Jeremia 44:3 - ŊWÀʼ NYÙY

³ a kù dzə̀ bìʼ vinyo ve kisaŋ vi ve áwune‑eè yiìn. Vé‑eè ŋàʼár dòʼshwíiy wom e kiláy ke áwune ton, cu anyùy sho ki. Anyùy ve bó áwune yòʼ‑oò lò ghàn sìíy e kìíy, a bó vèn yòʼ kì sá, aàtàr véné yòʼ kì.

Jeremia 44:3 Referans Kwoze

Remrí 29:26

Áwune‑eè lò, a ghvəm anyùy ámóʼó, a lìm fo fo. Dzə̀ anyùy, aáwune yòʼ‑oò lò ghàn sìíy kìíy, kfə́n a dzə ve Nyùy shaʼnin ne fo áwune wìy a ghvəm.

Remrí 32:17

Áwune‑eè shaà Nyùy, a cù a dzə̀ viyoy ve ví gháné ji anyùy. Anyùy, aá tó shó afíy, a bó atàr véví yòʼ‑oò lò ghàn sìíy, e ghvə̀m.

Remrí 13:6

«A tàm wìy lò fər wò woo wan yè won, kìn wan wò woo lumèn, kìn woo wiíy, kìn wiiy wò woó mbuùy kikùn, kìn ŋkar yè tìm, a levtí wò bámbám, a suúy ji vèn wun du, a ghvəm anyùy ámóʼó ve bó vèn aàtàr véné yòʼ‑oò ló ne kìíy.

Daniel 9:5

Vèr jày ne, e yiì kinyo ke bi kí. Vèr kù sì wír ve á méŋ wò, tsə́y kóy vèsən, ŋwáy nsər sé wùn à kinyo ke à tínen ki ŋwáyín.

Jeremia 44:8

Vèn fer anyùy e wó yéné é nsay Ejiv fèn fo vèn wìyìn, a dzə, ton kiláy, cu sho, ŋáʼar dòʼshwíiy wom ji ka? Vèn taʼ ji á yiì laàr ven, é vitúm veé kitu ke nsay vi li yír yén ji liy, a jàʼ ven jáʼan a?

Nehemia 9:33

Kinyo kidzə̀m ke kí‑iì kooyin ver kí dzə̀, a wò‑oò yiì réŋ. À kù‑uù yii kijuŋ e vèr, fə̀m mo vèr‑iì yii kibí e wò.

Esiker 9:9

Nyùy bìnèr e mò jii, «Njò wìr veé Isray wùn Juda kùʼ ne e ŋàŋ. Woŋe sì mensə́ mensə́, a ŋkàlaʼ kù sì yíi kisaŋe e dzə̀m. Áwune yoŋ ji Nyùy Tàr màʼày ne woŋ və̀n, a bó wù yòʼ dzəə́ yén áwune.

Yòvdìy 4:13

Kí‑iì kòóy bey, bìʼ jay aŋgàa ntum Nyùy vee fó, e kòóy, bìʼ vinyo ve atàá cùu‑uù buʼtì. Áwune‑eè yúyri alànjò aáwuné mvəm, wíri, a dzə̀ vee Nyùy mbòv.

Yòvdìy 1:8

Jerusalem bùʼtì ne vinyo ve bi ví é ŋàŋ, e nèn kfə̀n ji kifá ke kí kér lóm. Wìr dzə̀m wo wù‑uu ghvə́m wun sí nyaysì wun nyáysin, a dzə̀ bìʼ kinshóʼ kfə́ ke á yenen ne. Á bèy, wù nén a woomé, woóme bèy, litì sí rə́.

Jeremia 22:9

Binèri kù yíi a dzə jii, dzə̀ á bìʼ fo áwune‑eè ŋwayin *mensaŋ me Nyùy Tàr woo Nyùy wov‑iì gwàrìn wùn áwune, a ghvəm a dzə̀ anyùy ve səné, a cù.»

