Jeremia 47:2 - ŊWÀʼ NYÙY

² Nyùy Tàr‑iì yòŋ jii: «Á leéy ri mo aŋgàa vibàné baʼtin ne e wòŋ kùyi moo ndzə́v, aá yíi a kuŋ virə́ʼ, a wìy moo kúŋ. Á yíi kuŋ fó wùn à vifá vee fó vi vidzə̀m, e kuŋ sa ŋkà se laʼ wùn à wìr msòŋ wo wù dzəə̀n fó. Wíri wíy a toŋ ji á sə́ á áwune, wìr dzə̀m wo wù dzə́ fo wíy a dìy.

Jeremia 47:2 Referans Kwoze

Jeremia 46:20

Ejiv dzə̀ moo kimbòŋmbòŋ ke wàn nyàm, a ŋgaà vibàn wiy fo wòŋ kùyi, e taamé wun, kù mo vifə́r vé kwaʼ vi bòm e nyàm wùn.

Jeremia 8:16

E ké ru kí, nyám se ŋkoʼ se aŋgàa vibàn vér sí sì, a sí yoysìn fo mbìv Dan. Lúm sév sé nyàm si tóŋé, virə́ʼ ví sə̀ʼsì. Aáwune sí nəə, e fòr nsay yer, e fòr kifá kidzə̀m ke kí dzəə̀n shó. Á sí nəə, e fòr ŋkà se laʼ sér, à wìr dzə̀m wo wù dzə́ fo.

Jeremia 1:14

Nyùy Tàr suúy jii, «Ŋgeʼ ye tavín wíy lò a dzə̀ fó mbìv yee kuy foo fèy, e gbù e wír veé wòŋàné kitu.

Ŋgaà Yen 17:15

Nshìylav Nyùy rə̀y nèn kfə̀n a naàrì jii, ndzə́v se m yén, a sàkì və̀n dzə́ e ghaŋ wo sìn si dzə̀ á woŋ mo sí baʼtin fó sidzə̀m, vitúm jeéy jeéy, lám jeéy jeéy, wùn à kfə́ə wìr msòŋé e dzə̀m.

Ŋgaà Yen 17:1

Yìmòʼ yee nshìylav Nyùy ye áwune kì kér kighín kee saàmbà kìy nèn wìy, e sùúy e mò jii, «Ku wìy, é m din e wò mo á wíy lovtí e wiíy wo dzəə̀n kintìŋ ké sàkì ke ghaʼán kí. A wiíy və̀n dzə̀ ŋkàlaʼ ye á bàʼrìn fo ndzə́v sí néŋ e leŋ,

Jeem 5:1

M nén a suúy kinyo kímóʼ kí lèn a dzə̀ e vé bùʼu. Vèn wáa dìy, a ghèʼsìn. Ŋgeʼ yíi gbù e věn kitu.

1 Korin 10:28

Yii bèy, a wìr tòʼ ji dzə̀ vifá ve á cuùn anyùy sho, la vèn yòʼ dzəə yì, fo wìr wo wù kì toʼon woo shooy yén, a kwàʼ ji vèn dzə̀ é ŋgoo wìr ve á cu anyùy, e làa yòʼ kfə̀n yi sa bìʼ shilív she bvəərín shí.

1 Korin 10:26

A dzə̀ vèn wàa yiì bèy, bìʼ fo Ŋwàʼ Nyùyi suuy jii, «Kitú ke nsay ki dzə̀ ké Nyùy Tàr, à kifá kidzə̀m ke kí dzəə̀n shó ki.»

Nahum 1:8

Yii bèy, wù wíy yèr Nineve e kúŋ wo tavín. Wù wíy dòm aŋgaà və́ vibàn, e dù sho fo mesənér.

Daniel 11:22

Wù yí vifon, é wù nèn laàr mànjòŋ vé rər e dzə̀m wo wù taamen wun, e laàr, à taà cù wo kuʼùn shó.

Jeremia 48:39

Á laàr ne Moav, yú mo wír vee fóo diyì. Woómé si koò ne áwune, á bín ndzə̀m. Moav dù ne e vifə̀m, a beemé, vitúm vee áwuné ghaŋ vi nén a jàʼ áwune jáʼan.»

