Jeremia 48:3 - ŊWÀʼ NYÙY

³ Á yuúrí, e yù tóŋ ye yí wiy fo Horonayime, aá tóŋ a dzə̀ rə́r se sí nəən, e laàr fó.

Jeremia 48:3 Referans Kwoze

Aysaya 15:5

Mo woo Aysaya, m tóŋ bìʼ kitúm kee Moav. Wíri sàm ne nsàm, a dù e ŋkàlaʼ yee Tsoar, a dù e Eglat‑Shelishiya. Áwune kóʼ gwan, du e Luhit, tóŋninè. Á du e dzəə yeé Horonayim, tóŋ vifá vév ve aŋgàa vibàné bivirin.

Jeremia 48:34

«Áwune sí kóʼor a dzə̀ léŋ toŋ, wú kóʼ fo Heshbon, a kiléŋléŋ kí du, mee e Eleale, líysin e Jahas. Wír vee kèʼ fó Tsoar, e dù, e meé e Horonayim, e lì veé Eglat‑Shelishiyàa yú sa mo áwune tóŋé. Ndzə́v seé Nimrim si kfən yùmkír sa.

Jeremia 48:5

Wíri kóʼ bam Luhit, tóŋé, kóʼ bèy, a tóŋe távkir tàvkín. Á yú mo wíri sə́y bam Horonayim, sə́y bèy, tóŋ ŋgeʼ se sí nəən áwune.

Jeremia 47:2

Nyùy Tàr‑iì yòŋ jii: «Á leéy ri mo aŋgàa vibàné baʼtin ne e wòŋ kùyi moo ndzə́v, aá yíi a kuŋ virə́ʼ, a wìy moo kúŋ. Á yíi kuŋ fó wùn à vifá vee fó vi vidzə̀m, e kuŋ sa ŋkà se laʼ wùn à wìr msòŋ wo wù dzəə̀n fó. Wíri wíy a toŋ ji á sə́ á áwune, wìr dzə̀m wo wù dzə́ fo wíy a dìy.

Aysaya 22:4

Á kinyo ke kí yiìn, é bo mo woo ŋgaà yen wáa suŋnín e wíri, a suúy jii, «Vèn maʼti mo bey, m kér fó a dìy e ŋàŋ, a jeetí, bìʼ fo á laàrìn ne wír vém. M lóo dìy, lá wìr yòʼ a mùm ji wun sə́mér mo.»

Aysaya 15:8

Rúrú, tóŋ wìr veé Moavi lìysín ne bìíy, wír vée Eglayime yú, veé Beer‑Elime yú sá.

Aysaya 15:2

Wír veé Dibone kòʼ ne aáwuné kirə̀ʼ ké cù. Á dù ne fo anyùy véví wùn ji á du, e dìy. Wír veé Moavi waáme tóŋ, diy laar ye á laàrìn ŋkàlaʼ yee Nebo wùn à yee Medeba. Wìr dzə̀m kwaày ne kitú, a dzə e nsòv, vilum adzə̀me kwaáy kighev.

Jeremia 20:16

Ŋwèrín kú a dzə moo ŋkà se laʼ see fó ŋgùʼ, ŋkà se laʼ se Nyùy Tàr‑iì bvəʼtin là mendzən. Kijàvndzə kidzə̀m, wù kú a yu a dzə̀ shirəə́, a shí kóʼó. Shùy lóo meé e ntìntìn, é wù wáa yu a dzə̀ léŋ rər.

Jeremia 48:4

«Aŋgàa vibàné bvə̀ʼə́y ne Moav, á yú mo wón vee fóo bur tóŋ.

Jeremia 51:54

«Vèn yuúrí, e yù, tóŋe sí kóʼ fo Babilon. Á sí laar ŋkàlaʼ Babilon e dzəə ye biibí, a léŋe kóʼ fo nsay foo fèy.