŋ ké. Kú a kiíy, a yen kinyo ke à yii ki. Maʼày ye à màʼàyìn Nyùy Tàrí bìr féyì, a kí kfə̀n kér nyár e ŋàŋ. À yòʼ yii fan mo gheéy. Suuy mo woo Nyùy Tàr woo Taà Ndzə, mo woo Taà Mànjòŋ.»

Jeremia 2:17

Yeè mbàʼ, bó yòʼ wìy wò e kinyo kìn ki e wò kitu à? Kí dzə̀ bìʼ méŋ ye wò‑oò meŋen Nyùy Tàr. Nyùy Tàr woo Nyùy wò, wo wù‑uù tsəə́ne wò.

Jeremia 2:15

Abvərə̀ʼə́ nyam wun, kokìr feyì kitávín. Á laàr ne woŋ wóv, a ntèʼ sí sì sisaʼtìn, a bó kifá ki yòʼ kum sho.

Aysaya 59:12

Éè Nyùy Tàr, kí dzə̀ bey, bìʼ fo à kiiyin ne nyanyày vinyò vér ve bi ví. Vinyo vér ve bi ví sí tíy e wò si, fiʼtì ajay vér e wò. Feyì feyì, vèr yòʼ méŋ ajay vér. Vèr kì féyì mo vinyo vér ve bi ví dzəə̀n.

Nsùyrì Nyùy 104:20

Kù yii yii wò, bo ndzə wáa sən, é vitsə́ʼ ví wáa dzə, a dzə̀ ghán sin se nyám se kwaʼ si fəə́kir, gháné,

Esra 10:10

Taà cù woo Esra nèn nànèn, e sùúy aáwune jii, «Vèn ŋwày ne Nsər Nyùy, e wày vikìy vee vitúm e melav, e nèn a dzə̀sì lòn woó Isray sho.

Esra 9:6

a lon jii, «Éè Nyùy wom, m woóme kfə̀n kér dzə̀rkìtu, a bó yòʼ dzə̀ m yù fó nàn sí, a leéy wò. Nyùy wom, vinyo vér ve bi ví kùʼ ne e shaà ver, a lǒn ajay wórí kòʼ ne e mèé e ntoò yùv.

Kintaŋ 32:14

Lèn, vèn kfən ŋàʼáy e kén kí, a jùmrì kiwuú ké atàr vén. Ven vee kidzəə́y ké ambùʼtìvìnyò, vèn lo, e yiì, é dòʼshwiiy Nyùy Tàr maysi, e kòʼ kóʼón e wír veé Israyí kitu.

Nsùyrì Nyùy 80:13

Kitsəətsə̀ŋ ki tùŋ ne, e bàʼ, nyám se kwaʼ sidzə̀m si wáa kfər.

Jeremia 8:5

Yií ka lèn, é bo wír veé Jerusalem vìne bin ndzə̀m e mò bínen ŋkuuŋkùŋ. Áwune kù ghvə́m a dzə̀ mebvə̀m, a dzə̀ kifá kisáŋ, e tèn fó kfən e bàm, e yen mo.

Jeremia 30:15

Vèn tóŋ vileémé vén lèn bìʼ ka? Nyár yéné yòʼ dzə̀ ye dzə̀ á fèr. M lóvti e vèn ben, a dzə̀ bìʼ fo ajay véné kùʼùn ne e ŋàŋ. Vinyo vén ve bi ví sì ŋkóŋkóŋ.

2 Wòŋ 36:14

Atàá cù ve dzəə̀n ji vilìmbìy, à wìr dzə̀m kù‑uù bìn ne ndzə̀m bínen e Nyùy Tàr, a jùmrì vinyo ve koʼoyín ví ve vitúm vi‑iì yii, cu mebvə̀m. Áwune nèn bìvír lav Nyùy Tàr yeé Jerusalem, la yì yòʼ dzə́ə a dzə e ránén ye dzə̀ á wàa cù wun fo.

Ŋwàʼ Jov 10:16

A m fə̀m lò, a mùm ji m nan sí, bo à ŋáʼay e mǒ wùn moo kiŋgàr ke bvərə̀ʼ, e dìn e mò ji à shaà a vitaáví.

Aysaya 1:23

Atǎr wòŋ véné tsə́y kóy wùn à Nyùy, kfə̀n suúsin wùn aàshóŋé. Áwune adzə̀me kù diy a dzə̀ kòyàr, leey ji wìr bvə́n kiwó aáwune. Bó á yòʼ fə̀m kiŋsìn gháy wón tsə̀, a bó á yòʼ bin nsaʼ, fó e wiíy ŋkfə.

Jeremia 2:31

«Éè ŋgwàʼ yeé Isray, vèn yuúrí, e yù jí Nyùy Tàr. Mò‑oò ló a ker ven a dzə̀ e wó ŋgeʼe á? Mò‑oò lo màʼày ven é woʼ, kìn é ndzə vitsə̀ʼ á? Yiì ka, é bo wír vémé wáa suúy jii, ‹Vèr fəə̀ ne fo wo ŋgeʼe lèn, a bó vèr yòʼ dzəə́ yìi kfən e Nyùy sar saʼ?›

Jeremia 8:7

A fə̀m dzə̀ kilìmbìy ke ŋguùmé, mo kí féŋ e yùv, bo kí kù yii kiiy ghán sə́ sé kfən. A vibìŋ wùn à meghaà mè, à vintùŋàshàʼshàʼ vi kù kiiy sév. Yii bèy, a bó wír vémé yòʼ kiiy vinyo ve mo woo Nyùy Tàr tinen, e fò aáwune ji nsər.