Jeremia 46:13

Nyùy Tàr kfən sùŋnín e Jeremia woo *ŋgaà ntum və, e yòŋ kinyo ke Fòn Nebukadnessar woó Babilon, wo wù yíi wìy ji wun laar á nsay Ejiv. Wù‑uù yòŋ jii:

Aysaya 59:19

Nyùy Tàr wíy yiì kin, é wìr dzə̀m wáa ghvəm yír rə́, a fàn vitaáví və́ ve ghaʼán ví. Wir dzə̀m woo kèʼ fó mbìv yee fo shùy yii tó, e dù, e meé fo yì nəə. Nyùy Tàr wíy a wìy cércér, kù moo ndzə́v ye yí léŋ kitávín, a wìy moo ndzə́v ye shwér Nyùy Tàrí dom, a yí tsə́y virə́ʼ.

Aysaya 28:17

M bóm kém, kù mo á yii bóm kirə́v, fiʼì. A dzə̀ jii, m wíy a tinén vinyo e nsànloŋ, a yiì kinyo a dzə̀ ke réŋ kí. Fo kén kí, wuú mentiyi wíy kèr kirə́ʼ kén ké kilìr, kirə́ʼ ke á bomen a dzə̀ e kimboʼtì ki. Yí wíy teér kirə́ʼ kén ké kibeèy, kibeey ke dzəə̀n aŋkàʼmé kimboʼtì.

Aysaya 22:1

Sáʼ Nyùy yee kùm Jerusaleme rə̀ne, Jerusalem wo dzəə̀n kiwoóy ke mò‑oò yenen é njà kinjeenjèm. Sáʼ rə̀ne dzə̀ jii: Vèn kóʼ e věn vikfəv ve lav, yí ŋkàʼ fó bèy, kwaʼtì ji vèn yii a dzə̀ ka?

Aysaya 15:8

Rúrú, tóŋ wìr veé Moavi lìysín ne bìíy, wír vée Eglayime yú, veé Beer‑Elime yú sá.

Aysaya 14:31

Wír veé Filistia, ven ve á tár e shùu kibùʼ, vèn wáa dìy. Ven ve vèn dzə́ e ŋkàlaʼ, vèn wáa toŋnín. Ven adzə̀m, vèn wáa fàn, a yàʼ. Kindzə́ʼ ki sí dzəm, sə́y fo mbìv yee kuy. Sì shúu rər mo wú sí meʼèm, sə́yí, a bó wìr rə̀r e mòʼón yòʼ sim kiwuú é bàm.

Nsùyrì Nyùy 98:7

Rìbà ndzə̀v wáa yòr, à kifá kidzə̀m ke kí dzəə̀n shó ki, é kitú ke nsay ki wáa sə̀ʼ mo yov wíri luŋ. Kí kú a sə̀ʼ, à wìr msòŋ wo wù dzəə̀n shó.

Nsùyrì Nyùy 96:11

Yúví kú a sheʼrí, é nsay wáa yu vijuŋ. Rìbà ndzə̀v wáa yòrkìr, à kifá kidzə̀m ke kí dzəə̀n shó ki.

Nsùyrì Nyùy 50:12

A jìŋ fə̀m kì yár mo, la m yòʼ fə̀m a suúy e vèn. Kitú ke nsay ki dzə̀ kém, à kifá kidzə̀m ke kí dzəə̀n shó ki.

Nsùyrì Nyùy 24:1

Kitú ke nsay ki dzə̀ ké Nyùy Tàr, à kifá kidzə̀m ke kí dzəə̀n shó ki. Kù kér wun kitú ke nsay, à wír ve á dzəə̀n shóo adzə̀m.

Jeremia 6:22

Nyùy Tàr suuy jii: «Vèn leéy, e yèn, mànjòŋ wiy fo wòŋ kùyi. Kitúm ke wiy kí bàʼtí ne rə́r, a mèʼèm, a wìy fo ndzəywoŋ.

Jeremia 46:12

Vitúm vi yùʼnín ne mo á shoorin ven, kitú ke nsay kidzə̀m ki yúʼnín mo vèn dzəə̀n é mvə̀m nyar. Vé rər véné bayrìn aámóʼó vitu, áwune tàtí ne, e fòrkìr e nsay adzə̀m.

Jeremia 46:24

Á wíy shoór ŋgònjuù yee Ejiv, á wíy way áwune e vitúm veé wòŋ kùy ví kiwo.