Jeremia 5:1 - ŊWÀʼ NYÙY

¹ Nyùy Tàr suuy jii: «Vèn ghánén é dzəə seé Jerusalem, e bùʼrì virə́ʼ ví, e lèéy o. Vèn tar mentàrnín mvə mè, e tàr ji á sà‑áà yén wír, fə̀m e mòʼón, wír wo wù yii réŋ, kfə̀n kér suuyrú á. Yéné, é m fiʼ làysìn ajay wìr veé Jerusalem.

Jeremia 5:1 Referans Kwoze

Esiker 22:30

M nə̀ə́ ne e wír vémé mvəm ji sà dzə̀ m yèn wír wo dzə̀ wù tìím fo káy wìr vémé gbuùn, e siìr suuyrú fó, é la m yòʼ dzəə laàr áwune á. M leéy bey, e làa yòʼ yen wír.

2 Wòŋ 16:9

Nyùy Tàr kíyri kitú ke nsay kidzə̀m, ji wun tóm á wír ve á ghán tìítiy mo wù taʼà, e tom bèn e mbòŋén. À lò ne, e yiì a dzə̀ kiyúŋ. Kèʼ fo lèn, rə́r sí kù sí wìy a ghiʼ wò ghíʼín.»

Aysaya 59:4

Wìr fo vèn wo wù taʼ kinyo kee tínén é nsànloŋ yòʼ kfə̀n dzə̀. Wìr yòʼ kfə̀n sáʼ nsaʼ, suuy suuyrú, kù ghaa a dzə̀ vinyo ve kisaŋ vi, e bó a suúy, bóʼti a dzə̀ kimboʼtì e ŋàŋ. Wìr dzə̀m kù sí kér a dzə̀ bvə́m ŋgeʼe, a yí kù sí bvə́ysin a dzə̀ é kinyò ke bi kí,

Nsùyrì Nyùy 14:3

Áwune adzə̀me kù jày ne dzə́ə, kù sì vé kiŋkùvrìi adzə̀m, wìr wo juŋ yòʼ kfə̀n dzə̀ə́ gheéy, fə̀m e mòʼón.

Ŋgàn 20:6

Wìr lo, wù kù sùúy ji m dzə̀ wir jwáʼ, yii bèy, a dzə̀ á yèn wir jwáʼ e fèé?

Nsùyrì Nyùy 12:1

Éè Nyùy Tàr, ku sə̀ ver, bó wìr wo wù tíy e wò kinyò yòʼ dzə̀ə́, a wìr jwáʼ yòʼ kfə̀n dzə̀ə́ e wìr msǒŋ mvəm.

2 Tesalonika 2:10

Wù kfə̀n wíy a yiì kfəə́ se vimboʼtì símóʼ sí sinín, a laàrì sí wíri shó. A wù kù wíy a laàrì a dzə̀ yé wìr ve á sí du, e lày e və̀y, bìʼ fo bó á yòʼ‑oò ló a kòŋ fó biimé kinyo ke dzəə̀n ke ru kí.

Ŋwàʼ Luk 14:21

«Wàn lìm və̀y nèn kfə̀n, e bìnèr e tàr wov. Ŋgaà kiŋkàʼ və̀y yú, kilòŋ kfə́ kí shwiíy. Wù nèn kfə̀n tùm wán və̀y jii, ‹Fəə́ cér, e dù e mvə̀mlaʼ, e ghàn mentàrnín medzə̀m, e kfə̀n ghàn medzə́ə medzə̀m, e bàʼtí aŋgàa kitàn wùn aàndzə́mé, aàmfìri, aàŋkivkìri, e wìy sho.›

Sekariya 2:4

Wù suúy shó jii, «Nyéŋ, e dù sùúy e wánlè nsùm wo wù kér kfəə̀ mfìʼ e kiwo və̀sə ji wù yuúrí á ŋkuŋ. Jerusalem wíy kùʼ, a ker wíri wùn à nyám si nyanyày, e shaà mo dzə̀ á wàa dzə e mvə̀m kày.

Amos 8:12

Vèn wíy a ghan, a jan janén, a lò fo rìbà ndzə̀v, a dù e wùmòʼ. Vèn wíy a lò fo mbìv yee kuy, a dù e mbìv yee fo shùy yii tó. Vèn wíy a dù mbìy, a kfən bám ji á fiʼ yù kinyo ke Nyùy, yii bèy, a bó vèn yòʼ wíy yu.

