Jeremia 5:5 - ŊWÀʼ NYÙY

⁵ M nen yèn jii, mo‑óò du, e yèn a dzə̀ vilìmbìy vév, e sùŋnín aáwune. A dzə̀ áwune kù kìíy vinyo ve Nyùy Tàr taʼà. A dzə̀ áwune kù kìíy nsər se Nyùy wov. Yii bèy, m dù, e yèn, aá tátí ne adzə̀m, e mèŋ sáʼ Nyùy Tàr. Á tèn ne fó a neŋ e wun sar.

Jeremia 5:5 Referans Kwoze

Jeremia 2:20

«Isray, e kèʼ fo kèʼ, à kù‑uù mèŋ ne sáʼ yém, e tèn fó a neŋ e mǒ sar. Wò‑oò kinèn ji bó yòʼ dzə̀ à yù kinyo kém, e lò fo fo, e shòʼ a dzə̀ virə́ʼ vé anyùy. Wò‑oò ghán vitú ve agwan vidzə̀m, du e sar se vici ve rəŋsìn ví, néŋ fo, yii visàkì vé.

Ŋwàʼ Luk 19:14

«Wù nèn lò, a wír vee wùn wòŋe‑eè ban wun e ŋàŋ, á nèn sìíy, e tsə̀nsí aŋgàa ntum fo bàm jii, bó á yòʼ koŋ a ji wìr və̀n wáa saʼ áwune.

Ŋwàʼ Luk 18:24

Jesus yén mo wù rəəyin, e sùúy jii, «Kí dzə̀ kigháʼán féyì fo ŋgaà kav nəə́ é vijùŋ ve dzəə̀n vé saʼ Nyùy.

Malakay 2:7

«Rúrú, dzə̀ kilíŋ ke taà cù ji wù yii, é wíri kiíy kinyo ke Nyùy ke kí kù yii dzə́ tìítiy, a wìy, a yen wun, e fíʼ a yu ntir fo wun shuù, bìʼ fo wù dzəə̀n ŋgaà ntum Nyùy Tàr woo Taà Mànjòŋ.

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Amos 4:1

Ven vee vikìy veé Samaria, vèn yuúrí kinyo kìn ki. Vèn yuúrí, ven ve á fàŋkìn moo anàʼ veé Bashan. Vèn nyavrì aàŋgàa kitàne, táy aghéʼncey, lo, á wàa tiy tiyín aàlúm vén vee kfə́m sé wírií kitu jii, vèn wáa dzə rì, e làa yòʼ fo meluʼ é vèr nó.

Jeremia 6:13

«Wìr dzə̀m kù dzə̀ wir bvə̀mkúʼ, diy a dzə̀ seʼ ŋgwaákínyé. Feyì feyì, e kèʼ fo wo terí, e dù e wo kuʼùn, à wìr wo dzəə̀n ji ŋgaà ntum wom, à taà cù, wìr dzə̀m kù sí shwiv a dzə̀ kinshwìv.

Ŋwàʼ Fəə 32:25

Mo Mooser yenen ji Aaron màʼtì a ne wíri, á wáa yiì mo á koŋè, e shòór vitú aàŋgaà vév vibàné si,

Jeremia 9:3

Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

Esiker 11:2

Nyùy Tàr yòŋ e mò jii, «Wàn wìr msòŋ, wír vìne dzə̀ ve á kér taámé se bi sí, kfə̀n tír wíri e ntir se bi sí é ŋkàlaʼ fèn.

2 Wòŋ 36:14

Atàá cù ve dzəə̀n ji vilìmbìy, à wìr dzə̀m kù‑uù bìn ne ndzə̀m bínen e Nyùy Tàr, a jùmrì vinyo ve koʼoyín ví ve vitúm vi‑iì yii, cu mebvə̀m. Áwune nèn bìvír lav Nyùy Tàr yeé Jerusalem, la yì yòʼ dzə́ə a dzə e ránén ye dzə̀ á wàa cù wun fo.

Aysaya 1:23

Atǎr wòŋ véné tsə́y kóy wùn à Nyùy, kfə̀n suúsin wùn aàshóŋé. Áwune adzə̀me kù diy a dzə̀ kòyàr, leey ji wìr bvə́n kiwó aáwune. Bó á yòʼ fə̀m kiŋsìn gháy wón tsə̀, a bó á yòʼ bin nsaʼ, fó e wiíy ŋkfə.

Jeremia 2:31

«Éè ŋgwàʼ yeé Isray, vèn yuúrí, e yù jí Nyùy Tàr. Mò‑oò ló a ker ven a dzə̀ e wó ŋgeʼe á? Mò‑oò lo màʼày ven é woʼ, kìn é ndzə vitsə̀ʼ á? Yiì ka, é bo wír vémé wáa suúy jii, ‹Vèr fəə̀ ne fo wo ŋgeʼe lèn, a bó vèr yòʼ dzəə́ yìi kfən e Nyùy sar saʼ?›

Jeremia 8:7

A fə̀m dzə̀ kilìmbìy ke ŋguùmé, mo kí féŋ e yùv, bo kí kù yii kiiy ghán sə́ sé kfən. A vibìŋ wùn à meghaà mè, à vintùŋàshàʼshàʼ vi kù kiiy sév. Yii bèy, a bó wír vémé yòʼ kiiy vinyo ve mo woo Nyùy Tàr tinen, e fò aáwune ji nsər.

Jeremia 30:14

Vé kikòŋnìn vén adzə̀me làysìn ne ven, á yòʼ dzəə́ gwarìr kinyo kee kùm ven. M dzə̀v ne ven, a dzə̀ mo a kì dzə̀ dzə̀v ŋgaà vibàn, m taàmé ne ven moo ŋgaà vibàn woo mbuù mendzə̀n, a dzə̀ bìʼ fo ajay véné kùʼùn ne e ŋàŋ, vinyo vén ve bi ví sì ŋkóŋkóŋ.

Amos 6:1

Lòné dzə̀ wó wìr veé Sion, áwune ve á yén ji vinyo vév ví ghán e mboʼ. Lòné dzə̀ wó wìr ve á dzə́ e Gwan Samaria, áwune ve á yén ji á dzə̀ akiŋsìn, atǎr saʼ veé kitum ke mbìy ki féyì feyì, áwune ve wír veé Israyi yoy, tiir a dzə̀ aáwuné wùn.