Jeremia 5:11 - ŊWÀʼ NYÙY

¹¹ Rám Isray wùn à yé Judàa dzə́ bèn, aáwune mèŋ ne mo ŋkuuŋkùŋ. Suuy mo woo Nyùy Tàr.

Jeremia 5:11 Referans Kwoze

Jeremia 3:20

Abaày wìr veé Isray, moo wiíy wo wù ŋwayin lúm və, a ghan, kù dzə̀ mo vèn yiìn ne vèsən. Suuy mo woo Nyùy Tàr.»

Aysaya 48:8

Aày, bó vèn yòʼ‑oò ghàn ne kìíy vinyo vìn, kìn ji vèn yú yuún. Á yòʼ‑oò ghàn ne feèsí vituʼùr vén, ye vèn yú vinyo vìn. Mò‑oò kìíy ne jii, aá dìn kinyo e vèn, bo vèn kù yíi kfən ji alá fó fèn, e là fó fèsə. Vèn kù‑uù sí tsə́y kóy vèsən, e kèʼ mo mò‑oò yìyìn ven ji kitúm.

Hosea 6:7

Yii bèy, wír vémé kù‑uù ŋwày *mensaŋ mem moo Adam, kù laarì a dzə̀ sí, e làa yòʼ a tiy e mǒ wùn.

Hosea 5:7

Áwune shwèy ne Nyùy Tàr, e dù a yen a dzə̀ anyùy ve səné, a wón ve á kéríi yòʼ dzə̀ vé Nyùy. Bìʼ bey, ŋkàʼ se á lem e kitu ke ŋwee ji sé Nyùy si ló, e bìnkìr, e laàr áwune láarin, à nsay yev shó.

Aysaya 24:16

Á kù sí yú, a wíri yov luŋ kitú ke nsay kidzə̀m, yov, búri Nyùy Tàr shó, wun woo là nsem. Yii bèy, m ló kém, e wèʼ wèʼèn moo wír wo yàsí rèŋèrìn ne. Vijuŋ vi yòʼ dzə̀ e mò gheéy. Aŋgaà lám bàá lò ne kév, e kù a yu kinyo ji kimboʼtì ke boʼtín kí.

Jeremia 5:10

«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.

Jeremia 9:2

Kì yée fó a dzə ji kirə́ʼ kí dzə̀ é woʼ, kirə́ʼ kee fo a dzə̀ vé ghane wàa shiíy, bo m kì màʼtì wír vér, e lò fo áwuné ghaŋ. Áwune dzə̀ vé kinjàŋe adzə̀m, ŋgoo wìr ve á buʼtì vinyo.

Jeremia 12:1

Nyùy Tàr, a m neèr nsaʼ yem e wò si, bo ŋgaà réŋ kù yíi a dzə wò. Yii bèy, a m kù‑úù neer vinyo vìn e wò si, e yù ó mo wo‑óò tínén. Wír ve á méŋ wòo lo, á wàa ker dzəʼə̀m ye juŋe bìʼ ka? Vé kimboʼtìi lo, á wàa dzə dzə́ ye juŋe bìʼ ka?