Jeremia 48:2 - ŊWÀʼ NYÙY

² Á yòʼ dzəə́ wìy a yu yír Moav. Aŋgàa vibàn véví tàŋ ne menàŋ é Heshbon, e yòŋ ji á wáa wìy, aá sə́ʼsí á kitúm kee Moav kìn. Éè wìr veé Madmen, á yíi sətí sa shuu wón, vèn yòʼ yíi bòy fo rər se sí lo, e nəə́.

Jeremia 48:2 Referans Kwoze

Jeremia 31:36

Wù suuy jii, «Mo bó yòʼ dzə̀ kí kòóy ji m yii, é vifá vìn vi yar fó a lìm mo kí dzəə̀n, bo bó yòʼ dzə̀ sá feyì m wìy màʼày rám Isray. Bó yòʼ dzə̀ m màʼày, aá lay fó kitum ke m leey fo fo.»

Aysaya 16:14

Yii bèy, ké lèn ki, Nyùy Tàr súŋnin, suuy jii, «E bǎm viya vitaár, e kèʼ fo lèn, kù mo wìr wo á tsəərin é shùu lìm yii táŋ vishiíy və́ vé lìm, bùʼ woó Moav wíy rèŋ e dzə̀m, aá taʼ kinyè ké wìr vee fó ntéŋ, fə̀m mo vé‑eè dzəə̀n nyanyày. Wír ámóʼó wíy ber fo áwuné mvəm, yii bèy, aá wíy ber wír ashàr, a ber bèy, aá wéʼ ne wéʼen féyì.»

Kintaŋ 32:37

Rám Rubene nèn bàʼrì Heshbon wùn à Eleale, à Kiriatayim,

Jeremia 49:3

«Éè Heshbon, vèn wáa dìy. Á laàr ne Ay. Éè vikìy veé Rabba, vèn wáa toŋnín. Vèn maʼ vinsàʼ ve ndzə̀y ví, a dìy. Vèn wáa dìy, a yaŋyáŋ e mvə̀m kày yeé ŋkàlaʼ, a dù mbìy, a kfən e bàm. Á wíy lì nyùy won woo Molek, e dù sho, e koo sa atàá cù və́ wùn à ŋgàŋ sə́ sí, e dù sho.

Jeremia 48:45

«Wír ve á fəən nsàmé lèʼ ne, e dù ji á bee é Heshbon, la fó beè yòʼ a dzə. Və́yí sí dzəm, kóʼ fo Heshbon, wú kóʼ fo Fòn Sihon ntoʼ. Wú tàtí ne, e tòn Moav, e kèʼ fo bìíy, e dù, e màysì e mvə̀m wòŋ, e laàr aŋgàa melaà vìn láarin.

Jeremia 48:42

Á wíy laàr kitúm kee Moav fo kitu ke nsay, bìʼ kóʼór ye kí koʼorin kitú kfə́, e shaà Nyùy Tàr.

Jeremia 48:17

Vitúm ve ví kaarin Moav vi kú a dìy áwune. Ven ve á kiìn áwune kijuŋ, vèn wáa yòŋ jii, ‹Sáʼ yév ye tavíné gbù ne. Viwìr vév wùn à vitaáví vév ví mày ne.›

Jeremia 46:28

Éè rám Jakov, vèn dzə̀ aŋgàa lìm vém, lá vèn yòʼ a fàn, m dzə̀ vèsən. Suuy mo woo Nyùy Tàr. Mò‑oò tàʼár ven, á dùkìr e vitum, a m kù wíy səʼsí vitúm vìn vidzə̀m, e səʼsí bèn ŋkuuŋkùŋ. Yii bèy, fo kén kí, m yòʼ wíy səʼsí ven səʼsín. M wíy nyèr ven nyérin ji weè, a bó yòʼ dzə̀ m màʼtì, vèn dù, la m maʼ ŋgeʼ e vèn.»

Jeremia 33:24

«Bó à yoʼ yù kinyo ke wír vìne suuyì à? Á yoŋ ji Nyùy Tàr mèŋ á ne rám yee baà ye wù‑uù shavin ji á wáa saʼ a mbìv wòŋ yee Juda, à yee Isray. Áwune yoŋ bèy, nèn ŋwáy wír vém ŋwáyín, e làa yòʼ dzə́ə a yen áwune ji kitúm.

Jeremia 25:17

M ku nèn sə̀ bàr və̀n fo Nyùy Tǎr kiwo, e nòór vitúm vidzə̀m sho, vee fo wù‑uù tumen mo.

Jeremia 25:15

Nyùy Tàr woo Nyùy wìr veé Isray nèn lò sùúy e mò jii, «Bàr melùʼ və̀ne, a dzə̀ ŋgeʼ ye m maʼ e vitúm ví kitu. Kò, e dù, e nòór vitúm vi shó, vitúm ve m lo, e tsənsí wò fo áwuné wùn.

Aysaya 25:10

Rúrú, Nyùy Tàr kù wíy a kìŋsìn Gwan Sion. Yii bèy, wù wíy sèn wír veé Moav, e nyèŋrì áwune e wuú, kù mo á nyèŋ viŋgà ve á kuʼun é bii.

Aysaya 15:5

Mo woo Aysaya, m tóŋ bìʼ kitúm kee Moav. Wíri sàm ne nsàm, a dù e ŋkàlaʼ yee Tsoar, a dù e Eglat‑Shelishiya. Áwune kóʼ gwan, du e Luhit, tóŋninè. Á du e dzəə yeé Horonayim, tóŋ vifá vév ve aŋgàa vibàné bivirin.

Aysaya 15:1

Sáʼ Nyùy yee kùm kinyo ke kí wíy koóy wír veé Moavi rə̀ne. Á lò ne vitsə́ʼ vimòʼón, e laàr ŋkàlaʼ yee Ar, Moav kpú, e rə̀. Á lò ne vitsə́ʼ vimòʼón, e laàr ŋkàlaʼ yee Kir, Moav kpú, e rə̀.

Jeremia 49:37

M wíy yiì, é wír veé Elame wáa fàn aŋgàa vibàn vév. Á wíy a fàn wír ve á taʼ e laàr dzəʼə̀m yév. Dòʼshwíiy wom wíy koʼ e ŋàŋ, é m maʼ ŋgeʼ aáwuné kitu. M wíy tsənsí rə́r aáwuné bàm, e meé mo sí wíy laàr áwune ŋkuuŋkùŋ. Suuy mo woo Nyùy Tàr.