Jeremia 48:1 - ŊWÀʼ NYÙY

¹ Ntum yee kùm wír veé Moav rə̀ne. Nyùy Tàr woo Taà Mànjòŋ, wun woo Nyùy wìr veé Isray suuy jii: «Lòné dzə̀ wó wìr veé Nebo, á sí lo, e bvəʼə́y fó. Á lo, e tòn Kiriatayim, é wír vee fóo wáa woomé. Á yíi bvəʼə́y kikum ke ŋkàlaʼ, e shoór fó.

Jeremia 48:1 Referans Kwoze

Kintaŋ 32:3

«Atarot, Dibon, Jaser, Nimra, Heshbon, Eleale, Sebam, Nebo, à Beon,

Jeremia 25:21

M kfən nòór wír veé Edom wùn à veé Moavi, à veé Ammone,

Jeremia 27:3

Tsə́nsí ntum e fòn woó Edom, e tsə̀nsí e fòn woó Moav, e tsə̀nsí e woó Ammon, e tsə̀nsí e woó Taya, e lì woó Sidon. À kù yíi a tsənsí, a tiisí a dzə̀ e vév vé ntum ve á wìyìn é Jerusaleme, ji á bun Fòn Tsədekiya woó Juda.

Jeremia 9:26

Kù dzə̀ jii, wír veé Ejiv, à veé Judàa, à veé Edome, à veé Ammone, à veé Moavi, à wìr dzə̀m wo wù dzə́ e kirə̀ʼ ké woʼ kí, wo á kèŋrìn kitú kfə́ fó mbìy, áwune kù dzə̀ ben, á sàŋ mbèʼ sév, aá náŋsin a dzə̀ wún. Wír veé Israyi wáa dzə adzə̀m feyì, a melív mev mè kù dzə̀ ben là náŋsín.»

Aysaya 27:3

Mo woo Nyùy Tàr, kù dzə̀ mo nshìy woó súm vitiír vən, a wáyri mo mendzə́v shó ghán sidzə̀m. Kù kiŋsìn mo e shùy wùn à vitsə́ʼ, fo wìr nəə́ shó, e ghèʼ.

Aysaya 25:10

Rúrú, Nyùy Tàr kù wíy a kìŋsìn Gwan Sion. Yii bèy, wù wíy sèn wír veé Moav, e nyèŋrì áwune e wuú, kù mo á nyèŋ viŋgà ve á kuʼun é bii.

2 Wòŋ 20:10

Kee lèn ki, wír veé Ammon wùn à veé Moav, à veé Gwan Seiri sí nəə ver e rə́r sí. A dzə̀ vitúm vìn ve wò‑oò shaʼnin ji lá atàr vérí yòʼ nə̀ə́ a áwune e rə́r sí e ghan se atàr vérí‑iì fəən fó Ejiv, a wìy fèn. Á bèy, atàr vérí ku yòʼ màʼtì, e làa yòʼ laàr áwune.

Kintaŋ 33:47

Á ló fó Almon‑Diblatayim, e dù, e tàm áàgwan vee Abarim, aá méʼ Nebo.

Kintaŋ 24:17

M yén ŋgaàŋ, a bó wù yòʼ sì lèn. M màʼ sí, a m yén wun ntàmda. Fòn wíy lò fo Jakov ram mo lò sàŋ, kitoómé ké vifòn ki wíy koʼ e Isray. Wù wíy bvəʼtí vitú ve wìr veé Moav, e teè wónlě vilum veé Shet.

Kèʼlo 19:37

Wo mbìy‑iì dzə̀ə́ wán lumèn, e shù yír ji Moav. Dzə̀ wun wo dzəə̀n tàr à wìr veé Moav, e wìy meé lán.

Joshua 13:19

à Kiriatayim, à Sibma, à Tsəret‑Shahar e gwan wo wù júʼ e mboʼ,

Kèʼlo 14:5

Lòo dzə e kiya kee nshòv sikweè e ghvə̀m, Kedorlaomer wùn aàfon və́ kiŋkaàyi báʼtí vitú vév, e dù, e tòn wír veé Refayim e Ashterot‑Karnayim, e kfə̀n tòn veé Susim e Ham, à veé Emime e Shave‑Kiriatayim,

Aysaya 25:12

Nyùy Tàr wíy səʼə́r virə́ʼ vé wìr veé Moav ve tavkín ví, e kètì, é ví keesi, a neŋ e nsay bèn e kibvə̀r.