Jeremia 5:3 - ŊWÀʼ NYÙY

³ Rúrú, Nyùy Tàr, à taʼ a dzə̀ ŋgaà suuyrú. Wò‑oò shwìvír áwune, la á yòʼ fə̀m gwàrìr. À wáa tàʼ e səʼsí áwune ŋkuuŋkùŋ, la áwune yòʼ yèʼéy kinyo fo fo. Áwune kù táv a dzə̀ kitú, tén fó kuvsín.

Jeremia 5:3 Referans Kwoze

Jeremia 7:28

Á bèy, áà nèn yòŋ aáwune jii, ‹Vèn dzə̀ kitúm ke kí yòʼ yúnin Nyùy Tàr woo Nyùy won, a kí yòʼ sə́ ntir. Suuyrú lày ne fo věn mvəm, a kinyo ke ru kí yòʼ dzəə́ fəə́ fo věn shuù.

Jeremia 2:30

M màʼ ne ŋgeʼ e vèn à wón véné kitu, la vèn yoʼ yèʼéy kinyo fo fo, yì láy kisáŋ. Vèn ló fó fo, e yùyrí aŋgàa ntum vém yuyrín, kù moo bvərə̀ʼ wo wù nyárninè.»

Tsəfaniya 3:7

Rúrú, mò‑oò kwaʼ jii, wír vémé yíi yen, aá fan á mo, e yù ntir ye mò‑oò tír áwune shó, é la m yòʼ dzəə laàr a ŋkàlaʼ yev, mo mò‑oò wayin ne ji m kù‑úù yii. Yii bèy, áwune kú a dù duùn fó mbìy wùn à yii yév kisaŋe.»

Aysaya 9:13

Bó wír vìne yoʼ màʼtì yii yév ye bií, e fíʼ a jùmrì ŋgaà wo wù maʼ ŋgeʼ aáwuné kitu. Áwune yòʼ fə̀m mum ji bo á kì yúnin Nyùy Tàr, wun woo Taà Mànjòŋ.

2 Wòŋ 16:9

Nyùy Tàr kíyri kitú ke nsay kidzə̀m, ji wun tóm á wír ve á ghán tìítiy mo wù taʼà, e tom bèn e mbòŋén. À lò ne, e yiì a dzə̀ kiyúŋ. Kèʼ fo lèn, rə́r sí kù sí wìy a ghiʼ wò ghíʼín.»

Aysaya 42:25

Á bèy, dòʼshwiíy kív Nyùy Tàr, wù màʼ ŋgeʼ e wír veé Israyí kitu. Wù‑uù yiì, áwune yén ŋgeʼ rə̀r ye tavín. Wù‑uù yiì, ŋgeʼ rə̀n súm áwune mo sùm kiliímé ke və̀y, yii bèy, a bó áwune yòʼ‑oò ló a gwàrìr. Yì‑iì tòn áwune é njà və̀y, yii bèy, bó á yòʼ fə̀m‑eè lo yèʼéy kinyo fo fo.

Hibru 12:9

Vèsən kér sa atàr vesən é nsay, aá kù sər vèsən, a vèsən yuúri, ghvə́m áwune. Mo vèsən yú bèy, bo dzə̀ vèsən yù Tàr wòsən wo dzəə̀n Nyùy, e shaà, e fíʼ wìy lùŋ.

Ŋwàʼ woó Rom 2:2

Vèsən yii bínsi jii, a Nyùy màʼ ŋgeʼ e wír ve á yii kfə́ə vinyò vee shoone, bo wù yiì a réŋ.

Esiker 24:13

«Jerusalem, à yiì ne liì visàkì, e lì *kifàn. M mùm ne feyì ji à maʼti á liì joònè visàkì, e fíʼ ran, à gháʼ. Bó yòʼ kfə̀n dzə̀ à ràn, a bó m máysí dòʼshwíiy wom wo wù koʼon, e kfə̀tì e wò kitu.

Jeremia 32:19

À kér vifií vé ntir ve ghaʼán ví, yii viŋgaʼnìn ve vinyò. À yii yén vinyo vidzə̀m ve wíri yii, laáme wir dzə̀m mo liì və wùn à yii rəə́ dzəə̀n.

Jeremia 19:15

Nyùy Tàr woo Taà Mànjòŋ, wun woo Nyùy wìr veé Isray suuy jii, «Vèn leéy, e yèn, m sí lo, e màʼ ŋgeʼ ye tavín é ŋkàlaʼ fèn, e màʼ e ntèʼ see fó ghaŋ réŋréŋ mo mò‑oò sí suuyì, a kù dzə̀ bìʼ fo vèn tavin kitú, e tèn fó a yu kinyo ke m suuyì.»

