Jeremia 5:12 - ŊWÀʼ NYÙY

¹² «Áwune bòʼtí ne kimboʼtì e mò woo Nyùy Tǎr bàm. Á yoŋ jii, ‹Yòʼ dzə̀ Nyùy Tàr yiì kinyo e vèr, yòʼ dzə̀ kinyo ke bi kí kòóy ver, a bó yòʼ dzə̀ rə́r sí nə̀ə́ ver, kìn jíŋ.

Jeremia 5:12 Referans Kwoze

2 Wòŋ 36:16

Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.

1 Samuel 6:9

Kí lóo dù, vèn wàa leéy. A kí lò a koʼ e dzəə yeé Bet‑Shemesh, a kfən e nsay Isray, bo yiì ŋkùv Nyùy wìr veé Isray kinyo ke biibí kin e vèsən. Kí dzə̀ làa yòʼ a dù bèy, é vèsən nèn kìíy ji ŋgeʼ sesən sí yòʼ lò a dzə̀ á fo fo, bo sí lò a dzə̀ á fo səné.»

Remrí 29:19

Vèn wáa yen fo wìr wáa dzə fèn e kishiíy ké lán ki, wo wù yuun jí se kilìʼ sin, e kfə̀n lò, e tàv kitú, a dzə̀v nsaŋ, a sevtí jii, ‹Vinyo vém ví yíi a ghan kijuŋ, fə̀m mo m tavin kitú, a mùm a dzə̀ yéem yee dzə́ə.› A kí kòóy bèy, bo kí yíi laàr ven adzə̀m, à ŋgaà jay, à ŋgaà woo là jay.

1 Joon 5:10

Kí nén a dzə jii, a wìr wày shilív e Wàn Nyùy woo shoon wùn, bo vinyo vee shoon vi wíy a lùm e wùn shiliv ghán sidzə̀m. Wìr wo wù kinèn vinyo vee shoon nén a yòŋ Nyùy ji ŋgaà kimboʼtì, bìʼ fo wù tenen fó biimé kinyo ke Nyùy dìnèn e Wan və́ kitu.

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Mayka 2:11

Vé kifàʼ vìne dzə̀ ben, aá koŋ ntum a dzə̀ ye kimboʼtì. A wìr lò, e sàsìn, e bvə̀y, a ghan, a levtí wíri jii, wun yíi yiì, aá wáa tsəə̀tìn tsəə̀tìn e meluʼ me tavkín mè, bo wír vìne kù yíi a gbù gbuùn é wùn wó ji á ŋgaà ntum wov.»

Esiker 13:6

Áwune yén vinyo ji din a Nyùy, yii bèy, a kù dzə̀ vé kisaŋ vi, maʼ fú kimboʼtìi. Á fiʼtì ji Nyùy Tàr suuy ji, Nyùy Tàr suuy ji, a bó m yoʼ tùm áwune. Á fiʼtì bèy, kwaʼ ji kinyo ki waà kooy rú.

Jeremia 28:4

M yíi siìr sa Fòn Jehoyiacin woó Juda fèn, wun woo wan Jehoyiakim. M yíi siìr wùn à wír veé Juda ve vé‑eè koon, e dù sho e Babilone adzə̀m. M kù yíi beʼ kimbùŋ ké fòn woó Babilon, e səʼə́r fo věn mbèʼ. Suuy a Nyùy Tàr.»

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Jeremia 4:10

M nèn shùsín jii, «Yímóy, Nyùy Tàr woo Taà Ndzə, rúrú, à bòʼtí ne wír veé Jerusalem ji woŋe yíi a dzə a nyaáŋ, wáa dzə lèn, a rə́r sí kér áwune fó asìʼ.»

Nsùyrì Nyùy 10:6

Á suuy e vitú vév ví jii, «A dzə̀ kfə̀n wìy sə̀ʼ ka ver? Mo ŋgwàʼ si wíy a dzə, bó yòʼ dzə̀ vèr wìy yèn ŋgeʼ gheéy.»

Ŋgàn 30:9

Lá à yòʼ fò, é ví kuʼnin, fo m wáa meŋ wò, a suúy ji Nyùy Tàr dzə̀ la? Lá à yòʼ yiì, é m wáa tàn kitan, fo m kfə́n ji shóŋ, e shoór wò woo Nyùy wom.

Jeremia 14:22

A dzə̀ anyùy kisaŋ veé vitum vìn, á sə̀ʼə́r wuú á? A dzə̀ mbàʼ, yì joʼsi ji mbàʼ, yì wìy e wuú á? Aày, kù jòʼsì wò, éè Nyùy Tàr woo Nyùy wor. Vèr kù tiir vifií vér a dzə̀ e wò wùn, bìʼ fo kù yii yii wò vinyo vìn vidzə̀m.

Jeremia 43:1

Jeremia màysì ntum sidzə̀m se Nyùy Tàr woo Nyùy wov‑iì tumen wun sho, e tiìsí e wìr dzə̀m.

Nsùyrì Nyùy 14:1

Wír ve á ŋwáy Nyùyi yoŋ fo shiliv jii, «Nyùy yòʼ dzə̀.» Á yoŋ bèy, kuvrì kiŋkùvrì, buʼtì vinyo ve ghaʼtín ví, fə̀m wír e mòʼón wo wù yii yii ye juŋe yòʼ dzə̀.

Jeremia 2:6

Áwune yòʼ‑oò ló a beè Nyùy Tàr é kinyò kímóʼ kí, Nyùy Tàr wo wù‑uù fəərin áwune fó nsay Ejiv. Nyùy wo wù‑uù tsəənen áwune é woʼ, woŋ siy, fo visóʼsóʼ ví dzəə̀n, woŋ kinjúm, a wú sə́n, e làŋsìn, woŋ, a bó wìr yòʼ yii shaa fo, woŋ, a wìr yòʼ yii dzə́ fo.

Jeremia 6:14

Áwune li kileémé ke kí kiʼ wír vém fó tèr. Áwune kù goʼ ji nyaáŋ waà dzə̀, a bó nyaáŋ yòʼ dzə̀.