Jeremia 11:17

Nyùy Tàr woo Taà Mànjòŋ, wo wù‑uù tuuyin ven bàʼtí ne a dzə̀ ŋgeʼ, e taàmé ven shó, a dzə̀ bìʼ liì kisaŋ wo ven vee wír veé Isray wùn à veé Judàa yiìn. Vèn ton kiláy, cu Baal sho, ŋáʼar dòʼshwiiy Nyùy Tàr.

Jeremia 7:19

Áwune kwaʼ ji á tínsin a dzə̀ mo a? Áwune kù tínsin a dzə̀ vitú vév, a woómé si yíi a dzə sév. Suuy mo woo Nyùy Tàr.

Jeremia 5:29

A dzə̀ rú la m yòʼ màʼ ŋgeʼ aáwuné kitu bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a? Suuy mo woo Nyùy Tàr.

Jeremia 5:19

Jeremia, áwune wíy lóo dzər jii, Nyùy Tàr woo Nyùy wov sà yiì vin vee vinyo aáwune ben ji ka á, à yòŋ ji dzə̀ á bìʼ fo áwune‑eè meŋen mo aáwuné nsay, a ghvəm a dzə̀ á anyùy vitum. Kí nen yiì, aáwune sí yiì a dzə, a dzə̀ é nsay vitum, a rèŋ vikwàn fó.»

Hibru 3:16

Mo vé‑eè saŋen bey, bo wír ve á yoŋ ji vé‑eè yù jí Nyùy, a sə a dzə̀ kóy vìne dzə̀ ala? Kù dzə̀ wír ve Mooser‑iì liìn fó wòŋ Ejiv, a fəə sho.

Aysaya 3:8

Rúrú, vilìmbìy veé Jerusalem wùn à veé Juda vi bàyrìn ne, e gbùkìr. Wír vìne kù sí tsə́y kóy wùn à Nyùy Tàr é vinyò ve á suuy wùn à ve á yii vi. Á kù sí tún vikuʼùy vé Nyùy Tàr túnén e kúmé.

Jeremia 32:30

«Wír veé Isray wùn à veé Judàa kù‑uù rə́si yii vinyo a dzə̀ ve ví wáa nyar mo, e kèʼ fo áwuné ŋgwàrìn wòŋ. Wír vìne kù tínsin mo tínsín e yii yév kisaŋe. Suuy mo woo Nyùy Tàr.

Jeremia 44:23

Ŋgeʼ sìn si‑iì nə̀ə́ ven, e wìy shem lán bèn, a dzə̀ bìʼ kiláy ke vèn‑eè ton, cu anyùy sho, nèn jáy e Nyùy Tàr. Vèn yòʼ‑oò ló a yunín Nyùy Tàr. Vèn yòʼ‑oò ló a yu sáʼ rə́, a jùmrì nsər sə́, a yu ntir sə́.»

Remrí 29:25

Á lóo ghay bèy, é binèri wáa dzə jii, kù yiì ŋwáy ye áwune ŋwayin mensaŋ me Nyùy Tàr woo Nyùy atàr vév. Mensaŋ me wù‑uù gwàrìn wùn áwune é ghan se wù‑uù fəərin áwune fó wòŋ Ejiv.

Jeremia 16:10

«Aà dù, e fìʼtì vinyo vìn vidzə̀m e wír vìne, á wáa dzər e wò jii, m sà lòvtí aáwune ben ji ka á? Áwune sà bùʼ a dzə̀ ka e Nyùy wov á? Jay wo áwune jayin e Nyùy Tàr woo Nyùy wov sà dzə̀ ka á?

Jeremia 29:19

A kí yíi koóy áwune bey, a dzə̀ bìʼ fo á yòʼ yuúri kinyo kém, a mò‑oò rə́si tsə́nsi vé lìm vém vee aŋgàa ntum, aá wiy, súŋnin aáwune akàŋ akàŋ. Suuy mo woo Nyùy Tàr.