Jeremia 7:26

a vèn yòʼ yú kinyo kém, a vèn yòʼ fə̀m gwarìrì, kù táv a dzə̀ kitú. Kén kí ku nèn fòy, e shaà ké atàr vén sháan.»

Aysaya 48:4

Mò‑oò yii bèy, kù kiiy ji vèn tàv á kitú feyì, a bó vèn yòʼ yíi a yu kinyo. Vèn dzə̀ rú ben, a kitú kén ke tavín kí yòʼ dzə̀ é kirə̀ʼ, kiguynìn kén kí dzə̀, a kí kóʼ bam.

Ŋgàn 27:22

Aá fə̀m lì kiyúŋ, a tsəy e kikoŋ, a tsəy mo á tsə̀y ŋgwàsáŋ bo bó yòʼ dzə̀ kiyúŋsì kfə́ kí mày.

Ŋgàn 23:35

À yii lò, a làmrì jii, «Vé‑ee ndzə́n mo, a m yú ji m lèm a? Vé‑ee dzəv mo, a m yú à? M yíi lò e yuv é ghàn ka, e bó a tàʼ memoʼ mè?»

Ŋgàn 22:12

Nyùy Tàr yii shiy wir dzə̀m wo wù kér vifií, bvəər antaŋ vé kimboʼtìi.

Ŋgàn 21:29

Wìr wo wù méŋ Nyùy kù yii fə́ti a dzə̀ sí, a wìr woo tìítiy ku yii sayrì dzəʼə̀m rə́.

Nsùyrì Nyùy 51:6

Rúrú, à kér ké shií é suuyrú wo wù lo a dzə̀ fó shiliv. Ku yèʼéy mo vifií vé, é ví nəə́ e mǒ kwàʼtì.

2 Wòŋ 28:22

Yì‑iì dzə̀, a vinyo ve Fòn Ahas vi fóy ne fóyin, Fòn Ahas və̀n ku shaà fo mbìy, a bùʼtì vinyo ve ví wáa tinsín Nyùy Tàr, e shaà mo wù‑uù buʼtì fo mbìy.

Cù 26:23

«Á bèy, ŋgeʼ sìn sidzə̀m si kooy ven bey, vèn kfə́n tén fó a yunín mo, shaa fo mbìy, kú lóo meŋ mo,

2 Afòn 1:13

Fòn sii kfə̀n tsə̀nsí mfòómé wùmòʼ wùn à və́ vee wíri mtàn. Və̀n woo mfòómé wo wù‑uù meen ji taár dù kfə́ bey, e tsə̀m ndzəə́ e Elija si, e lòn wun jii, «Éè wìr Nyùy, kii wò, ku shàm ver, e bàvtí dzəʼə̀m yém wùn à yé aŋgàa lìm vém vee mtàne.

Jeremia 8:5

Yií ka lèn, é bo wír veé Jerusalem vìne bin ndzə̀m e mò bínen ŋkuuŋkùŋ. Áwune kù ghvə́m a dzə̀ mebvə̀m, a dzə̀ kifá kisáŋ, e tèn fó kfən e bàm, e yen mo.

Jeremia 35:13

e tiìsí ntum ye wù yíi dù, e tiisí e wír veé Juda wùn à veé Jerusaleme jii, Nyùy Tàr woo Taà Mànjòŋ, wun woo Nyùy wìr veé Isray dzə́r a jii, «Vèn yoʼ yèʼéy kinyo fo kinyò fèn, yée a yunín mo a? Suuy mo woo Nyùy Tàr.

Esiker 2:4

Áwune yòʼ woóme, kù táv a dzə̀ kitú. M túm wò fo áwuné wùn, áà du, e sùúy aáwune ji á yú á kinyo ke Nyùy Tàr woo Taà Ndzə suuy ki.

Daniel 9:13

Ŋgeʼ sidzə̀m se á saŋen é Ŋwàʼ Nsər Mooser si gbù ne e věr kitu. Yii bèy, a bó vèr yoʼ tòŋ e wò ji à shám ver, é vèr maʼti vinyo vér ve bi ví, a kiíy a dzə̀ suuyrú wò.

Amos 4:6

«Jìŋ ye yì‑iì koó ŋkà se laʼ sén sidzə̀m, bó yòʼ‑oò yii mo a? Kù‑uù bùúr mo vifá ve yi fo virə̀ʼ ve vèn dzə́ sho vidzə̀m. Suuy mo woo Nyùy Tàr woo Taà Ndzə.

