Jeremia 5:4 - ŊWÀʼ NYÙY

⁴ M leéy bey, e yèn ji vine dzə̀ á ambúʼ, aá yòʼ kér vifií. Áwune yòʼ kì vinyo ve Nyùy Tàr taʼ ji á wáa yiì, aá yòʼ kì nsər se Nyùy wov.

Jeremia 5:4 Referans Kwoze

Hosea 4:6

Wír vémé sí kpúkir bìʼ méŋ ye á meŋen wír wo dzəə̀n mo. Ven vee atàá cùu tèn ne fó kiíy wír wo dzəə̀n mo, bìʼ bey, m mèŋ ne ven fó atàá cù vém. Mo vèn tenen fó a sàmèr yéʼéy Nyùy won, bìʼ bèy, m yíi ten sa fo wón véné wáa dzə atàá cù.

Jeremia 8:7

A fə̀m dzə̀ kilìmbìy ke ŋguùmé, mo kí féŋ e yùv, bo kí kù yii kiiy ghán sə́ sé kfən. A vibìŋ wùn à meghaà mè, à vintùŋàshàʼshàʼ vi kù kiiy sév. Yii bèy, a bó wír vémé yòʼ kiiy vinyo ve mo woo Nyùy Tàr tinen, e fò aáwune ji nsər.

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Aysaya 27:11

Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.

Jeremia 7:8

« ‹Vèn leéy, e yèn mo vèn sí wáy shilív é ntir se kisaŋ si, a yòʼ dzə̀ sí bòyìr ven.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Jeremia 9:3

Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

Jeremia 10:8

Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Aysaya 29:12

Wù lòo dzə, e lì, e dù sho fo wìr wo wù yòʼ kiìn móo yòŋ, e sùúy sho jii, «Yòŋ ŋwàʼ və̀ne, e fò e mò,» bo ŋgaàŋ kù du, e bìnèr jii, «Bó m yòʼ kì móo yòŋ.»