Joel 2:9

Sí gbu, e sùm ŋkàlaʼ súmen, a koʼ e virəv vé kày. Kóʼó, é sí nəə́ é lav si, a nəə́ fo shuù se wundu moo ashóŋ.

Daniel 12:4

Daniel, fo ké ki, sə́tí jí se sí dzəə̀n é ŋwàʼ fèn si, e fìnèr e kifin ki, e meé mo ghán sé bàm sin si wíy gheén. Aneéníne wíy a leʼnín, a koʼ, a səy, a mùm ji á wáa kiíy vinyo, a dù duùn fó mbìy.»

Yòv Viŋgér 3:2

Mò‑oò sùúy jii, «Mo‑óò ŋáʼáy lèn, e nə̀ə́ e ŋkàlaʼ, a tàʼ ŋgaà ŋkòŋmé wom fó fo. A tàʼ fo dzəə sí, a tàʼ fo virə̀ʼ vé kitar.» Mò‑oò tàʼ wun, e làa yòʼ yen.

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Ŋgàn 8:3

Vifií ví kù tíy e dzəə se sí nəə e ŋkàlaʼ, fúŋ fo shùu kày yeé ŋkàlaʼ.

1 Afòn 19:10

Wù bìnèr jii, «Nyùy Tàr, Nyùy woo Taà Mànjòŋ, mò‑oò rə́si ghán ntum a dzə̀ ye. Yii bèy, wír veé Israyi gbù ne *mensaŋ mè, e kètì kíy sé se cù, e yùyrí aŋgàa ntum vé. Bèr ne mo vèr mòʼón, aá kfə̀n sí taʼ sa ji á yúyrí á mo.»

Jeremia 2:29

«Vèn kfə̀n báshi mo é gha lèn? Bó yòʼ tèn ven sáʼ yém a? Suuy mo woo Nyùy Tàr.

Jeremia 44:15

Á bèy, vilum adzə̀m ve vé‑eè kiìn ji vikìy véví ton a kiláy, cu anyùy sho, e lì vikìy adzə̀m ve vé‑eè dzəə̀n fó si, à wìr dzə̀m wo wù‑uù dzə́ e Patros, e nsay Ejiv, màŋgòŋ və̀n e dzə̀m nèn tàtí, a bìnèr e Jeremia, a waamé waamén jii,

Nsùyrì Nyùy 14:2

A Nyùy Tàr kù maʼ sí fo yuv, kíy wón wìr msòŋ jii, wìr wo wù sə́ʼəm, e bó a yiì kinyo sà dzə̀ á? Wùmòʼ sà kù yòʼ taʼ e kiíy wun a?

Nsùyrì Nyùy 94:16

Wìr wóo sə mo fo wír ve bií dzə̀ shó à? Wìr wo wù fəər mo fo áwuné wo dzə̀ la?

Jeremia 8:6

M bònén ne yuùrí, kinyo kee tìítiy ki yoʼ fəə̀ fo áwuné shuù. A wìr yoʼ kùvsín fo wun yìi kisaŋe. Wìr yòʼ fə̀m sovìr kitú kfə́ ji jay və sà dzə̀ ka á? Wìr kù fuv, du a dzə̀ rə́ə yee dzə́ə, moo nyamŋkoʼ ye yì gvəytin, a nəə́ e mvə̀m rə̀r.

Jeremia 9:2

Kì yée fó a dzə ji kirə́ʼ kí dzə̀ é woʼ, kirə́ʼ kee fo a dzə̀ vé ghane wàa shiíy, bo m kì màʼtì wír vér, e lò fo áwuné ghaŋ. Áwune dzə̀ vé kinjàŋe adzə̀m, ŋgoo wìr ve á buʼtì vinyo.

Jeremia 9:7

Á bèy, wun woo Nyùy Tàr woo Taà Mànjòŋ nén a suúy jii: «Vèn yú, m yíi mùmrì áwune lèn e və́yí, e yen mo á dzəə̀n. Wír vémé kù sí yii a dzə̀ liì kisaŋ, bo a siì dzə̀ m kfə̀n yèe le lèn?

Esiker 9:9

Nyùy bìnèr e mò jii, «Njò wìr veé Isray wùn Juda kùʼ ne e ŋàŋ. Woŋe sì mensə́ mensə́, a ŋkàlaʼ kù sì yíi kisaŋe e dzə̀m. Áwune yoŋ ji Nyùy Tàr màʼày ne woŋ və̀n, a bó wù yòʼ dzəə́ yén áwune.