Kèʼlo 19:34

Ndzə bvəə́shí, e ràn, wo mbìy suúy e wo bàm jii, «Yén ri mbà, m sìíy, e shìíy vèr tàr wòsò. Wòsò kfən fò meluʼ sho vitsə́ʼ vé lán vi, é wù nó, áà nèn dù, é vèn wun shiíy lèn, áà fíʼ koóy wón, fo rám tàr wòsòo lay.»

1 Afòn 13:33

Vinyo vìn vidzə̀m vi koóy ben, la Fòn Jeroboam yòʼ fèn màʼtì liì və kisaŋ. Wù kú a lèm atàá cù ve á wáa leéy virə́ʼ vé cù, a wù shóʼti fo kfəə sidzə̀m. Wìr lóo dzə wo wù koŋ a dzə taà cù, Jeroboam kù nèn lì ji taà cù woó kirə̀ʼ ké cù.

Nsùyrì Nyùy 51:8

Ku yiì, é m wáa dzə vèr à kishéʼrì ki, à vijuŋ vi. Ku yiì, é wún wóm wo à bvəʼtiné kfə́n a yu vijuŋ.

Nsùyrì Nyùy 55:20

Ŋgaà wom ŋgoo kù sí ban sa ŋkar sə́. Wù màʼ ne mbàŋ mensàŋ, e yàʼáy.

Aysaya 26:11

Éè Nyùy Tàr, à nàn ne kóy wó e yuv ji à lo, e màʼ ŋgeʼlàʼ e wír ve bií kitu, yii bèy, a bó áwune yòʼ fə̀m yén, a síi rúné. Nyùy Tàr, ku dìn koŋ ye à kér fo wír vée, é yí yii, aáwune méŋ fo á dzəə̀n. Dòʼshwiiy wò ku baàrí, e tòn aŋgaà vé vibàn.

Jeremia 3:3

Kí nen yiì, ŋweʼe tén gbu, e yiì, wuú tén sə́ʼə́y, a bó vishí vé vi yòʼ din ji kinyo ki kooyì. Ví kù dzə̀ ji vé sàkì, là woómé.

Jeremia 15:7

Rúrú, m wíy feér áwune, e taʼár moo mvə́y, é la wìr yòʼ bèr é ŋkàlaʼ yìmòʼ é wòŋàn. M wíy laàr wír vém, e yuyrí wón vév, bìʼ fo áwune tenen fó kuvsín yii yév.

Jeremia 17:23

Yii bèy, áwune yòʼ‑oò lo yuùrí, e làa yòʼ fə̀m a gwàrìr, e lò fo fo, a tav a dzə̀ kitú, e làa yòʼ yuurí ntir rə̀n, e làa yòʼ səəsí.

Jeremia 44:10

Bó vèn yòʼ kfə́menè, e wìy shem lán, a bó á yòʼ fan mo, aá yòʼ yú sáʼ yém, a bó á yòʼ lem nsər se mò‑oò foon e vèn aàtàr véné.»

Amos 4:8

Kilòŋ ke yumén kí gháʼ, wíri wáa ŋaʼáy fo virə̀ʼ jeéy jeéy, a dù e ŋkàlaʼ fo vé‑eè yoy kinyo ke mendzə̀v, tiirì. Du bèy, e làa yòʼ koóy mendzə́v mée no, e yu. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Amos 4:9

«Dzə̀ akàŋ anín ve m lo, m laàr vifá fo věn viboo, e laàr fo věn sum sé vitiír vé *vayin. M lo, m fə̀ə́r shwér wo wú tonnìnè wùn à koʼòr sí, vifá vi wàa yovrí. M lo, m fə̀ə́r ŋguùmé, sí yì vicí vén vé *fig wùn à vé oliv vi. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Amos 4:10

«Mò‑oò yiì, kifə̀ʼ ki nəə́ ven mo kí‑iì nəən wír veé Ejiv. Mò‑oò yùyrí wónlě nsùm vén e rə́r sí, e tàtí, e yùyrí wùn à nyám se ŋkoʼ se áwune‑eè koorin fó shùu rər sí. Mò‑oò yiì, kiyúy ké dzən sé wìr ki wáa nəə́ e věn yuy. Yii bèy, la vèn yòʼ kfə̀n é bàm e mǒ wùn. Suuy mo woo Nyùy Tàr.

Amos 4:11

«Mò‑oò laàr ŋkà se laʼ sén símóʼ sí mo mò‑oò laàrìn Sodom wùn Gomorra. Kibér ki bóy ji cóʼ moo shiŋkaʼ she shí shwiin, e lòo mày, á jón fó kiy. Yii bèy, la vèn yòʼ kfən é bàm e mǒ wùn. Suuy mo woo Nyùy Tàr.